Éxodo 12:14 - Bible in Tzeltal de Oxchuc y Tenejapa

¹⁴ Ja' in c'aal to ya me sc'an ya ana'ulayic, ya me apasic muc'ul q'uin jujun ja'wil, yu'un quich'jibal ta muc', jo'on te Ajwalilone. Ja' mandalil sbajt'el q'uinal te ya xc'ax ta stojol ta cajalcaj alnich'anetic.

Bible in Tzeltal Bachajón

¹⁴ Te c'ahc'al ini ha sna'ojibal awu'unic ya xc'oht, ya me apasic scuenta q'uin ta stojol Jehová ta cajalcaj ats'umbalic bahel; ha mandaril te ma xlaj sc'oblal.

Éxodo 12:14 Referans Kwoze

2 Reyes 23:21

Te muc' ajwalil la spas ta mandal spisil te yajwal lum te ya spasic te Pascua, ta swenta yich'el ta muc' te Cajwaltic te Dios yu'unique, jich te bit'il ts'ibubil ta slibroil te bi c'opil chapal yu'une.

Éxodo 12:24

Ya me awich'ic ta muc' te mandalil soc ta cajalcaj bael te alnich'anetique, melel mandalil me sbajt'el q'uinal.

Éxodo 12:17

Te bi c'aalil ya yich' we'el te waj te ma ba yich'oj levadura, jich me xapasulayic. Ja' me sna'jibal te jich c'aalil la jloq'uesex ta Egipto. Jich me xapasulayic, mandalil me sbajt'el q'uinal. Bebe jilel me ta stojol te alnich'anetic awu'unique.

Éxodo 12:43

Te Cajwaltic, jich la yalbey te Moisés soc Aarón: —Ja' me mandaliletic yu'un Pascua: Ma me ayuc jtuluc jyanlum ya sti' te milbil chambalame.

San Mateo 26:13

Jamal ya calbeyex, ta bayuc ta spamal balumilal ta banti ya yich' cholel te lec yach'il c'ope, tey me ya yich' alel sc'oplal a te bila la spas in ants to, swenta yu'un jich me ya xna'ot yu'un spisil te ants-winiquetique —xi' te Jesuse.

Salmos 135:13

Cajwal, sbajt'el q'uinal ayat atuquel; sbajt'el q'uinal ayat ta na'el.

Salmos 111:4

Ma'yuc bay ch'ayem ta co'tantic ta jpisiltic te bitic jchajp nax yutsil spasoje. Te Cajwaltic t'ujbil yutsil yo'tan ta sna'el yo'bolil jbatic;

Deuteronomio 16:11

Ya me apasic q'uin ta stojol te Cajwaltic Dios cu'untique, tey me te banti stsaoj yu'un yawil te sbiile. Soc ja' me ya ajoinic te awal-anich'nabic, awabatic, acriadaic, levitaetic, jyanlumetique, me'ba alaletic soc me'ba antsetic te nainemic ta alumalique.

Deuteronomio 16:1

“Te c'alal ya xc'ot yorail te u Abib, ya me apasic te q'uin Pascua swenta yich'el ta muc' te Cajwaltic te Dios cu'untique, melel ta u Abib ta ajc'ubal la yiq'uex loq'uel tel ta sq'uinal Egipto te Cajwaltic te Dios cu'untique.

Éxodo 5:1

Te Moisés soc te Aarón ba yalbeyic te faraón: —Jich la yal te Cajwal te Dios cu'untic jo'otic te israelotique: “Ya me awac'bon loq'uel te lum cu'une. Ya xbajt'ic ta muc'ul jochol taquin q'uinal. Ya xba spasbonic q'uin tey a swenta quich'jibal ta muc' yu'unic”, xi' te sc'ope —xiic ta stojol.

