Ester 9:13 - Bible in Tzeltal de Oxchuc y Tenejapa

¹³ La sjac' te Ester: —Teme lec ya awaiye, te ja'at te muc' ajwalilate, ac'a yich'ic aq'uel permiso te judioetic ayic ta Susa te jich ya spasic xan pajel te bit'il yacalic ta spasele, ja' te bila ya yal te mandalil yich'oj ts'ibuyele. Soc ac'a yich'ic jijp'anel ta te' te sbaq'uetalic te snich'nab Amán —xi'.

Bible in Tzeltal Bachajón

¹³ La sjac' te Ester: Teme lec ya ya'iy te ajwalil, hich ac'a spasic pajel te judiohetic ta Susa te bin ut'il la spasic nax ta scuenta te ley. Soc ac'a yich'ic jihpanel ta te' te sbaq'uetalic te lajuntuhl snich'nab Amán, xchi.

Ester 9:13 Referans Kwoze

Ester 8:11

Te muc' ajwalil la yalbey mandal ta carta te judioetique, te bayuc lumil te banti nainemique, ac'a stsob sbaic ta scoltayel sbaic ta sc'abic te scontroique. Ac'a smilic, ac'a slajinic ta jc'axel, soc ac'a yich'beyic spisil sbiluquic te mach'atic yich'ojic yat'ejibic yu'un guerra, te bayuc lumil o bayuc q'uinal te ya x'ac'botic guerra yu'unique. Ma me ayuc ta ich'el ta wenta antsetic ni alaletic.

Deuteronomio 21:23

ma me xju' ya xjil ta sjunal ajc'ubal tey a, puersa me ya yich' muquel ta yorail nix te bi c'aalil te la yich' milele. Melel mero boloben sc'oplal yu'un Dios te mach'a jip'il ta muc'ul te'e. Ma me xju' ya awac' te ma lecuc sc'oplal ya xc'ot te lumq'uinal ya yac'beyex awu'uninic te Cajwaltic te Dios cu'untique.

Gálatas 3:13

Ja'uc me to, te Cristoe la yac'otic ta libre te bit'il ayotic ta ch'ayel yu'un te mandalile. Ja' la jelolintic ta ch'ayel. Melel jich ts'ibubil ta Sjun te Diose: “Ch'ayel bajt'ix te mach'a a te ya yich' jojc'anel ta te'”, te xie.

Ester 9:15

Te judioetic nainemic ta Susa, la xcha'tsob xan sbaic ta xchanlajunebal te c'aal yu'un te u Adar. La smilic xan jo'lajunwinic (300) winiquetic tey a, pero ma ba la spicbeyic te bila ay yu'unique.

2 Samuel 21:9

La yac'bey ta sc'abic te gabaonetique. C'o sjijp'anic ta wits ta stojol Cajwaltic, jich pajal lajic sjuquebalic ta xjajch'ibal sc'aalelal ta stsobel cebada.

2 Samuel 21:6

ja' ya jc'antic juctul te patil alnich'an yu'une, swenta yu'un ya jijpanbeytic sbaq'uetalic ta stojol Cajwaltic ta lum Gabaa-yu'un-Saúl te tsabil yu'un Cajwaltique —xiic. —Jichuc, lec ay —xi' te muc' ajwalile. Jich la yac' ta c'abal.

Ester 9:14

Te muc' ajwalil la yal mandal te jich ya yich' pasele. La yich' puquel ta alel smandal ta lum Susa, soc te sbaq'uetalic te snich'nab Amán slajunebalic la yich'ic jijp'anel ta te'.