Ester 8:17 - Bible in Tzeltal de Oxchuc y Tenejapa

¹⁷ Ta spisil ta jpam q'uinal, lumetic, soc te banti c'ot te c'op chapal yu'un te muc' ajwalile, te judioetic tal bayal sbujts' yo'tanic soc sbujts' q'uinal la yaiyic yu'un. La stsob sbaic ta we'el swenta q'uin. Te yajwal te lumq'uinal tsobol la yac' sbaic ta judioil, ta scaj te u'uninotic yu'un xiwel te bit'il la xi'ic te judioetique.

Bible in Tzeltal Bachajón

¹⁷ Ta jujusehp q'uinal soc ta jujun pueblo te banti c'oht te smandar ajwalil, te judiohetic bayel yutsil q'uinal soc tse'el yo'tanic yu'un, ay q'uin soc ha yorahil spasel te bin mulantic sba yu'unic. Bayelic ta yantic pueblohetic ta q'uinal la scuy sbahic ta judiohil, como la xi'ic te judiohetique.

Ester 8:17 Referans Kwoze

Ester 9:19

Pero te yantic judioetic nainemic ta lumetic soc ta ch'in lumetic, te ma'yuc sjoyob ts'ajc'ulique, ya spasic q'uin soc sbujts' yo'tanic ta xchanlajunebal te u Adar, soc talel c'axel la smajt'antes sbaic yu'un.

Salmos 18:43

La acoltayon loq'uel ta c'opetic yu'un te toyba lume, la awac'on ta jwentainwanej yu'un bayal ta jchajp nación; ya yac' sbaic ta abatinel ta jtojol te mach'atic te ma jna'bey sbae.

1 Samuel 25:8

Ya xju' ya ajojc'obey te abatetic awu'une, ya me yalic ta jamal te melel te bila ya calbate. Ja' yu'un wocoluc, c'uxtaya te winiquetic te buen ora yacalic ta c'oel ta atojol te yacuc awac'bon soc jtebuc te bitic ay awu'un ta ora in to, melel jichon ta atojol te bit'il anich'ane”, xaex me ya xc'oex —xi' te David.

Deuteronomio 11:25

Ma me ayuc mach'a ya stsalex. Ja' me te Cajwaltic Dios cu'untic te ya yac' c'otuc ta pasel, te ya sticunbey buen tulan xiwtesel ta stojolic te mero xiweltic sba te banti ya xc'axexe, jich nix te bit'il yalojbeyexe.

Ester 9:27

te judioetic la stsaquic te costumbre yu'unique, soc la stsaquic jilel uuc te patil alnich'anetic yu'unique, soc te mach'atic ochic ta judioile: ja' costumbre yu'unic te ya spasic q'uin ta jujun ja'wil, ma'yuc ya spas falta, ay me q'uin yu'un ta xchebal te c'aale, jich nix te bit'il albil sc'oplale, soc jich nix te bit'il chapale.

Ester 9:22

Melel ja' sc'aalelal te la smilic te scontroic, soc ja' yuil te bi ora te jelon ta sbujts' yo'tanic te smel-o'tanic soc jelon ta q'uin te yawic swenta xc'uxul te mel-o'tane. Ja' in c'aaletic to ya me yich'ic pasel q'uin soc we'elil soc sbujts' q'uinal yaiyic, soc talel c'axel me ya smajt'antes sbaic a, soc ya me yaq'uic majt'anil yu'un me'baetic, xi' te smandale.

Ester 9:2

Ta spisil ta jpam q'uinaletic yu'un te muc' ajwalil Asuero, te judioetic la stsob sbaic ta lumetic te banti nainemique, yu'un ja' la yac'beyic guerra te mach'atic chapalic yu'un ya xmilotic yu'un sc'oplale. Pero ma'yuc mach'a ochintayotic yu'un, melel spisil te lumetique u'uninotic yu'un xiwel.

Deuteronomio 2:25

Ta ora bael in to ya me cac' xiwuc yo'tanic ta atojolic te yajwal lumetic ta spamal balumilale. C'alal ya xchicnaj ta alel ac'oplalic ya yaiyique, ya me xjajch'ic ta nijq'uel yu'un xiwel, ya me x'u'uninbot yo'tanic yu'un mel-o'tan”, xi'.

Éxodo 15:16

Ja'at Cajwal, ac'a xiwuquic, ayuc nijq'uel ta yo'tanic, jichuc me ma stij sbaic bit'il tonetic ta scaj yip te ac'abe, ja' to me c'alal c'axiquix te lum awu'une, ja' te lum la awu'uninixe.

Génesis 35:5

Jajch'ic ta beel. Te jaychajp lum ta banti ayique, ma ba nutsotic yu'un, melel ac'bot xiwel ta yo'tanic yu'un Dios, jich ma ba nutsotic.

Nehemías 8:10

Soc jich la yalbey te Esdrase: —Baanic ta swe'el te bila mero bujts'anic ta we'ele, uch'aic chi'il vino, soc ticunbeya swe'el uuc te mach'atic ma'yuc bila xchajbanejic yu'un ya swe'ique. Melel in c'aal to q'uin ta stojol te Cajwaltique. Ma me xamel awo'tanic ta stojol, melel te yutsil q'uinal ya caiytic yu'un te Cajwaltique, ja' quiptic stuquel —la yut.

Josué 2:9

—Ya jna' te ja' ya yac'beyex in q'uinal to te Awajwal te Dios awu'unique, melel bayal yac'ojbotiquix xiwel. Spisil te yajwal lum lajemiquix ya yaiyic yu'un xiwel ta acajic te ja'exe.

Josué 2:11

Ja' bayal xiwotic yu'un te c'alal la caiytic stojole, melel ma'yuc mach'a ya xju' spajaltayex. Melel cajal nix stuquel a te Awajwal te Dios awu'unique, te ja' Dios yu'un ch'ulchan soc Dios tey ta balumilal.

Ester 9:3

Ta spisil te mach'atic yich'oj yat'elic ta juju-jpam q'uinal, ja' te ajwaliletic ta juju-jpam q'uinal soc ta juju-jpam lum, soc spisilic te mach'atic yich'oj tulan yat'elic yu'un te mandalteswaneje, ta spisilic ja' la yac' sbaic soc te judioetic, ta scaj te ja' la xi'ic te Mardoqueo.

Salmos 105:38

Bin nax yo'tanic yu'un te egipcioetic te loq'uic bael te israeletique, melel bayal yacalic ta xi'el.