Éxodo 12:38 - Bible in Tzeltal de Oxchuc y Tenejapa

³⁸ Ay nix bayal ta jchajp yantic ants-winiquetic bajt'ic soc. Mero bayal te chijetic soc te wacaxetic.

Bible in Tzeltal Bachajón

³⁸ Soc ay bayel ta chahp yantic ants-winiquetic te la sjoquinic bahel, soc bayel tuminchijetic, tentsunetic soc wacaxetic.

Éxodo 12:38 Referans Kwoze

Números 11:4

Te israeletic ay mach'atic tsobolic te capalic soc, bayal ta jchajp te ja' nax ay ta yo'tanic te we'ele. Te israeletic la sc'ainbey yo'tanic, jajch'ic ta oq'uel. Jich la yalic: —¡Ayuc laj ti'bal jti'tic caiytic!

Zacarías 8:23

Ta yorail, ay me lajuntul jyanlumetic te yantic sc'opic ya me sjijp'an sbaic ta sti'il sc'u' jtul judio, jich me ya yalbeyic: “Ya jc'an ya jt'unticat bael te ja'exe, melel la caiytiquix te ajoinejic te Diose”, xiic me —xi' te Cajwaltique.

Éxodo 10:9

Te Moisés la sjac': —Ya me xbootic soc te alaletic cu'untique, soc te me'el-mamaletique, queremuc ach'ixuc, soc me te chijetic cu'untique, soc te wacaxetique. Mero muc'ul q'uin me cu'untic ta stojol te Cajwale —xi' te Moisese.

Éxodo 17:3

Te israeletique ay taquinti'il la yaiyic. Jajch'ic ch'inlajanel ta c'op ta stojol Moisés yu'un, jich la yalbeyic: —¿Bistuc la aloq'uesotic tel ta Egipto? ¿Bistuc te tal amilotic ta taquinti'il soc te cal-jnich'antique soc te jchambalamtique? —xiic.

Números 20:19

Te israeletic la yalbeyic xan: —Ja' nax me ya jt'untic te muc'ul be. Teme ay ya cuch'beytic ya'lel te pozoetic awu'un soc te jchambalamtique, ya me jtojtic. Te bila ya jc'antique, ja' te yacuc c'axucotic bael ta aq'uinal —xiic.

Números 32:1

Te sts'umbal Rubén soc Gad ay bayal ta jyalel te chambalametic yu'unique. C'alal la yilic te lumq'uinal yu'un te Jazer soc te Galaad te mero lec yu'un yawil te chambalametic,

Deuteronomio 3:19

Ja' nax me ya xjilic tey ta lumetic la cac'beyex, te antsetic awu'unic, te alaletic soc te chambalametic te jna'oj te ayix awu'unique.

Josué 8:35

Te Josué ma'yuc bay jil ta alel jp'aluc yu'un ta spisil te mandal yaloj Moisés ta stojol stsojbol te lum Israel, soc te antsetic, alaletic, soc te jyanlum winiquetic te jun ayic soque.

Nehemías 13:3

Ja' yu'un te c'alal la yaiyic te israeletic te bila la yal te mandaliletic, la sloq'uesic ta stojol spisilic te mach'atic scapojix sbaic soc jyanlumetique.

Levítico 24:10

Ta yolil te israeletic, ay jtul winic te yal israel-ants, pero egipcio-winic stuquel te state. Selomit sbiil te sme'e, snich'an Dibrí, sts'umbal Dan. Te winic soc jtul israel-winic la yut sbaic ta yutil te campamento yu'unique. C'alal yac ta yutbel sbaic a, te yal israel-ants la sbolc'optay soc la stoybac'optaybey sbiil te Cajwaltique. Ja' yu'un la yic'beyic bael ta stojol Moisés.