Éxodo 12:27 - Bible in Tzeltal de Oxchuc y Tenejapa

²⁷ cholbeya yaiyic: “Ja' te chambalametic ya jmiltic yu'un te Pascua, swenta yich'jibal ta muc' te Cajwaltique. Ja' sna'jibal te c'alal lajic te sba snich'nabic te egipcioetique. Yan te bay sna te jlumaltic israeletic, c'axel nax c'ax tey stuquel a, jich colotic soc te mach'atic ay cu'untique”, utaic me —xi' te Moisese. Jich yu'un te israeletic la squejan sbaic ta sc'oponel te Diose.

Bible in Tzeltal Bachajón

²⁷ ya me ajaq'uic: Ha te milbil mahtanil yu'un te Pascua yu'un Jehová te sohl bahel ta sba te nahetic yu'un te snich'nab Israel ta Egipto te c'alal la yehchentes te egipciohetic, pero hil yu'un te jnatique, xchi. Hich te pueblo la snijan sbahic soc la yich'ic ta muc' te Diose.

Éxodo 12:27 Referans Kwoze

Éxodo 4:31

La xch'uun yo'tanic te lume. C'ot ta yo'tanic te yorailix te ya yich'ic coltayele, te na'botix yo'bolil sbaic yu'un te Cajwaltique. La stinan sbaic coel c'alal ta lum, caj yalbeyic bayal wocol te Diose.

Éxodo 12:11

Alapoj meix ac'u'ic soc axanabic, soc atsacoj meix anabate' ta ac'abic abi. Ti'aic ta animaltic te sbaq'uetal te chambalame, melel Pascua yu'un te Cajwaltique.

1 Corintios 5:7

Loq'uesaic me te pocol levadurae, swenta yu'un jich me yach'il wots'bil harina ya xc'oex, te ma ba yich'oj levadurae. Melel te Pascua cu'untique, ja'ix te Cristo te la yich' milel ta jwentatique.

Éxodo 12:23

Yu'un te c'alal ya xc'ax te Cajwaltic ta yejch'entesel ta lajel te egipcioetic, ja' me ya yil te ch'ich' bonbil a te smarcoil sti'il te nae. Jich me c'axel nax ya xc'ax ta bay te nae. Jich yu'un te Cajwaltic ma xyac' x'och ta anaic te lajele.

Nehemías 8:6

Jich te Esdras la yalbey yutsilal te Cajwaltique, ja' te Dios te Spisil ya xju' yu'une. Te lume stoyoj sc'abic ta spisilic a, la sjaq'uic, jich la yalic: “Jichuc, jichuc”, xiic. Ora la squejan sbaic soc la stinan sbaic coel c'alal ta lum ta swenta xch'uunel te Cajwaltique.

2 Crónicas 29:30

Ta patil te muc' ajwalil Ezequías soc te jtsobwanejetic la yalbeyic mandal te levitaetic te ya yalbeyic yutsil sc'oplal Cajwaltic ta salmoetic yu'un David soc yu'un te j'alwanej Asaf. Bayal yutsil yo'tanic c'ajinic, soc la squejan sbaic ta yalel wocol te Diose.

2 Crónicas 20:18

Jich yu'un te Josafat la squejan sba soc la stinan sba coel c'alal ta lum. Te mach'atic yajwal Judá soc Jerusalén la squejan sbaic ta stojol Cajwaltic ta yalel wocol.

1 Crónicas 29:20

Te David la yalbey spisil te tsobleje: —Ora yo'tic albeyaic yutsil sc'oplal te Cajwaltic te Dios cu'untique —xi'. Jich yu'un te tsoblej mero soc yo'tanic la yalbeyic yutsilal te Cajwaltic te Dios yu'un te antiguo sme'-static, la squejan sbaic ta stojol te Cajwaltic soc ta stojol te muc' ajwalile.

Deuteronomio 16:5

Ma me bayuc nax lumil te ya awaq'uic te milbil majt'anil yu'un Pascua, tey me ta bay lumetic te ya yac'beyex te Cajwaltic te Dios cu'untique,

Deuteronomio 16:2

“Ta yorail te Pascua, ya me awaq'uic tat chijetic o toroetic, ya me amilbeyic smajt'anin te Cajwaltic te Dios cu'untique. Tey me ya amilic ta yawil te banti stsaoj te Cajwaltique.

Éxodo 34:25

“Te c'alal ya amilbonic jmajt'anin te achambalamic, ma me x'awich'bon tel xch'ich'el soc waj te yich'oj levadura. Ma me xaq'uej te sobrail majt'anil yu'un Pascua ta swenta yan c'aal.

Éxodo 34:8

Te Moisés ora nax la spajc'an sba coel c'alal ta lum, la yalbey wocol te Cajwaltique.

Éxodo 10:2

swenta yu'un jich me ya awalbey te anich'nabic soc te amamataque. Melel ma la cac' slabanon te egipcioetic te la jpas muc' jchajp señailetic ta stojolic. Jich me ya ana'ic te jo'on Ajwalilon —xi'.

Éxodo 12:28

Jich bajt'ic ta spasel spisil te bila yaloj te Cajwaltique, jich bit'il albilix mandal ta stojol te Moisés soc te Aarone.

Éxodo 13:14

Jich bit'il pajel cha'wej, teme ay ya sjojc'obeyex te anich'nabique: “¿Bi swentailuc te jich ya apase?” teme xie, albeya yaiyic: “Ja' me swentail te soc smuc'ul yu'el te Cajwaltic la sloq'uesotic tel ta Egipto te bit'il ayotic ta mozoil tey ae,

Salmos 44:1

Dios cu'untic, caiyojtic te bila yaloj te jme'il-tatiletique, te bila la apasbey ta stojolic te c'alal cuxajtic ta q'uinal ae, ja' te bila la apas ta nameye.

Éxodo 13:8

Jich me ya awalbeyic a te awal-anich'nabique: “Te bit'il jich ya jpastique, ja' me sna'jibal cu'untic te bila la spas Cajwaltic te la sloq'uesotic tel ta Egipto”, utaic me.

Salmos 78:5

Dios la spasbey mandaliletic ta stojol Jacob; la yac'bey snopjibal bit'il ya sc'an ya x'ainic te israeletique; soc la yalbey mandal te antiguo jme'-jtatic te ya yac'beyic snopic te patil alnich'anetic yu'unic.