San Lucas 22:19

Soc la stsac ta sc'ab te waje. La yalbey wocol Dios yu'un. La xet' soc la yac'bey te jnopojeletique. Jich la yal: —Ja' jbaq'uetal in to, [te ya cac' ta lajel ta awentaic. Jich me xapasulayic swenta jna'jibal awu'unic —xi'.

Zacarías 6:14

Te coronaetic ya me xjilic ta templo yu'un Cajwaltic swenta sna'jibal ta swenta yich'el ta muc' te Heldai, Tobías, Jedaías soc Josías snich'an Sofonías —xi'.

Ezequiel 46:14

Ja' nix jich ta jujun c'aal ta sab ya me yich' ac'beyel smajt'anin Cajwaltic juqueb litro harina, soc jun litro aceite yu'un ya yich' malel ta sba harina. Ja' te jmandal chapal te puersa me ya yich' pasulayel spisil ora.

1 Samuel 30:25

(Te bit'il jich jajch' ta pasel, jich ay ta pasel ta Israel c'alal ora.)

Josué 4:7

jich me ya asujt'esbeyic te sc'opique: “Ja' te c'alal c'ax ta muc'ja' Jordán te scajonil trato yu'un Cajwaltic, la scom sba ta oquinel te ja'e, jich taquej bael te slumile. Ja' swentail te tonetic te ya xtuun cu'untic ta sna'el sbajt'el q'uinal te bila c'ot ta pasel li'to”, ya me awutic —xi'.

Números 18:8

Te Cajwaltic, jich la yalbey Aarón: —Jo'on cac'ojbat ta awenta te majt'aniletic te ya yac'bonic te israeletique. Spisil te ch'ul majt'aniletic te ya yac'bonic, ja' ya cac'bat soc anich'nab, ja' me ya xc'ot ta awentaic. Ja' me mandalil cu'un sbajt'el q'uinal.

Números 16:40

Ja' me sjultesibal stsa c'ot te israeletic te ma me ayuc mach'a ya xju' ya xnoptsaj ta scajtijib majt'anil ta yaq'uel pom ta stojol Cajwaltic, teme ma ja'uc sts'umbal Aarón, jich me ya xc'ot ta swenta te bila c'ot ta swenta Coré soc te sjo'taque. Spisil la yich' pasel jich bit'il yalojbey mandal Cajwaltic ta stojol Eleazar ta swenta Moisés.

Números 10:8

Te mach'atic ay ta swentaic yoq'uesinel te oq'uesetic, ja'ic me te sacerdoteetic te sts'umbal Aarón. Ja' me mandalil ta atojolic ta sbajt'el q'uinal.

Éxodo 12:6

Ya to me scanantayic ja' to me ta xchanlajunebal sc'aalelal te ue. Jich ora ta spisilic juju-jtul israel ya me smilic te chambalam ta mal c'aalil.

Éxodo 23:15

Ya me apasbon jq'uin swenta te waj ma ba yich'oj levadura. Ja' yu'un juqueb c'aal ya me awe' waj te ma ba yich'oj levadura, jich me te bit'il calojbat mandale. Ja' me yuil te Abib te jich u te loq'uex tel ta Egipto. Ma me xtal awilonic teme ma'yuc bila ya awich'bonic tel jmajt'anine.

Levítico 23:6

“Ta yo'lajunebal c'aal sjajch'el te sbabial u ya me yich' pasel te q'uin swenta waj te ma ba yich'oj levadura, te ya yich' pasel ta swenta quich'jibal ta muc' jo'on te Ajwalilone. Juqueb me c'aal ya xjalaj ta we'el te waj ma ba yich'oj levadura.

Deuteronomio 6:8

Ich'a me spisil ora te mandaliletique, chuca me ta ac'ab soc chuca me ta ati'ba swenta seña,

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Números 15:15

Te bila chajbanbil ta atojolic, jich nix me ya xtuun ta stojolic te jyanlumetique. Mandalil me sbajt'el q'uinal te ya xc'ax ta stojol te me'il-tatil soc te snich'nabique.