Éxodo 11:7 - Bible in Tzeltal de Oxchuc y Tenejapa

⁷ Swenta yu'un tey ya ana'ic stojol a te ma pajaluc sc'oplal ta yo'tan Cajwal soc egipcioetic te israelotique, ni ma ba ya swojwojtayotic te ats'i'ique, manchuc me ants-winiquetic, o chambalametic.

Bible in Tzeltal Bachajón

⁷ Pero ta stojol te snich'nab israel mayuc jcohtuc ts'i' te ya swohwoy jtuhluc winic o jcohtuc chambahlam, scuenta yu'un yac ana'ic te ta yo'tan Jehová ma pajaluc sc'oblal soc te snich'nab Israel te egipciohetique, xchi.

Éxodo 11:7 Referans Kwoze

Josué 10:21

Te israeletic bujts'an q'uinal la yaiyic sujt'ic tel ta scampamentoic ta lum Maceda ta bay jilem te Josué. Ma'yuc bay la sta bolc'optayel jtuluc te israeletique.

Malaquías 3:18

Jich yu'un te ja'ex ya me ana'ic stojol ta yan buelta, te yan yilel te mach'a leque soc te mach'a amene, soc yan yilel te mach'a ya squejan sba ta xch'uunel Dios soc te mach'a ma squejan sba ta stojole —xi' te Cajwaltique.

Éxodo 10:23

Jalaj oxeb c'aal. Ma'yuc mach'a la yil sba soc te spat-xujq'ue, asta ma ju' te bila ya spas jtebuque. Yan ta bay snaic te israeletic ay saquil q'uinal tey stuquel a.

Éxodo 8:22

Te c'alal ya xc'ot ta pasel, ma ba ya cac' xc'ot ta Gosén, te banti ay te lum cu'une. Ma'yuc jcojt'uc ja ya xc'ot tey a. Jich me ya ana' a te ja' Ajwalilon jtuquel te joinej te lume.

Éxodo 9:4

Ma xcac' xc'ot ta stojol xchamsbalamic te jlumal Israele te chamel ya xc'ot ta stojol xchamsbalamic te egipcioetique. Ma xcac' ya xlaj jcojt'uc xchamsbalam stuquelic’, xi' te Diose”, uta me —xi' te Cajwaltique.

Job 5:16

ja' smuc'ul yo'tanic te mach'atic ma'yuc yipique, ja' ya smacbey yeic te j'amen-o'tanetique.

1 Corintios 4:7

¿Mach'a la yalbat te cajalat yu'un te yantique? ¿Ay bal bila ay awu'un te ma ac'bilucate? Soc teme ja' yac'ojbat spisil te Diose, ¿bistuc te toyol nax q'uinal ya awaiy yu'une? Melel ma atuqueluc te la awejt'ese.

Éxodo 7:22

Te p'ijil winiquetic ta Egipto te ay bila ya xju' yu'unic spasele, jich la spasic uuc. Jich tulanaj xan yo'tan ta lec te faraón, ma la yich'beyix ta muc' sc'opic te Moisés soc te Aarón, jich nix te bit'il yalojbey sc'oplal te Cajwaltique.

Éxodo 9:26

Ja'uc me to, te lumq'uinal ta Gosén te bay nainemic te israeletic ma'yuc bay co jp'ijuc bat tey a.

Salmos 7:12

Teme ay mach'a ma sujt'es yo'tan ta stojol Dios, ya sjuxbey ye te spuñale, snitojix te st'ime,

Éxodo 8:19

Jich yu'un te p'ijil winiquetic la yalbeyic te faraón: —Ja' in to ja' ta swenta yu'el sc'ab te Diose —la yutic. Te faraón cha'tulanaj te yo'tane, mero ma la yich'bey ta muc' sc'opic, jich bit'il yalojbey sc'oplal te Cajwaltique.