Éxodo 10:1 - Bible in Tzeltal de Oxchuc y Tenejapa

¹ Te Cajwaltic, jich la yalbey te Moisés: —Baan c'opona te faraón. La jtulantesbey yo'tanic soc te sjo'tac ta ajwalile, yu'un ya cac'bey yil te muc' jchajp señailetic te ya jpas ta stojolique,

Bible in Tzeltal Bachajón

¹ Te Jehová la yalbe te Moisés: Ochan ta stojol faraón, yu'un la jtulantesbe yo'tanic soc te a'batetic yu'une, yu'un ya ca'be yilic te jchahp a'teliletic cu'un,

Éxodo 10:1 Referans Kwoze

Éxodo 4:21

Te Cajwaltic la yalbey te Moisés: —Te c'alal ya xc'oat ta Egipto, p'ijan me ta spasel te jchajp at'eliletic te la cac'batix awu'el ta spasele. Ja'uc me to, ya jtulantesbey yo'tan te faraón te ma xyac' loq'uel te israeletique.

Romanos 9:17

Te melel jich ts'ibubil jilel sc'oplal ta Sjun Dios te Faraone: “La cac'at ta muc' ajwalil swenta yu'un jich ya cac' ta ilel cu'el ta awenta, soc swenta yu'un ya me xpujc' jc'oplal ta spamal balumilal”, te xie.

Éxodo 3:20

Ja'uc me to, ya me cac' ta ilel cu'el ta stojolic, ya me quejch'entes yu'un lajel te egipcioetic ta spisil ta jchajp at'eliletic ya cac'bey yil ta slumalic, jich to me ya yaq'uex loq'uel te faraón.

Salmos 7:11

Toj yat'el ta chajbanwanej stuquel te Diose; spisil ora ilinem yu'un te mach'atic amen yat'elique.

1 Samuel 4:8

Puersa me ay jwocoltic ya xc'ootic. ¿Mach'a ya xju' ya scoltayotic loq'uel ta sc'ab te Dios mero bayal yu'ele? Ja' te la yac'bey castigo egipcioetic ta jochol taquin q'uinal, te jayebuc ta jchajp castigoetic la yac'bey c'otuc ta swentaique.

Éxodo 9:27

Jich te faraón la sticun ta iq'uel te Moisés soc Aarón. Jich la yalbey: —La jna'ix te jo'on ta jmule. Ja' jmul soc te jlumale, ma yolojuc te Ajwalil ya awale.

Éxodo 9:16

Ja'uc me to, la cac' xcuxinat xan, swenta yu'un ya me awilbon te cu'ele, soc swenta yu'un ya me yich' alel jc'oplal ta spamal te q'uinale.

Éxodo 7:4

Te faraón ma me xyaiybat stojol ac'opic. Ja'uc me to, ya me xtal te yip cu'el ta stojol te Egipto, soc muc'ul jchajp señail ta swenta castigo. Jich me ya xloc' bael te lum cu'une, ja' te israeletique.

San Juan 12:40

“Dios la sc'atp'un ta ma'sit soc la yac' tulanajuc yo'tanic, swenta yu'un ma xyilic q'uinal ta sitic, ni ya xc'ot ta yo'tanic te bila ya x'albotique. ‘Ma ba ya sujt'es yo'tanic ta jtojol swenta ya jlamantes te xchamel’, xi' te Diose”, te xie.

Romanos 9:18

Jich yu'un ja' chican yo'tan stuquel te Dios te mach'a ya xc'uxtaye, soc ja' chican yo'tan te mach'a ya yac' tulanubuc yo'tane.

Éxodo 9:12

Ja'uc me to, te Cajwaltic la stulantesbey xan yo'tan te faraón. Jich ma ba la yich'beyic ta muc' sc'opic te Moisés soc Aarón, jich bit'il albil yu'un Cajwaltic te Moisese.

Josué 11:20

Te Cajwaltic la yac'bey tulanajuc yo'tanic te scontroique, swenta yu'un ya me yac'bey guerra te israeletique. Jich la yich'ic lajinel ta jc'axel yu'un te israeletic, ma'yuc c'uxtayel, jich bit'il yaloj mandal Cajwaltic ta stojol Moisés.

Éxodo 10:20

Ja'uc me to, te Cajwaltic la stulantesbey xan yo'tan te faraón, jich ma la yac' loq'uel te israeletique.