Ester 9:15 - Bible in Tzeltal de Oxchuc y Tenejapa

¹⁵ Te judioetic nainemic ta Susa, la xcha'tsob xan sbaic ta xchanlajunebal te c'aal yu'un te u Adar. La smilic xan jo'lajunwinic (300) winiquetic tey a, pero ma ba la spicbeyic te bila ay yu'unique.

Bible in Tzeltal Bachajón

¹⁵ Te judiohetic te ayic ta Susa la stsob xan sbahic ta schanlajunebal (14) c'ahc'al yu'un te u Adar, la smilic ho'lajunwinic (300) ta tuhl winiquetic ta Susa, pero ma ba la yich'beyic te biluquetic yu'unique.

Ester 9:15 Referans Kwoze

Ester 9:10

te ja'ic te lajuntul snich'nab Amán, ja' mero scontro te judioetique. Pero ma ba la spicbeyic te bila ay yu'unique.

Ester 8:11

Te muc' ajwalil la yalbey mandal ta carta te judioetique, te bayuc lumil te banti nainemique, ac'a stsob sbaic ta scoltayel sbaic ta sc'abic te scontroique. Ac'a smilic, ac'a slajinic ta jc'axel, soc ac'a yich'beyic spisil sbiluquic te mach'atic yich'ojic yat'ejibic yu'un guerra, te bayuc lumil o bayuc q'uinal te ya x'ac'botic guerra yu'unique. Ma me ayuc ta ich'el ta wenta antsetic ni alaletic.

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

1 Tesalonicenses 5:22

Ijq'uitayaic me jilel spisil te bila amene.

Ester 9:16

Te judioetic nainemic ta yantic q'uinaletic la stsob sbaic uuc, pero ta yoxlajunebal c'aal yu'un te u Adar, yu'un ya scoltay sbaic soc ya sjinic te bila chapal yu'unic te scontroique. La smilic jo'lajuneb xchanwinic ta jmil (75,000) te scontroique, pero ma ba la spicbeyic stuquel te bila ay yu'unique. Ta xchanlajunebal c'aal a te u la xcux yo'tanic, bin nax yo'tanic la spasic q'uin soc we'elil.

Ester 9:13

La sjac' te Ester: —Teme lec ya awaiye, te ja'at te muc' ajwalilate, ac'a yich'ic aq'uel permiso te judioetic ayic ta Susa te jich ya spasic xan pajel te bit'il yacalic ta spasele, ja' te bila ya yal te mandalil yich'oj ts'ibuyele. Soc ac'a yich'ic jijp'anel ta te' te sbaq'uetalic te snich'nab Amán —xi'.

Ester 9:2

Ta spisil ta jpam q'uinaletic yu'un te muc' ajwalil Asuero, te judioetic la stsob sbaic ta lumetic te banti nainemique, yu'un ja' la yac'beyic guerra te mach'atic chapalic yu'un ya xmilotic yu'un sc'oplale. Pero ma'yuc mach'a ochintayotic yu'un, melel spisil te lumetique u'uninotic yu'un xiwel.

Ester 9:12

jich la yalbey te antsil-ajwalil Ester: —Te judioetic la smiliquix jo'winic xcha'bajc' (500) winiquetic soc te lajuntul snich'nab Amán, ta joyob ts'ajc'ubil centro yu'un te lum Susa. ¿Bitic xan spasojic ta yantic q'uinaletic te ay ta jwentae? Bi xan yan ya ac'an, ya me cac'bat —la yut.

Ester 9:14

Te muc' ajwalil la yal mandal te jich ya yich' pasele. La yich' puquel ta alel smandal ta lum Susa, soc te sbaq'uetalic te snich'nab Amán slajunebalic la yich'ic jijp'anel ta te'.