Éxodo 11:6 - Bible in Tzeltal de Oxchuc y Tenejapa

⁶ Ta spamal Egipto ay me aw soc woclajel te ma'yuc jich pastaj ta neelal ni ta patilal”, xi' te Cajwale.

Bible in Tzeltal Bachajón

⁶ Ya me xhahch tulan oq'uel ta spahmal sq'uinal Egipto te mayuc hich c'axem ta pasel ta nahilal o ta patil.

Éxodo 11:6 Referans Kwoze

Éxodo 12:30

Te faraón soc te sjo'tac ta ajwalil soc spisil te egipcioetic jajch'ic ta ajc'ubal, yu'un chicnaj tulan awetic soc woclajel ta spamal Egipto. Ta spisil naetic laj ba alaletic tey a.

Amós 5:17

Spisil mach'atic ayic ta ts'usubiltic ya me x'oq'uic c'alal ya xtalon ta yaq'uel castigo —xi' te Cajwaltique.

San Lucas 13:28

Tey me ya awoq'uetay abaic a soc ya me ajets'ulay aweic yu'un te bit'il ya awilic te Abrahame, te Isaaque, te Jacobe, soc spisil te namey q'uinal j'alwanejetic te ochemic ta banti ay ta ajwalinel te Diose. Yan te ja'exe, ayex ta fuera atuquelic.

Sofonías 1:10

Tulan ya yal te Cajwaltique: —Te bi c'aalil ya cale ya me x'aiyot stojol awetic yu'un sc'anel coltayel c'alal ta Ti'nail yu'un Chayetic. Ya me x'awunic te yajwal Xchebal Barrio, soc ay me xpumlajan nax sc'op te ya xjem coel te ch'in witsetique.

Lamentaciones 3:8

Manchuc me awunon ta sc'anel coltayel, ma la yich'bon ta muc' te la cal wocole.

Jeremías 31:15

Te Cajwaltic ya yal: —Ay chicnaj c'op ta Ramá, yu'un ay mach'a c'axem to xan yacal ta oq'uel. Ja' te Raquel ya yoq'uetay te yalataque. Ma sc'anix te ya xmuc'tesbot q'uinal yaiye, melel lajemiquix te yalataque —xi'.

Isaías 15:8

Te aw yu'un sc'anel coltayel ya spas buelta ta smojón Moab; te mel-o'tan soc oq'uel ya xc'ot c'alal ta lum Eglaim soc ja' to ta lum Beer-elim.

Proverbios 21:13

Te mach'a ma xyich'bey ta wenta te bi ya yal wocol yu'un te me'ba, ja' nix me jich ma x'ac'bot sujt'ib te c'alal ya sc'an coltayele.

Éxodo 3:7

Te Cajwaltic jich la yal xan: —Mero chican ta jsit te bit'il ay swocol te lum cu'un ta Egipto. La caiybeyix stojol sc'opic ta scaj uts'inel yu'un te jwolwanejetic yu'un te tulan at'ele. Jna'ojbey ta lec te swocolique.

Éxodo 11:7

Swenta yu'un tey ya ana'ic stojol a te ma pajaluc sc'oplal ta yo'tan Cajwal soc egipcioetic te israelotique, ni ma ba ya swojwojtayotic te ats'i'ique, manchuc me ants-winiquetic, o chambalametic.

Éxodo 9:18

Lec ay, te pajele jich bit'il ora to, ya me xch'ay coel tel muc'ul batetic te ma'yuc bay yac'oj ta spamal Egipto.

Isaías 19:16

Te bi c'aalil jich ya xc'ot ta pasele, te egipcioetic jich me ya xc'otic yilel te bit'il antsetique; ya me xnoj xiwel ta yo'tanic te c'alal ya yilic te ya sjach sc'ab ta stojolic te Cajwaltic te Spisil ya xju' yu'une.