Ester 8:14 - Bible in Tzeltal de Oxchuc y Tenejapa

¹⁴ La yal mandal te muc' ajwalil te ora ya xbajt'ic te correoetique. Jich bajt'ic ta ora, ja' moic bael a te caballoetic yu'un te muc' ajwalile. Soc la yich' puquel ta alel ta sjoyob ts'ajc'ubil centro yu'un te lum Susa te mandal la yich' chajbanele.

Bible in Tzeltal Bachajón

¹⁴ Te winiquetic te mohemic ta cawuhetic te mero ya xbehenic, ora loq'uic bahel ta scuenta smandar te ajwalil; soc la yich' puhquel te mandar ta Susa te capital.

Ester 8:14 Referans Kwoze

Daniel 8:2

Te c'alal ay bila yacon ta yilel la caiy ae, ayon ta lum Susa ta jsejp sq'uinal Elam, ta sti'il muc'ja' Ulai la caiy.

Ester 3:15

Te correoetic ora nax bajt'ic ta ticunel yu'un te muc' ajwalil, soc la yich' puquel ta alel ta joyob ts'ajc'ubil centro yu'un te lum Susa. Jich te muc' ajwalil soc te Amán jun yo'tan nacajtic ta uch'bajel, pero ta Susa jajch' ta woclajel te yo'tanique.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Ester 2:3

Ac'a yich' tsael abatetic ta juju-jpam q'uinal te swentainej te muc' ajwalile, ac'a sleic ach'ixetic ta banti ayique, swenta yu'un ya me x'och ta swentaic yiq'uel tel te ach'ixetique. Ya me xjul yaq'uic ta spisilic ta sna antsetic yu'un te muc' ajwalil te ay ta joyob ts'ajc'ubil centro yu'un te lum Susa, ac'a ochuc ta swenta scanantayel te Hegai, ja' te winic te jun yo'tan ta stojol te muc' ajwalil, soc te ay ta swenta scanantayel te antsetic yu'une. Te Hegai ac'a yac'bey te bitic ya xchajban st'ujbilalic ta lec a te ach'ixetique.

Ester 1:2

Soc tey ta lum Susa, ta joyob ts'ajc'ubil centro yu'un, la yac' smuc'ul nactijib te muc' ajwalile.

Nehemías 1:1

Ja' sc'oplal Nehemías in to te snich'an Hacalías. Ayix jtab ja'wil yat'el ta muc' ajwalil a te Artajerjes, ta u te Quisleu sbiile, te jo'on te Nehemias, ayon ta joyob ts'ajc'ubil centro yu'un te lum Susa a

1 Samuel 21:8

Te David jich la yalbey te sacerdote Ahimelec: —¿Ay bal li' ay awu'un lanza, o puñal? Melel ta scaj te tulan sc'oplal te smandal te muc' ajwalile, ora nax loc'on tel. Jich ma ba ju'ix te la jtam tel te puñal cu'une, soc ni ja'uc te yantic at'ejibaletic cu'un yu'un guerra —xi'.

1 Reyes 4:28

Te jujun u ya xc'ot ta swentaique, ya sticunic sit cebada soc te staquin acul te ya swe' te caballoetic soc te yantic caballoetic te ya snitic carretaetic, chican te banti ya x'albotique.

2 Crónicas 30:6

Jich loq'uic bael ta spamal sq'uinal Israel soc Judá ta spuquel cartaetic yu'un te muc' ajwalil soc te sjo'tac ta ajwalile, jich la yal bael: “Israeletic, sujt'anic tel ta stojol te Cajwaltic, te Dios yu'un Abraham, Isaac soc Israel; jich me ya sujt' tel ta atojolic uuc te mach'aex te colemex xan jilel ta sc'abic te muc' ajwaliletic yu'un Asiria.

Ester 3:13

Ora la yich' puquel bael ta correo ta stojolic te juju-jsejp q'uinaletic yu'un te ajwalile. Te june tey ya yal a te mandal te jc'axel ya yich'ic lajinel te judioetic, ta jun nax c'aal ya xlaj ta spisilic te judioetique, me'eletic, mamaletic, queremetic, ach'ixetic, alaletic soc ta spisil antsetic; soc ya me yich'beyic spisil te biluc yu'unique. Te bila c'aalil yich'oj chapel ya xc'ot ta pasele, ja' ta yoxlajunebal te slajchayebal u, o ja' te u Adar.

Ester 3:14

Te scopiaul te mandal in to, la yich' puquel ta alel, jich bit'il jun ley te la yich' aq'uel sna'ic ta spisil ta jpam q'uinal soc ta spisil lumetic, swenta yu'un ya me xchajban sbaic a te c'alal ya xc'ot sc'aalelal.

Ester 8:13

Jun cópia yu'un te mandal la yich' puquel ta alel swenta jun ley te ya yich' aq'uel ta na'el ta lumetic soc ta pamalpam q'uinaletic, swenta yu'un ya me xchajban sbaic te judioetic ta c'aal in to, yu'un jich me ya xju' yu'unic a te ya sutbeyic spacol ta stojolic te scontrotaque.

Ester 8:15

Te Mardoqueo loc' jajch'el ta spalacio te muc' ajwalil, slapoj najt'il c'u'il te ay syaxal soc te ay saquil swenta sc'u' muc' ajwalil, soc jun muc'ul corona pasbil ta oro soc jun smeyil pac' pasbil ta lino soc púrpura. Spisil te yajwal te lum Susa jajch'ic ta aw swenta sbujts' q'uinal la yaiyic.