Ester 8:8 - Bible in Tzeltal de Oxchuc y Tenejapa

⁸ Yo'tic, ya cac'beyex permiso swenta yu'un ya apasic cartaetic ta swenta jbiil jo'on. Ya xju' ya ats'ibuyic ta jun te bila ya amulanic te yutsil-slequil ya xc'ot ya awaiyic a te judioetique. Ac'beyaic sello te cartaetic, ja' xatuuntesic te sello cu'un te muc' ajwalilone —xi'. (Te jun carta yich'oj pasel ta swenta te muc' ajwalile, soc teme ja' nix yich'oj te sello yu'une, mero ma xju' ta lajinel sc'oplal.)

Bible in Tzeltal Bachajón

⁸ Ts'ihbayahic hiche ta stojol te judiohetic ta scuenta sbihil te ajwalil te bin lec yac awa'iyic, soc a'beyahic sellohin ta sch'ocow te ajwalil, xchi. (Como te mandaril te ts'ihbabil ta scuenta sbihil ajwalil soc te yich'oj sellohil ta sch'ocow te ajwalil, ma xhu' ta lajimbeyel sc'oblal.)

Ester 8:8 Referans Kwoze

Ester 1:19

Ja' yu'un, teme lec ya awaiye, te ja'at te muc' ajwalilate, ac'a me ta puquel ta alel te mandalil in to, soc ac'a yich' aq'uel ochel ta sjunal leyetic yu'un persiaetic soc mediaetic, swenta yu'un jich ma xju' ya yich' c'axintayel a, ja' in to: “Te antsil-ajwalil Vasti ma'yuquix bi ora ya xju' ya stejc'an sba ta stojol muc' ajwalil”, xi' me. Te bit'il yich'oj aq'uel yat'el ta antsil-ajwalil, ya me yich' pojel, swenta yu'un ya me yich' aq'uel yan ants te mero snujp' stuquele.

Ester 3:12

Ta yoxlajunebal c'aal a te u swenta xjajch'ibal te ja'wile, la yich'ic iq'uel te secretarioetic yu'un muc' ajwalil. Ja'ic la sts'ibuyic te smandal te Amán, ja' te la sticunbey ta stojolic te ajwaliletic ta juju-jpam q'uinal soc te mach'atic yich'oj yat'elic ta jujun nación swentainej te muc' ajwalile. Te mandaliletic in to la yich' ts'ibuyel ta sletraic nix, soc ta sc'opic nix te juju-jpam q'uinal soc te jujun lume. La yich' pasel ta swenta te muc' ajwalil Asuero, soc la yich' te sello yu'un te muc' ajwalile.

Daniel 6:8

Ja' yu'un ya jc'antic te ya awac'bey xan yip te bila chapal cu'untic, soc ya awac' afirma, swenta yu'un ma me xju' ta jinel, jich te bit'il ya yal te ley yu'un te medoetic soc te persaetic, te ma xju' ta yantesele —xiic.

Ester 8:5

jich la yal: —Teme lec ya awaiy te bila ya cal ta atojol te ja'at te muc' ajwalilate, soc teme stojil ya awaiy te bila ya jc'ane, soc teme mero melel te ac'anojone, te lecon ta asite, soc teme lecon ta awo'tan te ja'at te muc' ajwalilate, ac'a yich' ts'ibuyel jun te banti ya yich' aq'uel mandal te ya xlaj sc'oplal te bila la yal ta carta te Amán, ja' te banti la yal mandal te ya yich'ic lajinel ta jc'axel te judioetic ayic ta juju-jpam q'uinal te bay c'alal awu'uninej ta mandalteswaneje.

1 Reyes 21:8

Te ants ora och ta spasel cartaetic ta swenta Acab, la yac'bey te sello yu'un te muc' ajwalile. Ora la sticunbey te mamaletic te yich'oj yat'elic soc te jwentainwanejetic, te tey nix nainemic ta slumal Nabot.

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

Ester 8:10

Te cartaetic ja' la yich' pasel ta swenta te muc' ajwalil Asuero, soc ac'bot yich' te sello yu'une. Jich la yich' ticunel ta correoetic te moemic ta caballoetic te mero ya x'animajique, te ja' nix te caballoetic yu'un te muc' ajwalile.