Ester 9:19 - Bible in Tzeltal de Oxchuc y Tenejapa

¹⁹ Pero te yantic judioetic nainemic ta lumetic soc ta ch'in lumetic, te ma'yuc sjoyob ts'ajc'ulique, ya spasic q'uin soc sbujts' yo'tanic ta xchanlajunebal te u Adar, soc talel c'axel la smajt'antes sbaic yu'un.

Bible in Tzeltal Bachajón

¹⁹ Ha scuentahil te judiohetic te ayic ta tut pueblohetic te mayuc sts'ahcul ya spasic q'uin soc yutsil yo'tanic ta schanlajunebal (14) c'ahc'al ta u Adar, soc talel c'axel ya ya'be sbahic smahtanic.

Ester 9:19 Referans Kwoze

Ester 8:17

Ta spisil ta jpam q'uinal, lumetic, soc te banti c'ot te c'op chapal yu'un te muc' ajwalile, te judioetic tal bayal sbujts' yo'tanic soc sbujts' q'uinal la yaiyic yu'un. La stsob sbaic ta we'el swenta q'uin. Te yajwal te lumq'uinal tsobol la yac' sbaic ta judioil, ta scaj te u'uninotic yu'un xiwel te bit'il la xi'ic te judioetique.

Apocalipsis 11:10

Te mach'atic nainemic ta balumilale, ya xbujts'naj yo'tanic ta lec yu'un te lajemic ya yilique, soc ya spasic q'uin yu'un, soc ya yac'bey sbaic smajt'anic yu'un. Melel bayal c'ax swocolic ta swenta te cheb j'alwanejetic yu'un te Diose.

Ester 9:22

Melel ja' sc'aalelal te la smilic te scontroic, soc ja' yuil te bi ora te jelon ta sbujts' yo'tanic te smel-o'tanic soc jelon ta q'uin te yawic swenta xc'uxul te mel-o'tane. Ja' in c'aaletic to ya me yich'ic pasel q'uin soc we'elil soc sbujts' q'uinal yaiyic, soc talel c'axel me ya smajt'antes sbaic a, soc ya me yaq'uic majt'anil yu'un me'baetic, xi' te smandale.

Deuteronomio 16:14

Binuc nax me awo'tanic ta spasel q'uin ta pajal soc awal-anich'nabic, awabatic, acriadaic, te levitaetic, jyanlumetic, me'ba alaletic soc me'ba antsetic te nainemic ta alumalique.

Deuteronomio 16:11

Ya me apasic q'uin ta stojol te Cajwaltic Dios cu'untique, tey me te banti stsaoj yu'un yawil te sbiile. Soc ja' me ya ajoinic te awal-anich'nabic, awabatic, acriadaic, levitaetic, jyanlumetique, me'ba alaletic soc me'ba antsetic te nainemic ta alumalique.

San Lucas 11:41

Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

Zacarías 2:4

jich albot yu'un: —Baan ta animal, baan albeya te querem yich'oj ch'ajan swenta sp'isjibal: “Te Jerusalén ya xcha'och xan yajwal. Mero bayal me te yajwal soc bayal me xchamsbalam, te ma xju' ya yich' aq'uel sjoyob ts'ajc'ule.

Deuteronomio 3:5

Ta spisilic joybilic ta toyol ts'ajq'uetic, soc macal ta balal taq'uin te muc'ul ochibaletic. Ma ba yich'oj ajtayel stuquel te lumetic te ma'yuc sjoyob ts'ajc'ule.

1 Samuel 25:8

Ya xju' ya ajojc'obey te abatetic awu'une, ya me yalic ta jamal te melel te bila ya calbate. Ja' yu'un wocoluc, c'uxtaya te winiquetic te buen ora yacalic ta c'oel ta atojol te yacuc awac'bon soc jtebuc te bitic ay awu'un ta ora in to, melel jichon ta atojol te bit'il anich'ane”, xaex me ya xc'oex —xi' te David.

Ester 9:20

Te Mardoqueo la sts'ibuy ta jun te bila c'ot ta pasele, soc la sticunbey carta te judioetic nainemic ta pamalpam q'uinal swentainej te muc' ajwalil Asuero, te c'ubul ayic soc te nopol ayique.

Deuteronomio 15:7

“Teme ay alumal te ay ta me'bail ta bay jpamuc lum te ya yac'bat awu'unin te Cajwaltic te Dios cu'untique, ma me tulanuc ya awac' aba, ma me xamoch' ta tulan ac'ab ta stojol te alumal te me'ba stuquele.