Éxodo 12:19 - Bible in Tzeltal de Oxchuc y Tenejapa

¹⁹ Ma me ayuc mach'a ay levadura ta sna ta sba c'aalil ja' to c'alal ta sjuquebal c'aal. Mach'auc me a te ya swe' waj te yich'oj levadura, ya me yich' loq'uesel ta atojolic, manchuc me yan lum talem, o teme ja' nix yajwal te lume.

Bible in Tzeltal Bachajón

¹⁹ Huqueb c'ahc'al ma me ayuc levadura ta anahic. Mach'ayuc a te ya swe' te bin yich'oj levadura, teme jyanlum o teme alumal, ya me yich' loq'uesel ta pueblo yu'un Israel.

Éxodo 12:19 Referans Kwoze

Éxodo 12:15

Juqueb me c'aal ya awe'ic waj te ma ba yich'oj levadura. Ja' to me ta sba c'aalil bael, ma me ayuc mach'a ay levadura ta sna. Mach'auc me a te ya swe' waj te yich'oj levadura ta sjuquebal c'aal, jc'axel me ya yich' loq'uesel ta atojolic.

Deuteronomio 16:3

“Te milbil chambalametic, ma me xati'ic soc waj te yich'oj levadura. Juqueb me c'aal ya awe'ic waj te ma ba yich'oj levadura, melel ja' me te waj swenta woclajel, melel animaltic nax loq'uex tel ta Egipto. Te jayeb c'aal cuxulex, ja' ya scoltayex ta sna'el te bi c'aalil loq'uex tel ta Egipto.

Éxodo 23:15

Ya me apasbon jq'uin swenta te waj ma ba yich'oj levadura. Ja' yu'un juqueb c'aal ya me awe' waj te ma ba yich'oj levadura, jich me te bit'il calojbat mandale. Ja' me yuil te Abib te jich u te loq'uex tel ta Egipto. Ma me xtal awilonic teme ma'yuc bila ya awich'bonic tel jmajt'anine.

Números 9:13

Ja'uc me to, te mach'a ya yijq'uitay ta pasel te q'uin Pascua, teme lec sc'oplal soc teme ma ba c'ubul beenique, ya me yich'ic loq'uesel ta yolil te slumale. Scaj te ma la yac' ta stojol Cajwaltic te majt'anil te albil sc'oplale, jich me xcuchoj ya xjil te smule.

Éxodo 34:18

“Ya me apasbon jq'uin swenta te waj te ma ba yich'oj levadura, jich te bit'il calojbat mandale. Ya me awe'ic juqueb c'aal bael te pan te ma ba yich'oj levadurae. Ja' me te u Abib, melel ja' yuil te loq'uex tel ta Egipto a.

Éxodo 12:48

Ja'uc me to, teme ay jyanlum winic nainem ta awolilique, teme ya sc'an spas te q'uin Pascua, te yu'un ya yich' ta muc' a te Cajwaltique, neel xawac'bey yich' circuncisión spisil winiquetic ta sna, jich me jun yo'tan ya xju' ya spas te q'uine, jich bit'il te mach'a mero israel-winique. Teme ma yich'ojuc circuncisión, ma me ayuc jich nax ya sti' te chambalame.

Éxodo 12:43

Te Cajwaltic, jich la yalbey te Moisés soc Aarón: —Ja' me mandaliletic yu'un Pascua: Ma me ayuc jtuluc jyanlum ya sti' te milbil chambalame.

Éxodo 12:20

Jich yu'un ya calbeyex ma me xawe'ic te waj yich'oj levadura. Bayuc ya x'ainex ma me xawe'ic”, uta me —xi' te Diose.

Éxodo 13:3

Te Moisés la yalbey te lume: —Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura.

Éxodo 13:7

Juqueb me c'aal ya awe'ic waj te ma ba yich'oj levadura. Ta spamal te aq'uinale ma me ayuc jtuluc te ay levadura yu'un, o ay yac'ojbey levadura te swaje.

Levítico 23:5

“Ta xchanlajunebal c'aal sjajch'el a te sbabial u, ta yijc'ubel q'uinal ya me yich' pasel te Pascua swenta quich'jibal ta muc' jo'on te Ajwalilone.

Éxodo 30:33

Teme ay mach'a ya xchajban aceite te pajal soque, soc teme mach'auc nax ya smalbey ta sjole, jc'axel me ya yich' loq'uesel ta yolil te lume —xi' te Cajwaltique.