Éxodo 10:22 - Bible in Tzeltal de Oxchuc y Tenejapa

²² Te Moisés la stoy moel sc'ab, jich ijc'ub q'uinal ta stojol spamal Egipto.

Bible in Tzeltal Bachajón

²² Hich te Moisés la stoy mohel sc'ab, hich tal mero yihc'al q'uinal ta spahmal sq'uinal Egipto oxeb c'ahc'al.

Éxodo 10:22 Referans Kwoze

Salmos 105:28

Dios la sticun bael yijc'al q'uinal, ijc'ub q'uinal yu'un ta bayuc, pero te egipcioetic ma ba la yich'beyic ta muc' te sc'ope.

Apocalipsis 16:10

Te yo'ebal ch'ul abate ba smal te copa ta bay smuc'ul nactijib te muc'ul chambalam te xi'bantic sbae. Och ta ijc' q'uinal spamal te smaquen-q'uinale. Spisil la sti' yaq'uic yu'un xc'uxul te swocolique.

Amós 4:13

Te Cajwaltic ja' te la spas te witstiquil soc te iq'ue, ja' te ya yac'bey sna' stojol ants-winiquetic te bila chapbil yu'une, ja' te ya sc'atp'un ta ijc' q'uinal te saquil q'uinale, ja' te ya yoclin ta bay mero toyol q'uinal te balumilale, ja' me Ajwalil, te Dios Spisil ya xju' yu'une, ja' me sbiil abi.

Joel 2:31

Ya me x'ijc'ub te c'aale, te u, jich me ya xc'ot yilel te bit'il ch'ich', ja' me te c'alal ma to xc'ot sc'aalelal a te Cajwaltique, ja' te sc'aalelal te mero muc' sc'oplale, ja' te sc'aalelal te mero xiweltic sbae —xi' te Cajwaltique.

Joel 2:2

Sc'aalelal te ijc' q'uinale, sc'aalelal te tocaletic soc xiweltic sba axinal. Jchajp soldadoetic c'oem, mero bayal, soc mero bayal yipic, la spuc sbaic ta ba witsetic, jich bit'il saquil q'uinal ya xchicnaj te c'alal ya sacube. Ma'yuc jich chicnajem ta ilel soc ma'yuc bi ora ya xchicnajix, ma'yuquix pajal soc ya xchicnaj.

Deuteronomio 5:22

“Ja' te c'opetic la yal ta tulan te Cajwaltic te c'alal c'opoj ta yolil c'ajc' soc ta yolil pimil tocal. Ja' te c'alal stsoboj sbaic spisilic ta ye'tal te witse. Te c'alal laj yo'tan ta c'ope, tey ma'yuquix bila yan la yal a. Te c'opetic la sts'ibuy ta cha'pejch' tonetic. C'alal ju' yu'un, la yac'bon ta jc'ab.

Deuteronomio 4:11

Te ja'exe noptsajex bael ta yoc wits, te yac ta loq'uel c'ajc' ta sba, te yac ta moel bael ta mero toyol, te yac ta spasbel sba ta mero pimil ijc'al tocale.

Éxodo 20:21

Te lum q'uejel la yac' sbaic. Te Moisés la slac' bael te ijc'al tocal te banti ay te Diose.

Amós 4:7

—Ja' nix jich la jcom ja'al oxeb u te ma to sta yorail te ya xloc' sit a te awawal-ats'unube. Ay la cac' ja'al ta jpam lum, soc ay ma la cac' ja'al ta yan jpam lum; ay jsejp q'uinal ta bay la cac' ja'al, soc ay yan jsejp q'uinal te ma la cac' ja'al, jich taquej.

Job 5:14

Ta c'aaleltic ma ba ya yil sbeic, xmaxlajan ya xbeenic c'oem; potsbilic ta ijc' q'uinal, jich c'oem te bit'il ajc'ubale.

Isaías 8:22

soc ta patil ya me yilic ta alan; ma me ayuc bila ya staic, ja' nax me ya staic me'bail soc ijc' q'uinal. Ajc'ubal me ya x'ainic soc mel-o'tan; ta spisilic ya me xmucotic ta ajc'ubal. Te mach'atic tenbilique, ma xju' te ya scoltay sbaique.

Ezequiel 32:7

Te bi ora ya jinate, ya me cac' ijc'ubuc te ch'ulchane, soc ya xtup' te eq'uetique, ya me jmac ta tocal te c'aale, te u ma me ba ya yaq'uix xojobil.

Ezequiel 32:8

Ja'at ta amul te ya cac' tup'uc xojobil te bila ayic xojobile, ya cac' ijc'ubuc q'uinal ta alumal. Jo'on Ajwalilon te jich caloje.