Éxodo 10:7 - Bible in Tzeltal de Oxchuc y Tenejapa

⁷ Ja'uc me to, c'opojic te sjo'tac te faraón, jich la yalic: —¿Bi to ora ya yijq'uitayotic ta woclajel te winique? Ac'aix loq'uel te ants-winiquetic, ac'a ba yich'ic ta muc' te Yajwalique. ¿Yu'un bal ma'yuc ta awo'tan te ayic to ta woclajel te yajwal Egipto? —xiic.

Bible in Tzeltal Bachajón

⁷ Ha yu'un te a'batetic yu'un faraón hich la yalbeyic: ¿Ban c'alal ya ya'botic jwocoltic te winic ini? Ac'a bahel te winiquetic scuenta yu'un ya sch'uhuntayic te Jehová te Dios yu'unique. ¿Yu'un bal ma to xana' te jihnemix te Egipto? xchihic.

Éxodo 10:7 Referans Kwoze

1 Samuel 18:21

La snop ta yo'tan te ja' lec te ya yac'bey yinamin David, swenta yu'un ja' ya yac' ochuc ta sc'ab filisteoetic. Ja' yu'un jich la yalbey xan swenta xchebal buelta: —Yo'tic puersa me ya jnialinat —xi' te Saule.

Eclesiastés 7:26

Ay bi yan jtaoj te c'axem jich xch'aal c'oem a te bit'il te lajele: Ja' te ants ya syacotic ta spejts' te ya xpetawan ta sc'abe. Te mach'a bin nax yo'tan Dios yu'une, ma ba ya x'och ta sc'ab stuquel; yan te mach'a ay ta mulile, ya me x'och ta spejts' stuquel.

Éxodo 23:33

Ma me xawac' te ya x'ainic ta alumal, swenta yu'un ma me xyac'bat ale amul ta jtojol. Teme baex ta xch'uunel te diosetic yu'unique, ch'ayex me abi —xi' te Cajwaltique.

1 Corintios 7:35

Te bit'il jich la calbeyexe, swenta ac'uxtayelic ta apisilic, ma awuts'inelicuc. Yu'un ya jc'an te ya ana'ic spasel a te bila leque, soc te toj awo'tanic ya x'ainex ta stojol te Cajwaltique.

Sofonías 1:18

Ta sc'aalelal yilimba te Cajwaltique, te ants-winiquetic ma xcoltayotic yu'un te plata soc te oro yu'unique. Melel te sc'aal yilimba Cajwaltic ya xlilaj ta c'ajq'uel yu'un spisil te lumq'uinale. Spisilic te mach'atic ayic ta balumilal ajc' nax ya yich'ic jinel ta jyalel.

Jeremías 51:8

Ja'uc me to, ora nax a yal te Babilonia, wuyultic nax a c'ot. ¡Ochanic ta yoq'uetayel! Ich'beyaic tel xpoxil yu'un te yejch'ene, ya quiltic teme ya xcole —xi' te Cajwaltique.

Jeremías 48:4

“Moab yich'ojix jinel; te yawic yu'un xc'uxul ya xc'ot ta Zoar.

Isaías 51:9

Wic'a asit, wic'a asit, yu'el Cajwaltic, chajbana aba soc awip; wic'a asit jich bit'il la apas ta namey, ja' te mero namey q'uinale. Ja'at la asesan te Rahab, te muc'ul xi'bil chambalam ta mar.

Isaías 14:20

Ma me jichuc ya awich' muquel yu'unic te bit'il yantic muc' ajwaliletic, melel la ajin te lumq'uinal soc la amilbey yajwal te alumale. Te sts'umbalic te mach'atic amen yat'elic, ma xjalajic sbajt'el q'uinal.

Proverbios 29:6

Te pejts' ta bay ya xyal te mach'a amen yo'tan, ja' te smule; yan te mach'a lec yo'tane, jujun c'aal bujts'an q'uinal ya yaiy soc bin nax yo'tan stuquel.

Salmos 107:34

ya sc'atp'un ta taquin q'uinal te lequil q'uinale, ta scaj smulic te mach'atic nainemic tey a.

Éxodo 8:19

Jich yu'un te p'ijil winiquetic la yalbeyic te faraón: —Ja' in to ja' ta swenta yu'el sc'ab te Diose —la yutic. Te faraón cha'tulanaj te yo'tane, mero ma la yich'bey ta muc' sc'opic, jich bit'il yalojbey sc'oplal te Cajwaltique.

Éxodo 7:5

Te bit'il ya cac' ta ilel cu'el ta Egipto, soc te bit'il ya xloc' bael cu'un te israeletique, te egipcioetic jich me ya sna'ic te jo'on Ajwalilone —xi' te Diose.

Éxodo 12:33

Te egipcioetic jajch'ic ta sujel loq'uel te israeletic te yacuc loc'uquic bael ta ora ta bay slumal, yu'un la scuyic teme ya xlajic ta spisilique.

1 Samuel 5:11

Melel ta spamal lum pujc' buen tulan xiwel yu'un lajel, scaj te tulan castigo ticunbotic yu'un te Diose. Ja' yu'un la sticunic ta iq'uel te ajwalil-filisteoetique. Jich la yalbeyic: —Ich'aic bael te scajonil trato te Dios yu'un Israel. Sutaic bael ta yawil, swenta yu'un ma me ba ya smilotic jpisiltic a —xiic.