Éxodo 12:23 - Bible in Tzeltal de Oxchuc y Tenejapa

²³ Yu'un te c'alal ya xc'ax te Cajwaltic ta yejch'entesel ta lajel te egipcioetic, ja' me ya yil te ch'ich' bonbil a te smarcoil sti'il te nae. Jich me c'axel nax ya xc'ax ta bay te nae. Jich yu'un te Cajwaltic ma xyac' x'och ta anaic te lajele.

Bible in Tzeltal Bachajón

²³ Yu'un ya me xc'ax te Jehová ta yehchentesel te egipciohetic. Te c'alal ya yil te ch'ich' ta sjol soc ta smarcohil te ti'nahil ya me sohl bahel ta yahc'olal te ti'nahil, ma ba ya yac' ochel te j'ehchenteswanej ta anahic yu'un ya smilex.

Éxodo 12:23 Referans Kwoze

Apocalipsis 9:4

Albotic mandal te ma ba ya yuts'inic te aquiltic te ay ta balumilale soc spisil te bitic ya xch'iic ta balumilale soc spisil te te'etique. Ja' nax me ya yuts'inic te jich yipal ants-winiquetic te ma ba yich'oj selloic ta stibaic yu'un te Diose.

Apocalipsis 7:3

Jich la yal: “Ma to me x'alajinic te lum q'uinale soc te mare soc ni pejt'uc te te'etique. Ja' to teme la cac'beytic sello ta stibaic te abatetic yu'un te Dios cu'untique”, xiic.

Hebreos 11:28

Ta swenta xch'uunjel yo'tan te Moisés, la yac' ta milel te chijetic swenta Pascua, soc la yal mandal te ya stsijts'anbeyic xch'ich'el ta bay sti' sna'ic te israeletique, yu'un jich ma xlajic ta milel yu'un ch'ul abat te sba yal-snich'anique.

1 Corintios 10:10

Soc ma me xamuquen-ayantayic te Diose, jich te bit'il ay la smuquen-ayantayique, te jich lajic ta milel yu'un te ch'ul abat te ya yac' lajele.

Isaías 37:36

Te ch'ul abat yu'un Cajwaltic bajt', ba smil jo'eb slajunwinic ta jmil (185,000) soldadoetic ta scampamento te asiriaetique; ta xchebal c'aalil spisilic lajemiquix a te sacub q'uinale.

2 Samuel 24:16

Te c'alal nopol ya slajinix a te Jerusalén te ch'ul abate, te Cajwaltic la sujt'es sc'op, la scom te ch'ul abat yu'un yac ta lajinwaneje: —Tiq'uix a. Ma xalajinix —xi'. Jich quejch'aj te lajele. Te ch'ul abat yu'un te Cajwaltic, ja' yorail tey ay bael ta banti yac ta sloq'uesel spat strigo te Arauna te jebuseo-winique.

Hebreos 12:24

soc ta bay teq'uel ta c'op te Jesús ta xchajbanel te yach'il tratoe, soc ta ba ay te xch'ich'el te yich'oj tsijts'anel te c'axem to xan t'ujbil a te bit'il xch'ich'el te Abele.

Ezequiel 9:4

jich la yalbey: —Beentaya te Jerusalén, ac'beya seña ta sti'ba te mach'atic ya smel yo'tanic yu'un, te bitic ilaybil sba te yac ta c'oel ta pasel yu'un te slumalique —xi'.

Éxodo 11:4

Te Moisés la yalbey te faraón: —Jich la yal te Cajwale: “Ta olil ajc'ubal ya me xc'axon ta spamal Egipto.

Éxodo 12:7

Pachaic me ta ora te xch'ich'el te chambalame, ya me abonic a te smarcoil te na te bay ya ati'ic te chambalame.

Isaías 26:20

Lum cu'un, baan, ochan ta ana, soc maca te ti'nailetic ta apate. Nac'a aba ajc'uc, ja' to c'alal ya xc'ax yilimba te Cajwaltique.

Job 14:13

“Ayuc bit'il ya anac'on bael ta yawil te lajele, te ja' to ya ana'on a te c'alal lamajix a te awilimba, yacuc awajtaybey sc'aalelal te bi ora ya ana'on xane.