Éxodo 1:17 - Bible in Tzeltal de Oxchuc y Tenejapa

¹⁷ Ja'uc me to, te jtam-alaletic la xi'ic te Diose. Jich ma ba la spasic te bila mandal la yal te ajwalil ta Egipto, la yac' cuxinuc te ch'in queremetique.

Bible in Tzeltal Bachajón

¹⁷ Pero te jtam-alaletic la xi'ic te Diose, ma ba la spasic te bin pasotic ta mandar yu'un te ajwalil yu'un Egipto, la yac' cuxajuc te tut queremetique.

Éxodo 1:17 Referans Kwoze

Hechos 5:29

Te Pedroe soc te yantic jpuc-c'opetic la yalic: —Puersa me ja' ya jch'uunbeytic smandal te Diose, ma ja'uc te winiquetique.

San Lucas 12:5

Ya calbeyex te mach'a ya sc'an ya axi'ique: Ja' me x'axi'ic te mach'a ya xju' yu'un ya smilat soc te ay yat'el te ya xju' ya yaq'uex ta bay yawil c'ajc' te ma xtup' sbajt'el q'uinale. Ja' me x'axi'ic stuquel.

San Mateo 10:28

Ma me x'axi'ic te mach'atic ya smilbeyex abaq'uetalique, ja'uc me to, ma xju' yu'un ya smilbeyex stuquel te ach'ulelique. Ja' me x'axi'ic te Mach'a ya xju' yu'un ya yaq'uex ta lajel soc abaq'uetalic soc ach'ulelic ta bay infierno.

Eclesiastés 12:13

Lajix ta alel te c'opetique, spisil la yich'ix alel. Ich'a ta muc' te Diose, ch'uunbeya te mandaliletic yu'une, melel ja' nax ta spisil te ay ta swenta spasel te ants-winiquetique.

Daniel 6:13

C'opojic xan bael, jich la yalic: —Ja' te Daniel, te ja' jtul sjoy te judioetic te ic'otic tel ta mosoile, ma sc'an xyich'at ta muc' ja'at te muc' ajwalilat cu'untique, soc mero ma sc'an xyich' ta muc' te c'op chapal la apuc ta alele. Yu'un la quiltiquix te yac ta yalel wocol oxeb buelta jujun c'aal ta stojol te Dios yu'une —xiic.

Proverbios 16:6

Ta swenta xc'uxul-o'tanil soc ta swenta smelelil te ay ta pasel perdón yu'un mulil; teme quich'ojtic ta muc' te Cajwaltique, ya jq'uej jbajtic loq'uel ta stojol te bila ma lecuque.

Eclesiastés 8:12

Jich ya xc'ot ta swenta te mach'a yacal ta sleel smule, bayal ja'wil cuxulic ta sleel smul. (Te bi jna'oje, ja' te mach'atic ya xch'uunic te Diose, soc te ya yich'ic ta muq'ue, buen lec ya xc'otic.

Salmos 31:19

Mero muc' yutsil awo'tan ta swenta te mach'atic ya yich'at ta muq'ue. Te yutsil awo'tan ya aq'uej jichuc c'ulejalil, te ya apucbey ta comonsitil te mach'atic smuc'ulinejat yo'tanique.

Génesis 42:18

Yoxebalix c'aal a, te José la yalbey yaiyic: —Pasaic me te bila ya calbeyexe, jich me ya xcuxinex, melel te jo'one jxi'oj te Diose.

Oseas 5:11

Efraín tenbil ta uts'inel, ma'yuc ta wenta c'ot stuquel, yu'un la yat'elin xch'uunel lotil diosetic.

Proverbios 8:13

Te yich'el ta muc' te Cajwaltique, ja' te scontroinel te bila amene. Jo'on ya quilay te toyba-o'tanil soc te toybaile, soc te be te amene soc te pas-lote.

Nehemías 5:15

Pero te yantic ajwaliletic te neel c'axique, mero bayal la yac'beyic swocol te yajwal te lume. Melel ta jujun c'aal la sc'anbeyic cha'winic (40) ta jsejp plata, swenta yu'un ya sman swe'elic a soc yu'un ya sman te bila ya yuch'ic a. Soc ma ja'uc nax, jichic te abatetic yu'unique, ay swocol yu'unic te yajwal lume. Pero te jo'one, ma jichuc la jpas, melel ay ta co'tan te ya x'ich'ot ta muc' cu'un te Diose.

Miqueas 6:16

Melel ja' at'unoj ta ch'uunel smandal soc ta spasel yat'el te Omri soc te mach'atic ay yu'un Acab, jich yacat ta spasel te bit'il la spasique. Ja' yu'un ya jpasbat ja'at soc te awinictac te ya awich'ic ilayel soc labanel; soc ya me xc'ot ta awenta te labanel yu'un te nacionetique —xi' te Cajwaltique.

Génesis 20:11

La sjac' te Abraham: —La cal ta co'tan te ma'yuquex ta xi'el te Diose. “Ya me smilonic ta scaj quinam”, xoon ta snopel.

Éxodo 1:18

Te muc' ajwalil yu'un Egipto la sticun ta iq'uel te jtam-alaletique, jich la yalbey: —¿Bistuc la awac' cuxinuc te alal-queremetique? —xi'. La sjac' te antsetique:

1 Samuel 22:17

Te muc' ajwalil ora la spas ta mandal te soldado-canantaywanejetic yu'une: —Milaic te sacerdoteetic yu'un Cajwaltique. Ja' nix jun yo'tanic soc David, sna'ojic te yac ta anel ta jtojol, pero ma ba la yalbonic caiy —xi'. Pero te jcanantaywanej-soldadoetic yu'un ma ba la yal sc'abic ta stojol te sacerdoteetic yu'un Cajwaltic.

2 Samuel 24:4

Pero te smandal te David ja' ich'bil ta muc' c'ot, ja' ma'yuc ta wenta c'ot te bi la yal te Joab soc te jtsobwanejetic yu'un te soldadoetique. Jich puersa bajt'ic ta spasel te censo yu'un te lum Israel.

Ester 3:3

Te sjo'tac ta at'el te muc' ajwalil la sjojc'obeyic te Mardoqueo te bi yu'un te ma ba ya xch'uunbey smandal te muc' ajwalile.