Éxodo 12:11 - Bible in Tzeltal de Oxchuc y Tenejapa

¹¹ Alapoj meix ac'u'ic soc axanabic, soc atsacoj meix anabate' ta ac'abic abi. Ti'aic ta animaltic te sbaq'uetal te chambalame, melel Pascua yu'un te Cajwaltique.

Bible in Tzeltal Bachajón

¹¹ Hich yac awe'ic: achucojix ach'uhtic soc alapojix atepic soc atsacojix anahbate'ic a; ora nax me xawe'ic. Ha te Pascua yu'un Jehová.

Éxodo 12:11 Referans Kwoze

Éxodo 12:27

cholbeya yaiyic: “Ja' te chambalametic ya jmiltic yu'un te Pascua, swenta yich'jibal ta muc' te Cajwaltique. Ja' sna'jibal te c'alal lajic te sba snich'nabic te egipcioetique. Yan te bay sna te jlumaltic israeletic, c'axel nax c'ax tey stuquel a, jich colotic soc te mach'atic ay cu'untique”, utaic me —xi' te Moisese. Jich yu'un te israeletic la squejan sbaic ta sc'oponel te Diose.

Efesios 6:15

Lapaic me te axanabique, ja' te chapalex yu'un xcholel te lec yach'il c'op te ya xlamaj q'uinal yu'une.

1 Corintios 5:7

Loq'uesaic me te pocol levadurae, swenta yu'un jich me yach'il wots'bil harina ya xc'oex, te ma ba yich'oj levadurae. Melel te Pascua cu'untique, ja'ix te Cristo te la yich' milel ta jwentatique.

1 Pedro 1:13

Jich yu'un, chajbana me abaic soc ayuc me sp'ijil awo'tanic. Junuc me awo'tanic ya amaliyic spisil ora te bila ya yac'beyex Dios ta swenta yutsil yo'tan te c'alal ya xchicnaj tel te Cristo Jesuse.

San Lucas 12:35

“Chapaluquex me, chuculuc me ach'ujt'ic, soc yacuc me ta tilel ac'ajq'uic.

Números 28:16

“Ta xchanlajunebal c'aal xjajch'el te sbabial u yu'un te ja'wile, ya me apas te q'uin Pascua ta swenta quich'el ta muc' jo'on te Ajwalilone.

Levítico 23:5

“Ta xchanlajunebal c'aal sjajch'el a te sbabial u, ta yijc'ubel q'uinal ya me yich' pasel te Pascua swenta quich'jibal ta muc' jo'on te Ajwalilone.

Éxodo 12:43

Te Cajwaltic, jich la yalbey te Moisés soc Aarón: —Ja' me mandaliletic yu'un Pascua: Ma me ayuc jtuluc jyanlum ya sti' te milbil chambalame.

Éxodo 12:21

Te Moisés la sticun ta iq'uel spisil te mamaletic ich'bilic ta muc' yu'un Israel. Jich la yalbey: —Tsacaic jcojt' chij o tentsun, juju-jcojt' ta swenta juju-jchajp na. Milaic, ya xtuun yu'un te ya yich' pasel a te Pascua.

San Lucas 15:22

“Ja'uc me to, te state la yalbey mandal ta ora te abatetic yu'une: “Ich'bonic tel ta ora te lequil c'u'ule. Ac'bonic slap a. Ac'bonic xch'ocow ta sc'ab, soc ac'bonic xanab slap.

San Lucas 7:38

Noptsaj tel ta bay yacan te Jesuse, la yoq'uetay sba tey a te antse. T'ulaj coel ya'lel sit ta yacan te Jesuse, soc la scusbey ta stsotsil sjol. Caj sbujts'iybey te yacane, soc la smalbey ta perfume.

Éxodo 12:13

“Te banti ayex soc te anaic, ja' me ya yac' ta na'el te ch'ich'e. Jich yu'un te c'alal ya xc'ax quejch'entes ta lajel te egipcioetic, ma me ayuc ya xlajex jtuluc te ja'exe. Ja' me ya quil te ch'ich'e, c'axel nax me ya xc'axon tey a.

San Lucas 2:41

Te sme'-stat te Jesuse c'aemic ta jujun ja'wil te ya xbajt'ic ta spasel q'uin Pascua ta Jerusalén.

Isaías 52:12

Ja'uc me to, ma animalticuc nax ya xloq'uex bael; ma me aneluc ya xloq'uex bael. Melel te Cajwaltic te Dios yu'un Israel ya me scanantayat ta bayuc.

Números 9:1

Te bit'il junix ja'wil sloq'uel tel ta Egipto a te israeletic, ta sbabial u yu'un te ja'wil te Cajwaltic la sc'opon Moisés ta bay jochol taquin q'uinal Sinaí, jich la yalbey:

Deuteronomio 16:1

“Te c'alal ya xc'ot yorail te u Abib, ya me apasic te q'uin Pascua swenta yich'el ta muc' te Cajwaltic te Dios cu'untique, melel ta u Abib ta ajc'ubal la yiq'uex loq'uel tel ta sq'uinal Egipto te Cajwaltic te Dios cu'untique.

Josué 5:10

Te israeletic la spas scampamentoic ta Gilgal, soc ta xchanlajunebal c'aal yajtalul a te u, ta malc'aal la spasic te q'uin Pascua ta spamlej yu'un Jericó.

2 Reyes 23:21

Te muc' ajwalil la spas ta mandal spisil te yajwal lum te ya spasic te Pascua, ta swenta yich'el ta muc' te Cajwaltic te Dios yu'unique, jich te bit'il ts'ibubil ta slibroil te bi c'opil chapal yu'une.

Ezequiel 45:21

Ta xchanlajunebal c'aal te sbabial u, ya me xjajch' apasic te q'uin Pascua. Juqueb me c'aal ya awe'ic waj te ma ba yich'oj levadura.