Éxodo 1:13 - Bible in Tzeltal de Oxchuc y Tenejapa

¹³ Te israeletic ochic ta woclajel ta tulan at'el yu'un te egipcioetique.

Bible in Tzeltal Bachajón

¹³ Te egipciohetic la ya'beyic spas tulan a'tel te snich'nab Israel.

Éxodo 1:13 Referans Kwoze

Deuteronomio 4:20

Te ja'exe la stsobex loq'uel tel ta Egipto te Cajwaltique, ta yutil horno yu'un yultesel taq'uin c'oem. Jich la yaq'uex te bit'il ayex ta ora in to: Ja'ex lumex yu'un stuquel.

Génesis 15:13

Jich te Cajwaltic la yalbey: —Na'a me stojol te bit'il ya xc'ax bael ats'umbal ta bay ma slumaluc, soc ya me x'och ta mozoil, soc ya me x'och ta woclajel jbajc' (400) ja'wil.

Éxodo 1:14

La yac'beyic swocol ta tulan at'el ta swots'el ajch'al ta spasel adobe, soc spasel spisil at'el ta q'uinal. Spisil te israeletic bayal xc'uxul la yaiyic te bitic pasbotique.

Levítico 25:43

Ma me tulanuc ya awac' aba ta stojolic, ya me sc'an te ja' ya awac' ta ilel te awich'ojon ta muc' jo'on te Dioson awu'une.

1 Reyes 12:14

Ja' la sc'ases ta alel te bila c'opil albot yu'un te jch'iel winiquetic. Jich la yal: —Teme mero al te ijc'atsil la yac'beyex te jtate, ya me cac'beyex ijc'atsil te mero c'axem to xan jich yalal a. Teme la smajex ta nujc'ul te jtate, te jo'one ya me jmajex ta najt'il ts'otbil nujc'ul te ay staq'uinal sni'ile —la yut.

2 Crónicas 10:11

Teme al la yac'beyex awijc'atsic, c'axem to xan al ya cac'beyex a te jo'one. Teme nujc'ul la smajex a, te jo'one chicote ya jmajex jtuquel a te yich'oj taq'uin ta sni'ile”, uta me —xiic.

Salmos 105:25

Pero la yac' ta controinel yu'un egipcioetic te lum yu'un; la yac' ta lo'layel te abatetic yu'une.

Proverbios 28:15

Pajal soc león-choj te ya x'awun, o jich bit'il oso te ay ta wi'nale, jich c'oem te mach'a amen yo'tan te ochem ta ajwalil yu'un te me'baetique.