Éxodo 1:7 - Bible in Tzeltal de Oxchuc y Tenejapa

⁷ Ja'uc me to, bayal esmajic te israeletique, c'axem to xan esmajic ta jyalel, mero bayal yipic a c'ot. Noj yu'unic te sq'uinal Egipto.

Bible in Tzeltal Bachajón

⁷ Pero te snich'nab Israel hahchic ta p'ohlel, mero tsobolic soc bayel yipic, noj yu'unic te q'uinale.

Éxodo 1:7 Referans Kwoze

Génesis 46:3

Albot yu'un te Diose: —Jo'on Dioson, Dioson yu'un te atate. Ma me x'axi' te ya xcoat bael ta Egipto, yu'un ya me cac' esmajan tey a, bayal me ta jmil ats'umbal ya xc'ot.

Deuteronomio 26:5

Te ja'ate jich me ya awal ta stojol te Cajwaltique: “Te antiguo jme'-jtate ch'in jtsojp arameoetic te puro ta beel beel ayic, te coic bael ta Egipto, tey jilic ta nainel a. Patil c'atp'ujic ta jun muc'ul nación, mero tsobolic soc bayal yipic.

Génesis 1:28

Dios la yac'bey bendición, jich la yalbey: —Esmajanic ta lec, nojesaic ta spamal te balumilale, tuuntesaic te q'uinale. Ja' me ya awentainic xchayul ja'etic soc te mutetique, soc spisil te chambalametic te ya xbeenic ta lumq'uinal —xi'.

Génesis 47:27

Jich te israeletic nainic ta Egipto. La sq'uinalinic te q'uinal te Gosén sbiile, tey esmajic bayal a.

Génesis 35:11

Dios la yalbey xan: —Jo'on Dioson te Spisil ya xju' cu'une; esmajan, ayuc me bayal ats'umbal. Muc'ul nación ya xc'oat, bayal me ta jpam lum ya xc'oat ta loq'uel a, bayal ta jtul ajwaliletic ya xloc' a te ats'umbale.

Génesis 12:2

Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.

Génesis 9:1

Dios la yac'bey bendición te Noé soc te snich'nabe, jich la yalbey: —Esmajanic, nojesaic xan te q'uinale.

Nehemías 9:23

La awac' ayinuc bayal yal-snich'anic, jich yipal c'ot te bit'il eq'uetic ta ch'ulchane. La awic' bael ta yu'uninel te lumq'uinal awaloj ya awac'bey yu'unin te antiguo sme'-statique.

Deuteronomio 10:22

Te c'alal c'otic ta Egipto te antiguo ame'-atatique, ja' nax lajuneb xchanwinic (70) ta jtul; pero yo'tic la yaq'uix esmajuc awajtalulic jichuc eq'uetic ta ch'ulchan te Cajwaltic te Dios cu'untique.

Génesis 48:4

Jich la yalbon: “Ya me cac' esmajuc te ats'umbale, bayal ta jchajp nación ya xc'otic ta loq'uel. Soc ya me cac'bey yu'unin ats'umbal in q'uinal to. Ja' me yu'unic sbajt'el q'uinal”, la yuton te Diose.

Génesis 17:16

Ya me cac'bey bendición, soc ay me awal-anich'an ya xc'oat soc. Melel me xcal, ya me cac'bey bendición. Sme' bayal ta jchajp nacionetic ya xc'ot, ya xchicnaj ta swenta bayal ta jtul ajwaliletic —xi' sc'oplal.

Salmos 105:24

Dios la yac' esmajuc te lum yu'un, c'ax jich yip c'ot yu'un a te bit'il egipcioetique.

Génesis 28:14

Jich yipal ats'umbal ya xc'ot te bit'il ts'ubil lum. Soc ya me spuc sbaic ta bayuc c'alal ta stojol smalib c'aal, soc c'alal ta stojol sloq'uib c'aal soc c'alal ta stojol norte, soc c'alal ta stojol sur. Soc ta awenta soc ta swenta ats'umbal ya me x'ac'bot bendición spisil ta jchajp lum ayic ta spamal balumilal.

Génesis 22:17

jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Génesis 13:16

Jich me yipal ats'umbal ya xc'oat cu'un te bit'il ts'ubil lume. Ma xju' ta ajtayel te ts'ubil lum, soc ja' nix jich ma xju' ta ajtayel te ats'umbale.

Génesis 1:20

La yal te Diose: “Ac'a chicnajuc te bitic ya xcuxinic ta ja', soc mutetic te ya xwilic ta sba te balumilale”, xi'. Jich pastaj yu'un.

Éxodo 12:37

Te israeletic loq'uic bael ta Ramsés, bajt'ic ta Sucot. Ta spisilic lajunwinic xcha'bajc' ta jmil (600,000) te winiquetic te staojix ya'wilalic ta soldadoile. Ma ba ajtaybil stuquel te antsetic soc te alaletique.

Génesis 48:16

ja' te Ch'ul Abat te ya scoltayon yu'un ma ba ya yac'on a spisil te bitic ma lecuque, ac'a yac'bey bendición te queremetique. Ac'a yich'bonic jilel jbiil soc sbiil te jmam Abraham soc te jtat Isaac, ac'a esmajuc, soc bayaluc me sts'umbalic ta balumilal —xi'.

Génesis 26:4

Ya me cac' esmajuc ats'umbal, jich yipal ya xc'otic te bit'il eq'uetic ta ch'ulchan. Soc ya me cac'bey sq'uinalin spisil in q'uinal to te ats'umbale. Ta swenta ats'umbal ya me x'ac'bot bendición ta spisil ta jchajp mach'atic ayic ta balumilal.

Génesis 15:5

Soc ic'ot loq'uel ta jamalal la yaiy yu'un te Diose: —Ila awil te ch'ulchane, ajtaya jayeb te eq'uetique, teme ya xju' awu'un yajtayele. Jich me yipal ats'umbal ya xc'ot —xi' sc'oplal.

Hechos 13:17

Te Dios cu'untic, te jo'otic te lum israelotique, la stsa te antiguo jme'-jtatique. Muc'ul lum c'ot yu'un, manchuc me jyanlumetic ainic ta sq'uinal Egipto. Soc la sloq'ues tey a ta swenta yu'el te Diose.

Génesis 26:22

Jich la yijq'uitay jilel te Isaac, c'ubul ba spas yan pozo. Ma'yuquix guerra c'ot yu'un stuquel. Jich yu'un, “Libre ayotic” xi' sbiil c'ot, yu'un la yal te Isaac: —Dios la scoltayotic te bay te q'uinale, li' me ya x'esmaj te jbiluctique —xi' yu'un.

Éxodo 1:12

Te bit'il c'axem to xan yac ta tulan uts'inel te israeletic, tey c'axem to xan yacal ta esmajel a. Jich yu'un te egipcioetic cajic ta xiwel ta stojol te israeletique.

Éxodo 5:5

La yal xan te faraón: —Ta ora to ay bayal te israeletic ta spamal lum Egipto. ¿Ja'ex bal tal acombey yat'elic? —xi' sc'oplalic.

Salmos 107:38

Ya me x'ac'botic bendición yu'un Cajwaltic, ya me yac' esmajuc xan, soc ya yac' esmajuc xan te chambalametic yu'unique.

Ezequiel 16:7

La cac' xmuc'ubat jichuc ja'mal ta q'uinal. Muc'ubat, la ata amuc'ul, muc'ul ants c'oat. Te achu'e la sta smuc'ul, soc ch'i stsotsil abaq'uetal; pero mero t'analat, ma'yuc ac'u'.