Éxodo 12:28 - Bible in Tzeltal de Oxchuc y Tenejapa

²⁸ Jich bajt'ic ta spasel spisil te bila yaloj te Cajwaltique, jich bit'il albilix mandal ta stojol te Moisés soc te Aarone.

Bible in Tzeltal Bachajón

²⁸ Patil te snich'nab Israel baht spasic ta ora hich te bin ut'il halbotic ta mandar yu'un Jehová te Moisés soc Aarón.

Éxodo 12:28 Referans Kwoze

Hebreos 11:28

Ta swenta xch'uunjel yo'tan te Moisés, la yac' ta milel te chijetic swenta Pascua, soc la yal mandal te ya stsijts'anbeyic xch'ich'el ta bay sti' sna'ic te israeletique, yu'un jich ma xlajic ta milel yu'un ch'ul abat te sba yal-snich'anique.

Éxodo 12:27

cholbeya yaiyic: “Ja' te chambalametic ya jmiltic yu'un te Pascua, swenta yich'jibal ta muc' te Cajwaltique. Ja' sna'jibal te c'alal lajic te sba snich'nabic te egipcioetique. Yan te bay sna te jlumaltic israeletic, c'axel nax c'ax tey stuquel a, jich colotic soc te mach'atic ay cu'untique”, utaic me —xi' te Moisese. Jich yu'un te israeletic la squejan sbaic ta sc'oponel te Diose.

Éxodo 12:29

Ta olil ajc'ubal a te Cajwaltic la yejch'entes ta lajel sba snich'anic ta juju-jchajp sna te egipcioetique. Spisilic soc te sba snich'an faraón te ya xnajc'aj ta smuc'ul nactijibe, asta te mach'a ay ta chucjibale. Soc uuc te sba yalatac te xchamsbalamique.

Éxodo 7:6

Jich yu'un te Moisés soc te Aarón jich la spasic spisil te bit'il nix la yal mandal te Cajwaltique.

Éxodo 7:10

Te Moisés soc te Aarón ba sc'oponic te faraone. Jich la spasic te bit'il la yal mandal te Cajwaltique. Te Aarón la xch'oj coel ta lum te sbastón ta stojol faraón soc te sjo'tac ta at'ele, te bastón c'atp'uj ta chan.

Éxodo 12:35

La sc'anbeyic bael egipcioetic te oro soc plata soc c'u'iletic jich bit'il pasotic ta mandal yu'un Moisés.

Éxodo 14:4

Ja'uc me to, ya jtulantesbey yo'tan te faraón swenta yu'un ya me snutsex. Jich me ya cac'bey xan yil cu'el, soc spisil te soldadoetic yu'une. Tey me ya sna'ic a te egipcioetic te jo'on Ajwalilone —xi' te Cajwaltique. Te israeletic jich la spasic te bit'il albotique.

Éxodo 36:1

“Ja' yu'un te Bezaleel soc te Aholiab ja' me ya sju'tesic ta pasel spisil te bila mandal la yal te Cajwaltique. Ja' me ya sjoin sbaic ta at'el soc spisil mach'atic ay smajt'anic yu'un spasel bitic t'ujbil te ac'bilic sp'ijil yo'tanic yu'un Cajwaltic ta sna'el spasel ta lec spisil te bitic ya xtuun ta na'el Dios a ta bay te Nailpac' Templo —xi' te Moisese.

Éxodo 39:32

Ju' ta pasel te Nailpac' Templo yu'un Dios, ja' te Nailpac' te bay ya yich' c'oponel te Diose. Te israeletic jich nix c'ot ta pasel yu'unic spisil te bit'il yaloj mandal te Cajwaltic ta stojol Moisés.

Éxodo 39:42

Te israeletic la spasic spisil jich bit'il yaloj mandal Cajwaltic ta stojol Moisés.

Éxodo 39:43

Te c'alal la yil ta spisil te Moisés te jich a c'ot ta pasel yu'unique, la yalbey wocol Dios ta stojolic yu'un.

Levítico 24:23

Te Moisés la sc'opon te israeletic, la sloq'uesic bael ta campamento yu'unic te mach'a la stoybac'optay te Diose, tey c'o smilic ta ch'ojel ta ton a. Jich nix la spasic te israeletic te bit'il albotic mandal yu'un Cajwaltic ta swenta te Moisese.

Números 1:54

Te israeletic jich la spasic spisil te bit'il nix yaloj mandal Cajwaltic ta stojol Moisés.

Números 5:4

Te israeletic la xch'uunbeyic smandal te Cajwaltic te la yac'bey Moisés, jich la sloq'uesic bael ta spat campamento te mach'atic jich ayique.

Números 31:31

Te Moisés soc te Eleazar jich la spasic te bila mandal la yal Cajwaltic ta stojol Moisés.

Números 31:41

Te Moisés la yac' te patanil yu'un Cajwaltic ta sc'ab te sacerdote Eleazar, jich bit'il yaloj mandal te Cajwaltique.

Números 31:47

Te Moisés la sloq'ues jujun te lajlajuneb yoxwinic (50), ja' nix jich te ach'ixetic soc te chambalametique. La yich'ic ac'beyel te levitaetic te ya x'at'ejic ta ch'ul awilal yu'un te Cajwaltic, jich te bit'il yaloj mandale.

Deuteronomio 34:9

Te Josué snich'an Nun la yich' sp'ijil yo'tan ta stojol te Moisés, yu'un la scajanbey sc'ab ta sjol Josué te Moisés. Ja' yu'un te israeletic la xch'uunbeyic smandal, jich nix la spasic te bit'il yaloj mandal ta stojol Moisés te Cajwaltique.

Josué 2:21

La sjac' te antse: —Mero jich co'tan te bit'il la awalique —xi'. C'alal laj yo'tan ta c'op, jich bajt'ic. Ta patil te antse la xchuc te tsajal lazo ta sventanail te snae.

Josué 4:8

Jich te lajchaytul winiquetic la spasic te bit'il la yal mandal te Josué: la stsaquic tel lajchayeb tonetic ta Jordán, jujun la yich'beyic swenta juju-jchajp sts'umbal Israel, la yich'ic tel ta bay scampamentoique. Tey la yaq'uic a te tonetique, jich bit'il yalojbey Cajwaltic te Josué.

Josué 14:5

Jich la yich' puquel sq'uinalic te israeletic, jich bit'il albot mandal yu'un te Cajwaltic te Moisese.

2 Samuel 5:25

Te David jich la spas te bit'il albot yu'un te Cajwaltique. La stsal te filisteoetic, jajch' ta Gabaón c'alal ta Gezer.

1 Reyes 17:5

Te Elías la spas te bila albot yu'un Cajwaltic, bajt' ta nainel ta nopol beja' Querit ta stojol sloq'uib c'aal yu'un te muc'ja' Jordán.