Éxodo 12:43 - Bible in Tzeltal de Oxchuc y Tenejapa

⁴³ Te Cajwaltic, jich la yalbey te Moisés soc Aarón: —Ja' me mandaliletic yu'un Pascua: Ma me ayuc jtuluc jyanlum ya sti' te milbil chambalame.

Bible in Tzeltal Bachajón

⁴³ Te Jehová hich la yalbe te Moisés soc te Aarón: Ha te ley ini scuenta te Pascua: Mayuc jtuhluc jyanlum te ya swe'.

Éxodo 12:43 Referans Kwoze

Éxodo 12:48

Ja'uc me to, teme ay jyanlum winic nainem ta awolilique, teme ya sc'an spas te q'uin Pascua, te yu'un ya yich' ta muc' a te Cajwaltique, neel xawac'bey yich' circuncisión spisil winiquetic ta sna, jich me jun yo'tan ya xju' ya spas te q'uine, jich bit'il te mach'a mero israel-winique. Teme ma yich'ojuc circuncisión, ma me ayuc jich nax ya sti' te chambalame.

Números 9:14

“Te jyanlum winic te nainem ta awolilic, ya me spas uuc te q'uin Pascua ta swenta quich'jibal ta muc', jich me te bit'il jmandal te caloje. Te mandalil te chapale jich nix me yip sc'oplal ta stojol jyanlum winic soc ta stojol te mach'a ainem ta alumal”, uta me —xi' te Cajwaltique.

Éxodo 12:11

Alapoj meix ac'u'ic soc axanabic, soc atsacoj meix anabate' ta ac'abic abi. Ti'aic ta animaltic te sbaq'uetal te chambalame, melel Pascua yu'un te Cajwaltique.

Efesios 2:12

Ta neelal to, ma'yuquex ta swenta te Cristoe. Ma junuc ayex soc te lum Israele, soc ma'yuc ta awentaic te bila yaloj ta tratoetic te Diose. Jich nax cuxulex ta q'uinal. Ma'yuc smuc'ul awo'tanic soc ma'yuc Dios ta awo'tanic ta balumilal.

Levítico 22:10

“Ma me xju' ya swe' te bila ch'ultesbil te mach'a ma ochemuc ta sacerdoteile. Ni ja'uc te yula' te sacerdote, soc ni ja'uc te mach'a yac ta at'el yu'un, ma me xju' ya swe' te bila ch'ultesbile.

1 Samuel 2:27

Jich ora c'ot jtul j'alwanej yu'un Dios ta stojol te sacerdote Elí, jich albot yu'un: —Te Cajwaltic jich la yalix: “Te c'alal ayic ta mozoinel ta Egipto yu'un faraón a te antiguo ats'umbalique, mero jamal la cac' jba ta na'el yu'unic.

2 Crónicas 30:18

Ay muc' yajtalul c'ot ta loq'uel te sts'umbal Efraín, Manasés, Isacar soc Zabulón te la stsaquic uuc te we'elil yu'un Pascua, pero ma ba spasoj te bit'il ts'ibubil sc'oplale, ma ba xchajbanej sbaic ta stojol Dios. Ja'uc me to, te Ezequías la sc'oponbey Dios ta stojolic, jich la yal: —Cajwal, te mero lec awo'tan atuquele, pasbeya perdón te mach'atic jun yo'tan ya sna'ate,

Ezequiel 44:7

Ja'ex ya aboltesic te templo cu'une, melel ya awaq'uic ochel jyanlumetic tey a. Ja'ic te ma ba yich'ojic te marca yu'un te trato cu'une, ma'yuc ta yo'tanic ni ta sbaq'uetalic yich'ojic. Ya sjinbeyic sc'oplal, melel ya awac'bonic jwe'elin te xepuil soc te xch'ich'el te milbil majt'anile. Jich ya ajinbonic a te trato cu'une, ta scaj te mero ilaybil sba awat'elique.

Levítico 22:13

Pero teme me'ba ants, o sujt'esbil yu'un smamlal, soc teme ma'yuc yalataque, teme ya sujt' xan bael ta sna stat, jich nix te bit'il ma to baemuc ta ich'el a, ya me xju' ya swe'bey te we'elil yu'un te state. Pero ma xju' ya swe' te mach'a ma ochemuc ta sacerdoteile.