Éxodo 12:48 - Bible in Tzeltal de Oxchuc y Tenejapa

⁴⁸ Ja'uc me to, teme ay jyanlum winic nainem ta awolilique, teme ya sc'an spas te q'uin Pascua, te yu'un ya yich' ta muc' a te Cajwaltique, neel xawac'bey yich' circuncisión spisil winiquetic ta sna, jich me jun yo'tan ya xju' ya spas te q'uine, jich bit'il te mach'a mero israel-winique. Teme ma yich'ojuc circuncisión, ma me ayuc jich nax ya sti' te chambalame.

Bible in Tzeltal Bachajón

⁴⁸ Teme ay jyanlum te sjoquinejex te ya sc'an ya spas te Q'uin Pascua yu'un Jehová, ya me yich' circuncisión spisil te winiquetic, hich ya xhu' ya spas te Q'uin Pascua, como hich ya xc'oht te bin ut'il alumal. Pero te mach'a ma ba yich'oj circuncisión ma xhu' ya swe' stuquel.

Éxodo 12:48 Referans Kwoze

Números 9:14

“Te jyanlum winic te nainem ta awolilic, ya me spas uuc te q'uin Pascua ta swenta quich'jibal ta muc', jich me te bit'il jmandal te caloje. Te mandalil te chapale jich nix me yip sc'oplal ta stojol jyanlum winic soc ta stojol te mach'a ainem ta alumal”, uta me —xi' te Cajwaltique.

Colosenses 3:11

Ma'yuquix sc'oplal teme jyanlum o judio, te mach'a yich'oj circuncisión o te mach'a ma ba yich'oj circuncisión, soc lajix sc'oplal teme jyanlum soc teme bol winic, soc teme abate o teme libre aye. Te melel ja' nax ay sc'oplal te Cristoe, te ja' yu'un ta spisil soc ay ta swenta spisil.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

Ezequiel 47:22

Ja' me te ya yich' aq'uel awu'uninic, soc nix te jyanlumetic nainemic ta awolilic, te ay yal-snich'nabique. Jichuc me ta awo'tanic te bit'il ayinemic ta Israel. Te c'alal ya apuquic te lumq'uinal ta stojol te sts'umbal Israel, ya me yich'ic uuc.

Éxodo 12:43

Te Cajwaltic, jich la yalbey te Moisés soc Aarón: —Ja' me mandaliletic yu'un Pascua: Ma me ayuc jtuluc jyanlum ya sti' te milbil chambalame.

Éxodo 12:19

Ma me ayuc mach'a ay levadura ta sna ta sba c'aalil ja' to c'alal ta sjuquebal c'aal. Mach'auc me a te ya swe' waj te yich'oj levadura, ya me yich' loq'uesel ta atojolic, manchuc me yan lum talem, o teme ja' nix yajwal te lume.

Ezequiel 44:9

“Ja' yu'un jo'on te Ajwalilon ya cal: Ma xju' ya x'och jtuluc jyanlum ta templo cu'un, te ma'yuc yich'oj ta yo'tan ni ta sbaq'uetal te marca yu'un te trato cu'une. Ni ja'uc te nainemic ta yolil israeletic te jyanlumetique.

Génesis 17:12

Ta swaxaquebal c'aal yayinel a, ya me yich' circuncisión spisil alalquerem awu'unic ta cajalcaj ats'umbalic, soc me te mach'a ya x'ayin ta ana, soc mach'a manbil tel ta yan lumetic ta ataq'uin te ma ats'umbaluque.

Génesis 17:11

Ja' me ya ajoybey loq'uel ta bojel snujc'ulel sjol te abaq'uetale, ja' me te circuncisión sbiile. Ja' seña ya xc'ot te trato albil cu'un ta atojolic.

Ezequiel 14:7

“Teme ay jtul israel o jtul jyanlum te nainem ta sq'uinal Israel, teme ya spit loq'uel sba ta jtojole, teme ja' jc'axel ya yac' yo'tan ta xch'uunel te loc'ombaetic yu'une, teme ja' ya yac' sit ta stojol te bila ya x'ac'bot sta smul yu'une, pero teme ya xtal ta stojol jtul j'alwanej cu'un, teme yu'un ay bila ya sc'an ya sjojc'obon ta swenta, jo'on me ya jsutbey sujt'ib.

Levítico 19:34

Jichuc me ta awo'tanic te bit'il ja'exe, c'ux me x'awaiy ta awo'tanic, melel ja' nix jich jyanlum ayex ta Egipto. Jo'on Ajwalilon, Dioson awu'unic.