Éxodo 10:26 - Bible in Tzeltal de Oxchuc y Tenejapa

²⁶ Jich yu'un te chambalametic cu'untique ya me xbootic soc, ma me bay ya xjil jcojt'uc chambalam. Melel tey ya xc'o jtsatic a te ya cac'beytic smajt'anin te Cajwaltique. Te bit'il ma to bay ya xc'ootic tey a, ma jna'tic te bila ya cac'beytic te ya quich'tic ta muc' a te Cajwaltique —xi' te Moisese.

Bible in Tzeltal Bachajón

²⁶ Ya quic'cotic bahel te chambahlametic cu'uncotic, ma ba ya xhil jcohtuc, yu'un ya xtuhun cu'uncotic scuenta sch'uhuntayel Jehová te Dios cu'uncotic, yu'un ma to jna'cotic bin ya ca'becotic ta sch'uhuntayel te Jehová ha to c'alal ya xc'ohotcotic tey a, xchi.

Éxodo 10:26 Referans Kwoze

Hebreos 11:8

Ta swenta xch'uunjel yo'tan te Abrahame, la xch'uunbey smandal Dios te c'alal la yich' iq'uel yu'une. Jich loc' tel ta slumal, bajt' ta banti q'uinal te ya x'ac'bot yu'unin yu'un te Diose. Ja'uc me to, ma ba sna'oj stojol te banti ya xc'ot te c'alal jajch' loq'uel ta slumale.

2 Corintios 8:5

C'ax jich ju' yu'unic yaq'uel a te bit'il yacotic ta smaliyele. Melel neel la yac' sbaic ta abatinel yu'un te Cajwaltique soc la yac' sbaic ta abatinel ta jwentatic ta swenta sc'anjel yo'tan te Diose.

Zacarías 14:20

Te c'alal ya sta sc'aalelal asta te caxcabel te stsinlajan yu'un caballoetic, ya me yich'ic ts'ibuyel tey a te c'op: “Ch'ultesbil ta stojol Cajwaltic”, te xie. Te ollaetic yu'un Templo, mero ch'ultesbil me, jich te bit'il te muc'ul tazaetic ayic ta stojol te scajtijib ta chiq'uel smajt'an Dios.

Oseas 5:6

Soc te chijetic soc te wacaxetic yu'unic ya xba yalbeyic wocol a te Cajwaltique; ja'uc me to, ma ba ya staic, melel la sq'uej sba bael ta stojolic.

Isaías 23:18

Te stojol te bila la xchonic, ya me yu'unin te Cajwaltique; ma me xju' ya yich' q'uejel, ni ta snail; ja'uc me to, ja' me ya yich' ac'beyel te mach'atic ya yac' sbaic ta abatinel yu'un Cajwaltic, swenta yu'un ya sman swe'elic c'axem to xan a soc t'ujbil sc'u'-spaq'uic.

Proverbios 3:9

Ich'a me ta muc' Cajwaltic soc te ac'ulejale, ich'a ta muc' soc te sba sit awawal-ats'unub te ya xloc' awu'une;

Éxodo 12:32

Ic'aic me bael te achijic soc te awacaxic te bit'il sc'anoj awo'tanique. Baanic ta ora. Soc albonic wocol uuc a te Diose —xi' te faraón.

Éxodo 10:9

Te Moisés la sjac': —Ya me xbootic soc te alaletic cu'untique, soc te me'el-mamaletique, queremuc ach'ixuc, soc me te chijetic cu'untique, soc te wacaxetique. Mero muc'ul q'uin me cu'untic ta stojol te Cajwale —xi' te Moisese.

Éxodo 10:25

Te Moisés la sjac': —Ma jichuc. Asta ja'at ya sc'an ya awac'botic te chambalam te ya jmilbeytic ya jchic'beytic ta swenta yich'jibal ta muc' te Cajwal te Dios cu'une.

Éxodo 8:27

Ja'uc me to, ya sc'an xbootic ta muc'ul jochol taquin q'uinal te ay oxeb c'aal ya xbeenotic ochele. Tey ya xba jmilbeytic smajt'an a te Cajwaltic te Dios cu'untique, jich bit'il la yalbotic stuquele —xi'.