Ester 9:22 - Bible in Tzeltal de Oxchuc y Tenejapa

²² Melel ja' sc'aalelal te la smilic te scontroic, soc ja' yuil te bi ora te jelon ta sbujts' yo'tanic te smel-o'tanic soc jelon ta q'uin te yawic swenta xc'uxul te mel-o'tane. Ja' in c'aaletic to ya me yich'ic pasel q'uin soc we'elil soc sbujts' q'uinal yaiyic, soc talel c'axel me ya smajt'antes sbaic a, soc ya me yaq'uic majt'anil yu'un me'baetic, xi' te smandale.

Bible in Tzeltal Bachajón

²² como ha sc'ahc'alel te judiohetic lahmajix q'uinal yu'un te scontratac, como ha yuhil te c'atp'uj ta tse'el-o'tanil te mel-o'tan, te oq'uel c'atp'uj ta yutsil q'uinal. La yal te ya me spasic q'uin soc yutsil me q'uinal ya ya'iyic, soc talel c'axel ya ya'be sbahic smahtanic soc ya ya'beyic smahtanic te pobrehetique.

Ester 9:22 Referans Kwoze

Salmos 30:11

Te oq'uel la ajelbonix ta ajc'ot; la aloq'uesbonix te ch'ixal pac' jlapoj, ja' la awac'bonix jlap te pac' swenta q'uin.

Gálatas 2:10

Ja' nax la yalbotic wocol yu'un te ya me xjul ta co'tantic scoltayel te me'baetique. Ja' nix te toyol co'tan ta spasel spisil orae.

Isaías 14:3

Ja'ex lum Israel, te Cajwaltic ya me yac'beyex acux awo'tanic yu'un te awocolique, te amel-o'tanic soc te tulan abatinel la awich'ic pasbeyele.

Ester 9:19

Pero te yantic judioetic nainemic ta lumetic soc ta ch'in lumetic, te ma'yuc sjoyob ts'ajc'ulique, ya spasic q'uin soc sbujts' yo'tanic ta xchanlajunebal te u Adar, soc talel c'axel la smajt'antes sbaic yu'un.

San Lucas 11:41

Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

San Mateo 5:4

“Bin nax me yutsil te mach'atic ayic ta oq'uel, te melel ya me xmuc'tesbot q'uinal yaiyic yu'un te Diose.

Salmos 103:2

Ya calbey yutsil sc'oplal Cajwaltic ta spisil co'tan; ma ba ya jch'ay ta co'tan te jc'uxtayel yu'une.

Apocalipsis 11:10

Te mach'atic nainemic ta balumilale, ya xbujts'naj yo'tanic ta lec yu'un te lajemic ya yilique, soc ya spasic q'uin yu'un, soc ya yac'bey sbaic smajt'anic yu'un. Melel bayal c'ax swocolic ta swenta te cheb j'alwanejetic yu'un te Diose.

1 Samuel 25:8

Ya xju' ya ajojc'obey te abatetic awu'une, ya me yalic ta jamal te melel te bila ya calbate. Ja' yu'un wocoluc, c'uxtaya te winiquetic te buen ora yacalic ta c'oel ta atojol te yacuc awac'bon soc jtebuc te bitic ay awu'un ta ora in to, melel jichon ta atojol te bit'il anich'ane”, xaex me ya xc'oex —xi' te David.

Ester 9:21

La spas ta mandal te jujun ja'wil ya me spasic q'uin ta xchanlajunebal c'aal soc ta yo'lajunebal c'aal te u Adar.

Ester 9:23

Te judioetic la xch'uunic spasel q'uin swenta jujun ja'wil, jich nix te bit'il albotic yu'un te Mardoqueo.

Deuteronomio 15:7

“Teme ay alumal te ay ta me'bail ta bay jpamuc lum te ya yac'bat awu'unin te Cajwaltic te Dios cu'untique, ma me tulanuc ya awac' aba, ma me xamoch' ta tulan ac'ab ta stojol te alumal te me'ba stuquele.

Deuteronomio 16:14

Binuc nax me awo'tanic ta spasel q'uin ta pajal soc awal-anich'nabic, awabatic, acriadaic, te levitaetic, jyanlumetic, me'ba alaletic soc me'ba antsetic te nainemic ta alumalique.

Deuteronomio 16:15

Te q'uine ja' me ya apasbeyic ta swenta yich'jibal ta muc' te Cajwaltic te Dios cu'untique. Juqueb me c'aal te q'uin ya apasique. Tey me ya apasic a ta yawil te banti tsabil yu'un te Cajwaltique. Melel te Cajwaltic te Dios cu'untique ya me yac'bat bayal bendición ta sit spisil awawal-ats'unub soc ta spisil awat'el, jich me mero bin nax awo'tanic ya x'ainex.

Salmos 30:12

Jich yu'un, Cajwal, Dios cu'un, ma xju' ya xcomon ta c'op ta atojol; ya me jc'ajintayat ta c'ayojetic ta yalel yutsil ac'oplal, soc spisil me ora ya calbat wocol.

Salmos 37:15

Pero ja' ni me ya yich' lowbeyel yo'tanic a te spuñalique, soc ya yich' c'astilayel te st'imalte'ique.

Salmos 149:7

swenta spacol ta stojolic te mach'atic ma ba xch'uunejic Dios, swenta yac'beyel castigo nacionetic,

Zacarías 8:19

—Scomel we'eliletic ta swenta xchanebal u, yo'ebal u, sjuquebal u soc te slajunebal u, ya me xc'atp'uj ta swenta yutsil q'uinal yaiyic, soc ta buen t'ujbil q'uinetic yu'un te patil alnich'anetic yu'un Judá. Ja' me xamulanic jiche te bila smelelil, soc te lamal q'uinal awu'unique —xi' te Cajwaltique.