Ester 9:4 - Bible in Tzeltal de Oxchuc y Tenejapa

⁴ Melel te Mardoqueo mero muc' sc'oplal ta spalacio te muc' ajwalile, soc pujc' ta alel sc'oplal ta spisil ta jpam q'uinal. Jujun c'aal yac ta toyel xan yip.

Bible in Tzeltal Bachajón

⁴ Como te Mardoqueo mero muc' sc'oblal ta sna te ajwalil, soc puhc sc'oblal ta spisil ta jsehp q'uinal. Xquechcon ta muc'ubel sc'oblal te Mardoqueo.

Ester 9:4 Referans Kwoze

1 Crónicas 11:9

Te yip yat'el David yac ta muc'ubel, melel sjoinej stuquel te Cajwaltic te Spisil ya xju' yu'une.

2 Samuel 3:1

Jalaj te guerra la yac'bey sbaic te xchapoj sba ta swenta Saúl soc te xchapoj sba ta swenta David. Pero te yu'un David bebe yich'bel yip stuquelic, yan te yu'un Saúl bebe pejc'ajel yip stuquel.

Sofonías 3:19

Ja' me jich yorail te ya x'at'ejon ta scontroinel spisil te mach'atic ya stenat ta uts'inele. Ya jcoltay te chij te coxoe; soc ya me quic' tel te bay ch'ayemique. Ya jc'atp'un ta ich'el ta muc' te ilayel ta atojole; soc ya xpujc' ac'oplal ta spamal q'uinal.

Proverbios 4:18

Te be yu'unic te mach'atic toj yo'tanique, jich c'oem te bit'il saquil q'uinal te c'alal ya sacub tel q'uinal ta jujun sabe, yac ta sacubel tel te q'uinale, asta ya sacub ta lec.

Salmos 18:43

La acoltayon loq'uel ta c'opetic yu'un te toyba lume, la awac'on ta jwentainwanej yu'un bayal ta jchajp nación; ya yac' sbaic ta abatinel ta jtojol te mach'atic te ma jna'bey sbae.

Salmos 1:3

Jich c'oem te bit'il te' te ts'unbil ta ti'muc'ja', te ya yac' sit ta yoraile soc te ma xlubaj te yabenale. Spisil te bila ya spase lec ya xc'ot ta loq'uel.

1 Crónicas 14:17

Jich pujc' bael sc'oplal ta spisil ta spamal balumilal. Te nacionetic ac'bot xi'ic yu'un Cajwaltic te David.

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

Josué 6:27

Te Cajwaltic la scoltay te Josué, jich pujc' bael sc'oplal ta spamal te q'uinale.

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

Isaías 9:7

Ya me xjalaj ta bay smuc'ul nactijib David, ya me xpujc' bael yu'el yat'el ta ajwalil ta bayuc; te lamal q'uinal ma me xlaj sc'oplal. Te yat'el ta ajwalil buen nacal me ya xjil ta jyalel; te yiptajibe ja' me te toj-o'tanil soc te bit'il toj ya xwentainwan c'alal ora yo'tic soc ta sbajt'el q'uinal. Ja' ya spas soc yutsil xc'uxul yo'tan te Cajwaltic te Spisil ya xju' yu'une.

Ester 10:2

Spisil te bitic la spas ta swenta yip yat'el te ajwalile, soc te bit'il la stoyesbey yat'el te Mardoqueo, spisil in to ts'ibubil ta libro te banti la yich' ts'ibuyel te bitic tulan sc'oplal c'ot ta pasel yu'un te muc' ajwaliletic yu'un Media soc Persia.

Éxodo 11:3

Melel te Cajwaltic la yac'bey ta yo'tanic egipcioetic te ayuc sc'oplal ta yo'tanic te israeletique. Te sjo'tac ta ajwalil te faraón, jich c'oemix ta yo'tanic te ay bila bayal ya xju' yu'un te Moisés soc jich me c'oemix ta yo'tanic spisil te egipcioetique.

Salmos 92:13

Ts'unbilic c'oem ta templo yu'un te Cajwaltic; ya xnichinic ta yutil templo yu'un te Dios cu'untique.