Éxodo 12:17 - Bible in Tzeltal de Oxchuc y Tenejapa

¹⁷ Te bi c'aalil ya yich' we'el te waj te ma ba yich'oj levadura, jich me xapasulayic. Ja' me sna'jibal te jich c'aalil la jloq'uesex ta Egipto. Jich me xapasulayic, mandalil me sbajt'el q'uinal. Bebe jilel me ta stojol te alnich'anetic awu'unique.

Bible in Tzeltal Bachajón

¹⁷ Ya me apasulanic te Q'uin yu'un Pan te ma ba yich'oj levadura, como ha nix sc'ahc'alel a te la jloq'uesex tal apisilic ta Egipto; ha yu'un ta cajalcaj bahel ats'umbalic ya me awich'ic ta muc' te c'ahc'al ini scuenta mandaril te ma xlaj sc'oblal.

Éxodo 12:17 Referans Kwoze

Éxodo 13:8

Jich me ya awalbeyic a te awal-anich'nabique: “Te bit'il jich ya jpastique, ja' me sna'jibal cu'untic te bila la spas Cajwaltic te la sloq'uesotic tel ta Egipto”, utaic me.

Éxodo 13:3

Te Moisés la yalbey te lume: —Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura.

Éxodo 12:41

Te c'alal nax a ts'aquej te lajuneb xcha'winic xcha'bajc' (430) ja'wile, jich a loq'uic spisil ta Egipto te swinictac te Cajwaltique.

Éxodo 7:5

Te bit'il ya cac' ta ilel cu'el ta Egipto, soc te bit'il ya xloc' bael cu'un te israeletique, te egipcioetic jich me ya sna'ic te jo'on Ajwalilone —xi' te Diose.

Números 20:16

Jich yu'un la jc'anbeytic coltayel te Cajwaltique. La yaiybotic stojol, jich la sticun tel jtul ch'ul abat yu'un te la sloq'uesotic tel ta Egipto. Ta ora to li' ayotiquix ta lum Cades ta bay sti'il te aq'uinale.

Éxodo 6:26

Ja' nix Aarón soc Moisés te albotic yu'un Cajwaltic te ya sloq'uesic ta Egipto spisil ta jchajp te israeletique.

Éxodo 12:6

Ya to me scanantayic ja' to me ta xchanlajunebal sc'aalelal te ue. Jich ora ta spisilic juju-jtul israel ya me smilic te chambalam ta mal c'aalil.

Éxodo 12:14

Ja' in c'aal to ya me sc'an ya ana'ulayic, ya me apasic muc'ul q'uin jujun ja'wil, yu'un quich'jibal ta muc', jo'on te Ajwalilone. Ja' mandalil sbajt'el q'uinal te ya xc'ax ta stojol ta cajalcaj alnich'anetic.

Éxodo 12:24

Ya me awich'ic ta muc' te mandalil soc ta cajalcaj bael te alnich'anetique, melel mandalil me sbajt'el q'uinal.

Éxodo 13:10

Jich yu'un ya me sc'an ya yich' pasulayel swenta jujun ja'wil te bit'il nix te mero sc'aalelale.

Éxodo 34:18

“Ya me apasbon jq'uin swenta te waj te ma ba yich'oj levadura, jich te bit'il calojbat mandale. Ya me awe'ic juqueb c'aal bael te pan te ma ba yich'oj levadurae. Ja' me te u Abib, melel ja' yuil te loq'uex tel ta Egipto a.

Deuteronomio 16:3

“Te milbil chambalametic, ma me xati'ic soc waj te yich'oj levadura. Juqueb me c'aal ya awe'ic waj te ma ba yich'oj levadura, melel ja' me te waj swenta woclajel, melel animaltic nax loq'uex tel ta Egipto. Te jayeb c'aal cuxulex, ja' ya scoltayex ta sna'el te bi c'aalil loq'uex tel ta Egipto.