Éxodo 1:12 - Bible in Tzeltal de Oxchuc y Tenejapa

¹² Te bit'il c'axem to xan yac ta tulan uts'inel te israeletic, tey c'axem to xan yacal ta esmajel a. Jich yu'un te egipcioetic cajic ta xiwel ta stojol te israeletique.

Bible in Tzeltal Bachajón

¹² Pero c'alal bayel ayic ta uts'inel, bayel to xan p'ohlic soc puhquic bahel. Hich te egipciohetic la xi'ic te snich'nab Israel.

Éxodo 1:12 Referans Kwoze

Salmos 105:24

Dios la yac' esmajuc te lum yu'un, c'ax jich yip c'ot yu'un a te bit'il egipcioetique.

Éxodo 1:9

—Aiya awaiyic stojol, te lum Israel bayal ta jyalel, soc c'axem to xan tulanic a te bit'ilotique.

Romanos 8:28

Jna'ojtic stojol te mach'atic c'ux ta yo'tanic te Diose, ya x'ac'botic yu'un spisil bila leque, ja'ic me te mach'atic ic'bilic yu'un Dios te bit'il jich la sc'an yo'tan stuquele.

San Juan 12:19

Jich te fariseoetique caj yalbey sbaic: —Ilawil, ma staq'uix ta comel. Melel spisil te lume bajt'iquix ta stojol te Jesuse —xiic.

Job 5:2

Teme ya awac' aba a te ilimbae, o teme ya awac' aba a te bic'tal-o'tanile, ta scaj te ma x'ana' q'uinal te ya yac'at bael ta lajele.

Proverbios 27:4

Te ilimba ya yac' wocol, te sc'ajc'al-o'tanil ya xjinawan; pero ma xju' ta comel te paichale.

Proverbios 21:30

Ma'yuc p'ijil c'op ni tac'uyel ni sp'ijil sjol te ants-winiquetic te ya yaiy tsalaw ta stojol te Cajwaltique.

Éxodo 1:7

Ja'uc me to, bayal esmajic te israeletique, c'axem to xan esmajic ta jyalel, mero bayal yipic a c'ot. Noj yu'unic te sq'uinal Egipto.

Éxodo 1:20

Ja' swentail te lum israeletic yac ta esmajel soc ta yich'bel yip ta c'axem to xan. Te bit'il ja' la xi'ic Dios te jtam-alaletic, esmajic ta lec ta snaic uuc.

Génesis 46:3

Albot yu'un te Diose: —Jo'on Dioson, Dioson yu'un te atate. Ma me x'axi' te ya xcoat bael ta Egipto, yu'un ya me cac' esmajan tey a, bayal me ta jmil ats'umbal ya xc'ot.

Números 22:3

Ja' nix jich spisil te yajwal Moab och bayal xiwel ta yo'tanic te la yilic te israeletic te mero bayalic ta jyalele.

Deuteronomio 26:5

Te ja'ate jich me ya awal ta stojol te Cajwaltique: “Te antiguo jme'-jtate ch'in jtsojp arameoetic te puro ta beel beel ayic, te coic bael ta Egipto, tey jilic ta nainel a. Patil c'atp'ujic ta jun muc'ul nación, mero tsobolic soc bayal yipic.

Nehemías 9:23

La awac' ayinuc bayal yal-snich'anic, jich yipal c'ot te bit'il eq'uetic ta ch'ulchane. La awic' bael ta yu'uninel te lumq'uinal awaloj ya awac'bey yu'unin te antiguo sme'-statique.

Salmos 107:38

Ya me x'ac'botic bendición yu'un Cajwaltic, ya me yac' esmajuc xan, soc ya yac' esmajuc xan te chambalametic yu'unique.