Éxodo 10:21 - Bible in Tzeltal de Oxchuc y Tenejapa

²¹ Te Cajwaltic, jich la yalbey te Moisés: —Toya moel ac'ab ta spamal Egipto, ya me x'ijc'ub q'uinal. Mero ijc' q'uinal me ta jyalel, mero ma me xchicnaj q'uinal —xi' te Diose.

Bible in Tzeltal Bachajón

²¹ Te Jehová la yalbe te Moisés: Toya mohel ac'ab scuenta yu'un ya x'ihc'ub q'uinal ta sq'uinal Egipto, hich yihc'al ya xc'oht te bin ut'il ya xhu' ta tsaquel ya'iyel, xchi.

Éxodo 10:21 Referans Kwoze

Judas 1:6

Soc te ch'ul abatetic te ma la yich' ta muc' te yat'elique, la yijq'uitayic te banti ayique. Ayic ta chuquel ta ijc' q'uinal ta ora to, swenta yu'un ya me yich' ich'el ta c'op te c'alal ya sta sc'aalelale.

2 Pedro 2:17

Melel te lotil maestroetique jich c'oemic te bit'il pozo te ma'yuc ya'lel. Soc jich c'oemic te bit'il tocal te ya x'eanot bael yu'un te iq'ue. Chapal sc'oplalic te ya xc'o ainuquic sbajt'el q'uinal ta bay mero ijc' te q'uinale.

2 Pedro 2:4

Melel te Diose ma la spasbey perdón te ch'ul abatetic te la sta smulic ta stojole. La xch'oj coel ta bay infierno. Tey la yac' ta chuquel ta cadena ta bay te ijc' q'uinale, q'uejbilic tey a, ja' to teme la sta sc'aalelal te ich'el ta c'ope.

San Lucas 23:44

Olilix c'aal a te ijc'ub q'uinal ta spamal te balumilale, ja' to c'alal oxeb ora smalel te c'aale.

San Marcos 15:33

Ta olil c'aal ijc'ub q'uinal ta spamal te balumilale, ja' to ta oxeb ora smalel te c'aale.

San Mateo 27:45

Ta olil c'aal ijc'ub q'uinal ta spamal te q'uinale, ja' to ta oxeb ora smalel a te c'aale.

Proverbios 4:19

Pero te be yu'unic te mach'atic amen yo'tanique, mero ijc' stuquel; ni yacuc xju' ya yilic bila ya sc'ojch'in yacanic a.

Salmos 105:28

Dios la sticun bael yijc'al q'uinal, ijc'ub q'uinal yu'un ta bayuc, pero te egipcioetic ma ba la yich'beyic ta muc' te sc'ope.

Deuteronomio 28:29

soc xmaxlajan me ya xbeenat, jich te bit'il mach'a ma xyil q'uinal ta yijc'al q'uinale. Ta spisil te bitic ya apase, ma'yuc lec ya xc'ot. Spisil me ora ayat ta c'abal, soc ya awich' lo'layel ta swenta abiluc, ma me ayuc mach'a ya xtal scoltayat.

Éxodo 9:22

Te Cajwaltic, jich la yalbey te Moisés: —Toya moel ac'ab ta spamal Egipto, ya me xtal bat ta stojol ants-winiquetic soc chambalametic soc te yawal-sts'unubic ta sq'uinal te egipcioetique —xi'.

Judas 1:13

Pajalic soc sbul mar te bayal sbolilal te q'uexlaltic sba te bila ya spasique. Pajalic soc eq'uetic te jowejemic ta beele te chapal sc'oplalic te ya xba ainuquic sbajt'el q'uinal ta bay mero ijc' nax te q'uinale.

Eclesiastés 6:4

Yu'un, manchuc me jich nax ya xch'ay bael ta q'uinal te alale, ta ijc' q'uinal te banti ma'yuc mach'a na'bot sbiil yu'une,

Eclesiastés 2:14

Te mach'a ay sp'ijile, buen lec ya stuuntes te site; yan te mach'a ma sna' q'uinal yac ta beel ta ijc' q'uinal stuquel. Pero la jna' te pajal spisil, melel te bila ya xc'ot ta stojolique, ja' nix ya xc'ot ta jwenta uuc.

Salmos 78:49

Dios la sticun yilimba ta stojolic: ja' te sc'ajc'al yo'tane, te xc'uxul woclajel soc te castigoe jich c'oem ta stojolic te bit'il abatetic te ya xlajinwanique.

Salmos 35:6

Ijc'ubuc q'uinal soc bilubuc te sbee; te ch'ul abat yu'un Cajwaltic, ac'a snuts bael.

Apocalipsis 8:12

Te xchanebal ch'ul abate la yoq'uesin te oq'uese. Bolob jxejt' ta yox-xejt'el te c'aale soc jxejt' ta yox-xejt'el uuc te ue soc jteb ma oliluc uuc te eq'uetique. Jich ijc'ub jxejt' ta yox-xejt'el te q'uinale. Jich ay chanebuc ora tup'en xojobil c'aal ta c'aaleltic soc jich nix te u ta ajc'ubal.

Éxodo 7:19

Te Cajwaltic la yalbey xan te Moisese: —Albeya te Aarón ac'a stoy bael sbastón ta stojol te ja'etique: te bebeja'etic, pamal ja'etic, estanqueetic ta spamal sq'uinal Egipto te ay ja'etic tey a. Spisil me ya xc'atp'ujic ta ch'ich'. Soc ya me xc'atp'ujic ta ch'ich' spisil te ja'etic te pasbilic yawil ta te' soc te ay pasbilic ta ton —xi' te Cajwaltique.

Ezequiel 32:7

Te bi ora ya jinate, ya me cac' ijc'ubuc te ch'ulchane, soc ya xtup' te eq'uetique, ya me jmac ta tocal te c'aale, te u ma me ba ya yaq'uix xojobil.

Deuteronomio 1:30

Te Cajwaltic te Dios cu'untic, ja' neel yac ta beel ta atojolic. Ja' me ya x'och ta guerra awu'unic stuquel, jich nix te bit'il la spas la awilic ta Egipto,

Deuteronomio 4:34

¿Ay bal dios te ba sloq'ues jchajp lum ta yolil yantic lumetic ta swenta bayal pruebaetic, señailetic, jchajp señailetic soc guerraetic, te tey la yac' ta ilel spisil yu'el a, te mero xiweltic sba te bila la spase, jich bit'il la spas ta atojolic soc ta stojol te acontroic ta Egipto te Cajwaltic te Dios cu'untique?

Job 5:14

Ta c'aaleltic ma ba ya yil sbeic, xmaxlajan ya xbeenic c'oem; potsbilic ta ijc' q'uinal, jich c'oem te bit'il ajc'ubale.