Éxodo 12:21 - Bible in Tzeltal de Oxchuc y Tenejapa

²¹ Te Moisés la sticun ta iq'uel spisil te mamaletic ich'bilic ta muc' yu'un Israel. Jich la yalbey: —Tsacaic jcojt' chij o tentsun, juju-jcojt' ta swenta juju-jchajp na. Milaic, ya xtuun yu'un te ya yich' pasel a te Pascua.

Bible in Tzeltal Bachajón

²¹ Te Moisés la stsob tal spisil te mamaletic yu'un Israel, hich la yalbe: Bahan, tsahahic jcolel tuminchij ta jujun anahic, milahic te tuminchij scuenta pascua.

Éxodo 12:21 Referans Kwoze

Éxodo 12:3

Albeya ta stsojbol alumal israeletic: “Ta slajunebal c'aal yu'un te u, juju-jtul ta apisilic ya me atsaquic juju-jcojt' chij o tentsun ta chajbalchajp na.

Esdras 6:20

Te sacerdoteetic soc te levitaetic la spoc sbaic, jich lecubic jich nix te bit'il c'aemic ta pasel ta stojol te Diose. Jich la yac'beyic te milbil smajt'an Dios yu'unic swenta q'uin Pascua te mach'atic sujt'emiquix tel te ac'bot yijq'uitay slumalique, soc te sjo'tac ta sacerdoteile, soc nix te yu'unic uuc.

2 Reyes 23:21

Te muc' ajwalil la spas ta mandal spisil te yajwal lum te ya spasic te Pascua, ta swenta yich'el ta muc' te Cajwaltic te Dios yu'unique, jich te bit'il ts'ibubil ta slibroil te bi c'opil chapal yu'une.

Josué 5:10

Te israeletic la spas scampamentoic ta Gilgal, soc ta xchanlajunebal c'aal yajtalul a te u, ta malc'aal la spasic te q'uin Pascua ta spamlej yu'un Jericó.

Números 11:16

Ja'uc me to, te Cajwaltic la sjac': —Tsoba lajuneb xchanwinic (70) mamal-israeletic, te mach'atic ya ana' te ay yat'elic ta yolilic te lume. Ic'aic tel ta Nailpac' te bay ya quich' c'oponel, ac'a smaliyotic tey a.

Éxodo 19:7

Jich coj tel Moisés ta sc'oponel te mamaletic ich'bilic ta muc' yu'un te lume. Jajch' ta yalel spisil te bila mandal albilix yu'un te Cajwaltique.

Éxodo 17:5

Te Cajwaltic la sjac': —C'axan bael ta stojol te lume. Ic'a bael sjoinat cha'oxtuluc te mamaletic ich'bilic ta muc' yu'un Israel. Ich'a bael te abastón te la amaj a te muc'ul ja'e, beenan me jiche.

Éxodo 12:11

Alapoj meix ac'u'ic soc axanabic, soc atsacoj meix anabate' ta ac'abic abi. Ti'aic ta animaltic te sbaq'uetal te chambalame, melel Pascua yu'un te Cajwaltique.

Éxodo 3:16

Baan, tsoba te mamaletic ich'bilic ta muc' yu'un te alumal, albeya yaiyic: “Te Cajwaltic Dios yu'un te antiguo jme'-jtatique, te Dios yu'un Abraham, Isaac soc Jacob, la yac' sba ta ilel ta jtojol. La yalbon te stsacojbeyexix te ac'opique. Yiloj lajix te bila ya spasbeyex te egipcioetique.

1 Corintios 10:4

Soc spisilic la yuch'ic te ja' yu'un te Diose, melel la yuch'ic te ja' loc' tel ta ton yu'un te Diose, joinbilic ta beel yu'un. In te tone, ja' ix te Cristoe.

Hebreos 11:28

Ta swenta xch'uunjel yo'tan te Moisés, la yac' ta milel te chijetic swenta Pascua, soc la yal mandal te ya stsijts'anbeyic xch'ich'el ta bay sti' sna'ic te israeletique, yu'un jich ma xlajic ta milel yu'un ch'ul abat te sba yal-snich'anique.

Éxodo 12:20

Jich yu'un ya calbeyex ma me xawe'ic te waj yich'oj levadura. Bayuc ya x'ainex ma me xawe'ic”, uta me —xi' te Diose.