Éxodo 12:22 - Bible in Tzeltal de Oxchuc y Tenejapa

²² Te xch'ich'el ya me ach'amic ta vasija. Tulaic tel sc'ab te hisopo, mulaic ta ch'ich', bonaic a te smarcoil anaique. Ma me ayuc mach'a ya xloc' ta sna c'alal ta sacubel q'uinal.

Bible in Tzeltal Bachajón

²² Ich'ahic jtohm hisopo, mulahic ta ch'ich' te ay ta yawil, bonahic a te sjol soc smarcohil te ti'nahil yu'un te anahique. Ma me ayuc mach'a ya xloc' ta anahic ha to c'alal ta sab.

Éxodo 12:22 Referans Kwoze

Hebreos 11:28

Ta swenta xch'uunjel yo'tan te Moisés, la yac' ta milel te chijetic swenta Pascua, soc la yal mandal te ya stsijts'anbeyic xch'ich'el ta bay sti' sna'ic te israeletique, yu'un jich ma xlajic ta milel yu'un ch'ul abat te sba yal-snich'anique.

Salmos 51:7

Lecubtesawon soc hisopo, te jich me pocbil ya xc'oon; pocawon, jich me sac ya xc'oon te bit'il buen sac te toibe.

Números 19:18

Jtul winic te lec sc'oplal ya me stsacbey sc'ab hisopo, ya me smul ta ya'lel te oxome, ya me stsijts'an ta Nailpac', te yawil biluquetic, soc te mach'atic tey ayic a, soc nix te mach'atic la spic te baquetic, teme anima te milbil, teme jich nax a laj, o teme muquenale.

Hebreos 9:19

Jich te Moisés neel la yal te mandalil ta stojol te lume. Patil la stsac tsajal stsotsil chij soc ch'in sc'ab hisopo-te'. La smul ta xch'ich'el alal wacaxetic soc ta xch'ich'el tat tentsunetic te capbil ta ja'e. La stsijts'an ta ch'ich' te sjunal te mandalile soc la stsijts'an spisil uuc a te lum te stsoboj sbaique.

Hebreos 9:1

Melel te sbabial tratoe ay mandal yu'un te ya yal te bit'il ya sc'an ya x'ich'ot ta muc' ta templo te Diose, soc ay nailpac' templo te swenta nax in balumilal to.

Éxodo 12:7

Pachaic me ta ora te xch'ich'el te chambalame, ya me abonic a te smarcoil te na te bay ya ati'ic te chambalame.

Hebreos 9:14

Yan te xch'ich'el Cristo c'axem to xan ay yip stuquel. Melel ta swenta Espíritu te sbajt'el q'uinal aye, ju' yu'un stuquel te Cristo te la yac' sba ta lajel ta stojol Dios swenta milbil smajt'an te xujt' ma ba ts'ilajeme. Jich te xch'ich'ele jc'axel ya spocbotic co'tantic te ts'ilajemic yu'un cat'eltic te quechelotic ta lajel yu'une, swenta yu'un jich me ya cac' jbajtic ta abatinel yu'un te cuxul Diose.

1 Pedro 1:2

Tsabilex yu'un te Jtatic Diose, yu'un xjajch'ibal to jich xchapoj ta yo'tan, soc te ya xch'ultesbeyex awo'tanic ta swenta te Espiritue. Swenta yu'un jich me ya ach'uunic soc jich me ya awich'ic tsijts'anel ta xch'ich'el te Jesucristoe. C'axem to xan ac'a yac'beyex yutsil yo'tan soc lamaluc me q'uinal ya awaiyic yu'un.

Hebreos 12:24

soc ta bay teq'uel ta c'op te Jesús ta xchajbanel te yach'il tratoe, soc ta ba ay te xch'ich'el te yich'oj tsijts'anel te c'axem to xan t'ujbil a te bit'il xch'ich'el te Abele.

San Mateo 26:30

Te c'alal laj yo'tanic ta sc'ajintayel te salmoe, bajt'ic ta Wits Olivailtic.

Isaías 26:20

Lum cu'un, baan, ochan ta ana, soc maca te ti'nailetic ta apate. Nac'a aba ajc'uc, ja' to c'alal ya xc'ax yilimba te Cajwaltique.

Josué 2:19

Teme ya xloc' jtuluc ta ana, jich nix me ya xc'ot lajel ta swenta, ma me jmulticuc ya xc'ot te jo'otique. Yan teme ay mach'a ya yochintay te anae, jo'otic me jmultic ya xc'ot stuquel.