Éxodo 12:33 - Bible in Tzeltal de Oxchuc y Tenejapa

³³ Te egipcioetic jajch'ic ta sujel loq'uel te israeletic te yacuc loc'uquic bael ta ora ta bay slumal, yu'un la scuyic teme ya xlajic ta spisilique.

Bible in Tzeltal Bachajón

³³ Te egipciohetic la sujic loq'uel te pueblo Israel te yacuc xloq'uic bahel ta ora ta sq'uinalic, yu'un hich la yalic: Ya xchamotcotic ta jpisilcotic, xchihic.

Éxodo 12:33 Referans Kwoze

Salmos 105:38

Bin nax yo'tanic yu'un te egipcioetic te loq'uic bael te israeletique, melel bayal yacalic ta xi'el.

Éxodo 11:1

Te Cajwaltic, jich la yalbey te Moisés: —Ya to cac' tel castigo ta stojol te faraón soc te slumale, ja' to me jich ya yaq'uex loq'uel a. Ma me ja'uc nax jich ya yalbeyex, ya me stenex loq'uel soc spisil bitic ay awu'unic.

Génesis 20:3

Ja'uc me to, ta ajc'ubal c'oponot yu'un Dios ta swaich te Abimelec, jich albot: —Ya me xlajat ta ora ta scaj te ants te c'an awiq'ue, te melel ayix smamlal —xi'.

Éxodo 6:1

Te Cajwaltic la sjac': —Ta ora to ya me awil te bila ya jpasbey te faraón. Melel ja' nax me ya yaq'uex loq'uel a teme ay bila tulan ya xtal ta stojole. Stuquel me ya yal te ya yaq'uex loq'uel —xi' te Diose.

Éxodo 10:7

Ja'uc me to, c'opojic te sjo'tac te faraón, jich la yalic: —¿Bi to ora ya yijq'uitayotic ta woclajel te winique? Ac'aix loq'uel te ants-winiquetic, ac'a ba yich'ic ta muc' te Yajwalique. ¿Yu'un bal ma'yuc ta awo'tan te ayic to ta woclajel te yajwal Egipto? —xiic.

Éxodo 12:39

Ma ba ac'botiquix tiempo xchajbanel loq'uel swe'elic ta scaj te ora tenotic loq'uel yu'un te egipcioetique. La spaq'uic te swajic te ma ba yac'ojbey levadura, te loc' xan tel yu'unic ta Egipto.

Isaías 52:12

Ja'uc me to, ma animalticuc nax ya xloq'uex bael; ma me aneluc ya xloq'uex bael. Melel te Cajwaltic te Dios yu'un Israel ya me scanantayat ta bayuc.

Daniel 3:22

Melel la yal te muc' ajwalil te ora ya sc'an ya yich' pasel te bila la yale. Ja' yu'un yac ta buen tilel te c'ajc' ta horno, jich taotic ta c'ajc' uuc te soldadoetic la xch'ojic ochel ta c'ajc' te oxeb queremetic, jich lajic te soldadoetique.