Éxodo 12:16 - Bible in Tzeltal de Oxchuc y Tenejapa

¹⁶ Jich yu'un ta sba c'aalil soc ta sjuquebal c'aal, xchebal me c'aal ch'ul tsoblej awu'unic a. Ma me ayuc at'el a, ja' nax me teme ay chajbanel ya sc'an jtebuc te we'elile.

Bible in Tzeltal Bachajón

¹⁶ Ta sba c'ahc'alil ay me ch'ul tsoblej awu'unic a, soc ha nix hich ta shuquebal c'ahc'al ay me ch'ul tsoblej awu'unic a. Mayuc a'tel ya yich' pasel a, ha nax spasel te we'elil te yac awe'ique.

Éxodo 12:16 Referans Kwoze

Números 28:18

Te sbabial c'aal yu'un te q'uine ya me yich' pasel te ch'ul tsobleje. Ja' me te c'aal te ma'yuc at'el ya apasic a.

Números 28:25

Ta sjuquebal c'aal ja' nix me jich ay ch'ul tsoblej awu'unic, ja' te c'aal te ma'yuc at'el ya apasic a.

Éxodo 16:23

Te Moisés, jich la yal: —Jich na'ax te mandal yu'un te Cajwaltique —xi' yu'un. Soc la yal: —Pajel ja' meix te sc'aalelal te cux-o'tan te ch'ultesbil yu'un te Cajwaltique. Te bila ya sc'an ya apayique, payaic me yo'tic. Te bila ya sc'an ya yich' pasele, pasaic me. Spisil te bitic ya spas sobraile, ijq'uitayaic ta swenta te pajele —xi' te Moisese.

Números 29:12

“Ta yo'lajunebal c'aal ta sjuquebal u, ay me ch'ul tsoblej awu'unic, ma me ayuc at'el ya apasic a. Juqueb me c'aal ya apasic bael te q'uin swenta quich'el ta muc' jo'on te Ajwalilone.

Números 29:1

“Ta sba c'aalil yu'un te sjuquebal u, ay me ch'ul tsoblej awu'unic a, ma me ayuc at'el ya apasic. Ja' te c'aal ya yich' oq'uesinel te xulubiletique.

Levítico 23:35

Ta sbabial c'aal ya me apasic ch'ul tsoblej; ma me ayuc bila at'elil xapasic a.

Levítico 23:27

—Ta slajunebal c'aal sjajch'el te sjuquebal u, ya me xc'ot Sc'aalelal Perdón. Ya me sc'an te ya apasic ch'ul tsoblej, soc ya me acom awe'elic ta sjunal c'aal. Ya me achiq'uic majt'anil swenta quich'jibal ta muc' jo'on te Ajwalilone.

Levítico 23:21

“Ja' nix ta yorail a, ya me apasic ch'ul tsoblej, ma me ayuc bila at'elil ya xju' ya apasic. Te jmandal stalel me ya xjil, ya me xch'uunic me'il-tatiletic soc alnich'anetic ta cajalcaj ta bayuc ayuquex ta nainel.

Éxodo 20:10

Yan te sjuquebal c'aal ja' me yu'un cux-o'tan stuquel, ch'ultesbil me ta jtojol te Ajwalilon te Dioson awu'une. Ma me x'at'ejatix a, ni ja'uc awal-anich'nab, awabat, acriada, achambalam soc te jyanlum ants-winic te ay ta alumale.

Éxodo 16:29

Ac'a c'otuc ta awo'tanic te jo'on Ajwalilon awu'unic te la cac'beyex jun c'aal yu'un cux-o'tan. Ja' swentail ta swaquebal c'aal ya cac'beyex we'elil ta swenta cheb c'aal. Jich yu'un ta sjuquebal c'aal ya me x'ainex ta anaic, ma me xloq'uex a —xi' te Diose.

Éxodo 16:5

Yan te swaquebal c'aal te c'alal ya stsobic bael ta snaique, cheb me buelta ya yich'bey swentail stuquel a te bit'il ya stamic jujun c'aale —xi' te Cajwaltique.

San Juan 19:31

Te bit'il sc'aalelalix te ya xchajban sbaic yu'un te Pascuae, jich te judioetic ma la sc'anic te tey jipilic ta cruz ya xjil sbaq'uetalic ta sc'aalelal te cux-o'tane. (Yu'un tulan sc'oplal ta yo'tanic te sc'aalelal cux-o'tane.) Jich la yalbeyic wocol te Pilatoe te yacuc yal mandal ta c'asel te yacanique soc te yacuc yich' cojt'esel ta ora te sbaq'uetalique.

Éxodo 34:18

“Ya me apasbon jq'uin swenta te waj te ma ba yich'oj levadura, jich te bit'il calojbat mandale. Ya me awe'ic juqueb c'aal bael te pan te ma ba yich'oj levadurae. Ja' me te u Abib, melel ja' yuil te loq'uex tel ta Egipto a.

Deuteronomio 16:8

Waqueb me c'aal ya awe'ic waj te ma ba yich'oj levadura. Ta sjuquebal c'aal ya me apasic muc'ul tsoblej swenta yich'el ta muc' te Cajwaltic te Dios cu'untique. Ja' in c'aal to, ma me ayuc at'el ya apasic a.

Isaías 1:13

Ma me x'awac'bonic majt'anil te ma'yuc sc'oplal cu'une; ma xcujch'ix cu'un te xch'ailele. Te ja'ex ya awiq'uic te alumal te ya apasic q'uin yu'un te yach'il u soc te sc'aalelal cux-o'tan; te jo'one ma jmulan te q'uinetic yu'un te alumal te bit'il yacalic ta spasel te bitic amene.

Números 28:26

“Te q'uin yu'un te sbabial sit awalts'unubil, c'alal ya awac'bonic te sbabial sit ya yich' set'el awu'unique, ja' me te q'uin yu'un te Semanaetique. Ay me ch'ul tsoblej awu'unic a, ma me ayuc at'el ya apasic.