Biblia Todo Logo
Bib sou entènèt

- Piblisite -




Éxodo 1:14 - Bible in Tzeltal de Oxchuc y Tenejapa

14 La yac'beyic swocol ta tulan at'el ta swots'el ajch'al ta spasel adobe, soc spasel spisil at'el ta q'uinal. Spisil te israeletic bayal xc'uxul la yaiyic te bitic pasbotique.

Gade chapit la Kopi

Bible in Tzeltal Bachajón

14 La ya'beyic swocolic yu'un spasel tulan a'tel ta swots'el ahch'al soc ta spasel adobe, soc ta spasel spisil a'tel ta q'uinal. Ta spisil te ya'telic la stenic ta spasel.

Gade chapit la Kopi




Éxodo 1:14
30 Referans Kwoze  

In muc' ajwalil to soc sp'ijil la slo'lay te jlumaltique, soc jajch' yuts'in te antiguo jme'-jtatique. Albotic mandal te ya yich' milel te yal-snich'anic te c'alal ya x'ayinique.


Te antiguo me'il-tatil cu'untic bajt'ic ta Egipto, tey nainic bayal ja'wil. Ja'uc me to, te egipcioetic la yuts'inotic soc jich nix la spasbeyic te antiguo me'il-tatiletic cu'untique.


Te Moisés la yalbey te israeletique; ja'uc me to, ma ba la yich'beyic ta muc' te sc'ope, yu'un chebajemix yo'tanic ta scaj te tulan ta jyalel te mozoinele.


Bayal c'aal ta patil laj te ajwalil yu'un te Egipto. Pero yacalic ta woclajel ta ajc'an ta mozoinel te israeletique. Ja'uc me to, c'ot ta stojol Dios te yajc'anic soc te sc'opique.


Quiloj te bit'il ay ta woclajel ta Egipto te lum cu'une. Caiyojbey stojol te yajc'anique. Jich coon tel ta scoltayel. Ta ora to, la' me, yu'un ya jticunat bael ta Egipto”, xi' sc'oplal te Moisese.


Ya calbeyex te ma me ja'uc. Te spasel ayuno te ya smulan co'tane, jich ya sc'an bit'il in to: ja' te ya atuch'bey scadenail te uts'inel, soc te ya acoltay te mach'a chucul ta yugo; ja' te ya awac' ta libre te mach'atic tenbilic ta uts'inele, soc teme ya alajinbey sc'oplal ta spisil te bila ay wocol yu'une;


“La jcojt'esbatix te awijc'ats acuchoje; la cac'atix ta libre yu'un te tulan at'ele.


Chajbana awa'al, swenta yu'un ya xju' xcuxinat a te bit'il macbilat ta yutil lum, tulantesa xan ta bay ya acoltay aba ta ac'opique. Ochan ta ajch'al, wots'a ta teq'uel te ajch'ale, tsacbeya smoldeil te ladrilloe.


Cuxul to a te ya ati'bonic c'oem te lum cu'une; ya ach'i'beyic te snujc'ulele, soc ya ac'asbeyic te sbaquele. Jich c'oem ta awo'tanic te bit'il ti'bal ya yich' payel ta oxome.


Ta ora yo'tic ¿bi yacon ta yilel? Te Babilonia tojol nax la yic'bon bael te lum cu'une. Te mach'atic ya xmandalajic ta stojolique, toyol nax q'uinal ya yaiyic ta aw; ma xcomic ta sbolc'optaybelonic.


Ja' ya cac'beyix te mach'atic la yac'bat c'axuc awocole, ja' te mach'atic jich la yalbate: “Pajc'ana aba ta lum, ya me xc'axotic ta aba”, la yutat. Jich la apajc'an aba ta lum swenta yu'un jich la stec'at jichuc tan —xi' te Cajwaltique.


melel soc yilimba la yac'bey swocol a te nacionetic, ma ba quejch'aj te majel la yac'beye. La spactibin te lumetic ta sc'ajc'al yo'tan, soc xujt' ma la sna'bey yo'bolil sba ta uts'inel.


pero te ja'exe anac'oj abaic jilel. Xic' stsumut potsbil ta plata, te sc'uc'umale potsbil ta t'ujbil oro.


