Éxodo 12:37 - Bible in Tzeltal de Oxchuc y Tenejapa

³⁷ Te israeletic loq'uic bael ta Ramsés, bajt'ic ta Sucot. Ta spisilic lajunwinic xcha'bajc' ta jmil (600,000) te winiquetic te staojix ya'wilalic ta soldadoile. Ma ba ajtaybil stuquel te antsetic soc te alaletique.

Bible in Tzeltal Bachajón

³⁷ Te snich'nab Israel loq'uic bahel ta Ramsés, bahtic ta Sucot. Ay lajunwinic scha'bahc' ta mil (600,000) winiquetic te ya xbehenic ta yoquic, ma ba ahtaybilic stuquel te alaletique.

Éxodo 12:37 Referans Kwoze

Números 1:46

loc' oxeb sbuluchwinic xcha'bajc' ta jmil soc lajuneb swaxacwinic xcha'bajc' (603,550) ta spisil.

Éxodo 38:26

Spisilic la yac' sbaic ta censo te mach'atic c'axem ta jtab ya'wilal, loc' olil xcha'bajc' ta jmil soc oxmil soc lajuneb swaxacwinic xcha'bajc' (603,550) ta jtul. Juju-jtul la yaq'uic jo'eb soc olil gramo plata, jich bit'il albil sc'oplal sp'isol yalal ta ch'ul awilal.

Números 33:5

Te israeletic jajch'ic loq'uel ta Ramsés, c'otic ta Sucot.

Números 33:3

Te israeletic loq'uic bael ta Ramsés ta yo'lajunebal c'aal a te sbabial u yu'un te ja'wile, ta yan c'aal a te la spasic te Pascua. Mero bayal yipic loq'uel ta sitic spisilic te egipcioetic,

Números 11:21

Jich yu'un te Moisés la sjac': —Te lum te sjoinejonic tel, olil xcha'bajc' ta jmil (600,000) winiquetic te ya xju' yu'unic guerra. ¿Yu'un bal ya awal te ya awac'botic ti'bal jti'tic ta sjunal u?

Génesis 47:11

Jich te José la sle bay lec te q'uinal la yac'bey te stat soc te sbanquiltaque. Ja' la yac'bey sq'uinalinic te Ramsés, jich nix bit'il albot yu'un te faraón.

Éxodo 1:11

Jich yu'un te egipcioetic la sleic tulan jwolwanejetic, te ya stenic ta tulan at'el te israeletique. La yac'beyic spas cha'pam lum te Pitón soc Ramsés te sbiilique. Yu'un ay ta yo'tan te faraón, te muc' ajwalil xi' c'oem yu'un Egipto, te ja' sq'uejibal te sbiluque.

Números 26:51

Ta spisil te israeletic la yich'ic ajtayel ta censo, ay lajunwinic xcha'bajc' ta jmil soc jmil xan, soc lajuneb sjuclajunwinic xcha'bajc' ta spisilic (601,730).

Números 2:32

Te yajtalul ta spisil ta jchajp snaic te israeletic, loc' ta spisil oxeb sbuluchwinic xcha'bajc' ta jmil soc lajuneb swaxacwinic xcha'bajc' (603,550) winiquetic.

Génesis 46:3

Albot yu'un te Diose: —Jo'on Dioson, Dioson yu'un te atate. Ma me x'axi' te ya xcoat bael ta Egipto, yu'un ya me cac' esmajan tey a, bayal me ta jmil ats'umbal ya xc'ot.

Génesis 15:5

Soc ic'ot loq'uel ta jamalal la yaiy yu'un te Diose: —Ila awil te ch'ulchane, ajtaya jayeb te eq'uetique, teme ya xju' awu'un yajtayele. Jich me yipal ats'umbal ya xc'ot —xi' sc'oplal.

Génesis 12:2

Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.

Éxodo 10:9

Te Moisés la sjac': —Ya me xbootic soc te alaletic cu'untique, soc te me'el-mamaletique, queremuc ach'ixuc, soc me te chijetic cu'untique, soc te wacaxetique. Mero muc'ul q'uin me cu'untic ta stojol te Cajwale —xi' te Moisese.

Éxodo 13:20

Te israeletic loq'uic bael ta Sucot, c'o spasic scampamentoic ta Etam, ja' sti'il te muc'ul jochol taquin q'uinal.

Números 1:2

—Ac'a ta censo spisil te israeletic ta chajbalchajp sts'umbal soc ta chajbalchajp snaic, swenta yu'un ya me xna'baj sbiilic soc yajtalul ta lec spisil te winiquetic