Te Noemí la sjac': —Ma xawalboniquix Noemí, yu'un ma t'ujbiluquix q'uinal ya caiy. Ja' lec ac'boniquix jbiilin Mara, melel te Dios te Spisil ya xju' yu'une, la yac'bon ch'aubuc co'tan sujt'el tel yu'un mel-o'tan.


Pero te egipcioetic c'ax to xan la yuts'inotic, la yac'botic bayal jwocoltic, la yac'botic ta jbajtic buen tulan at'el ta mozoil.


Te ja'exe la stsobex loq'uel tel ta Egipto te Cajwaltique, ta yutil horno yu'un yultesel taq'uin c'oem. Jich la yaq'uex te bit'il ayex ta ora in to: Ja'ex lumex yu'un stuquel.


Jich me ya yich' pasel ta stojol te bit'il jtul jle-at'el te spasoj contrato ta ja'wile, ma me xawac' ta uts'inel.


Ya xju' ya awijq'uitaybeyic yu'unin awal-anich'nabic te c'alal ya xlajexe, spisil ora ya xju' ya yabatinic. Pero te ja'ex te israelex, ma me ayuc jtuluc alumal te ya apejc'anic soc te tulan ya awac' abaic ta stojolique, melel awermano abaic, jun ats'umbalic soc stuquelic.


Ma me tulanuc ya awac' aba ta stojolic, ya me sc'an te ja' ya awac' ta ilel te awich'ojon ta muc' jo'on te Dioson awu'une.


—Jo'on Ajwalilon, te Dioson awu'une, te la jloq'uesat ta Egipto ta banti ayat ta mozoile.


Te israeletic ochic ta woclajel ta tulan at'el yu'un te egipcioetique.


Jich te Cajwaltic la yalbey: —Na'a me stojol te bit'il ya xc'ax bael ats'umbal ta bay ma slumaluc, soc ya me x'och ta mozoil, soc ya me x'och ta woclajel jbajc' (400) ja'wil.


Jich yu'un te egipcioetic la sleic tulan jwolwanejetic, te ya stenic ta tulan at'el te israeletique. La yac'beyic spas cha'pam lum te Pitón soc Ramsés te sbiilique. Yu'un ay ta yo'tan te faraón, te muc' ajwalil xi' c'oem yu'un Egipto, te ja' sq'uejibal te sbiluque.


Te ajwalil yu'un te Egipto ay bila la snop xan. La sc'opon te Sifra soc te Fúa te jtam-alaletic yu'un te hebreoetique. Jich la yalbey ta stojolic:


Ja' la sc'ases ta alel te bila c'opil albot yu'un te jch'iel winiquetic. Jich la yal: —Teme mero al te ijc'atsil la yac'beyex te jtate, ya me cac'beyex ijc'atsil te mero c'axem to xan jich yalal a. Teme la smajex ta nujc'ul te jtate, te jo'one ya me jmajex ta najt'il ts'otbil nujc'ul te ay staq'uinal sni'ile —la yut.


Pajal soc león-choj te ya x'awun, o jich bit'il oso te ay ta wi'nale, jich c'oem te mach'a amen yo'tan te ochem ta ajwalil yu'un te me'baetique.


Bayal buelta ay mach'atic la yac'boniquix jwocol, c'alal to ta jqueremil jajch' yac'bonic jwocol, ac'a yalic te israeletique


Te Cajwaltic te Spisil ya xju' yu'un, jich ya yal: —Lum cu'un, te nainemex ta Sión, ma x'axi'ic te asiriaetique, manchuc me ya smajex ta te' soc teme ya stoy sbastonic ta atojole, jich bit'il la spasbeyex te egipcioetique.


Swiv nou:

Piblisite


Piblisite