Ester 8:11 - Bible in Tzeltal de Oxchuc y Tenejapa

¹¹ Te muc' ajwalil la yalbey mandal ta carta te judioetique, te bayuc lumil te banti nainemique, ac'a stsob sbaic ta scoltayel sbaic ta sc'abic te scontroique. Ac'a smilic, ac'a slajinic ta jc'axel, soc ac'a yich'beyic spisil sbiluquic te mach'atic yich'ojic yat'ejibic yu'un guerra, te bayuc lumil o bayuc q'uinal te ya x'ac'botic guerra yu'unique. Ma me ayuc ta ich'el ta wenta antsetic ni alaletic.

Bible in Tzeltal Bachajón

¹¹ Ta cartahetic la yal te ajwalil te ya xhu' ya stsob sbahic te judiohetic ta spisil pueblohetic ta scoltayel scuxlejalic; te ya sjinic, ya smilic soc jc'axel ya slajinic spisil mach'atic ay ya'tejibic yu'un guerra ta pueblo o jsehp q'uinal te ya xtal scontrahinic, soc ya smilic te alaletic soc antsetic yu'unic soc ya spojbeyic te biluquetic yu'unique.

Ester 8:11 Referans Kwoze

Ester 3:13

Ora la yich' puquel bael ta correo ta stojolic te juju-jsejp q'uinaletic yu'un te ajwalile. Te june tey ya yal a te mandal te jc'axel ya yich'ic lajinel te judioetic, ta jun nax c'aal ya xlaj ta spisilic te judioetique, me'eletic, mamaletic, queremetic, ach'ixetic, alaletic soc ta spisil antsetic; soc ya me yich'beyic spisil te biluc yu'unique. Te bila c'aalil yich'oj chapel ya xc'ot ta pasele, ja' ta yoxlajunebal te slajchayebal u, o ja' te u Adar.

Ezequiel 39:10

Ma me puersauc ya xloq'uic bael ta ja'maltic ta sleel si'ic, soc ma puersauc ya xba xot'ic tel ta te'tiquil, melel spisil te at'ejibaletic yu'un guerra ja' me ya xtuun yu'unic ta si'. Jich me ya yich'bey sbiluc a, te mach'atic ich'bot sbiluquic yu'un ta nameye; ya spojbey sbiluc te mach'atic pojbot sbiluquic yu'un ta nameye. Jo'on Ajwalilon, te jich caloje.

Salmos 137:8

Ja'at Babilonia, jc'axel me ya awich' jinel; bin nax me yutsil te mach'a jich nix ya yac'bat atoj te bitic la apasbotique.

Salmos 68:3

Pero te mach'atic leque bin nax me yo'tanic; bayal me yutsil yo'tanic ta stojol Dios, ya xwilic yu'un yutsil q'uinal yaiyic ta stojol Dios stuquelic.

Isaías 10:6

Ya calbey mandal ta ac'beyel guerra te bol lume, te lum te ma tojuc yo'tan ta jtojol, ja' te nación te ya sjajch'esbon quilimba, swenta yu'un ya me spech'ic ta teq'uel jichuc ajch'al ta calle.

Ester 9:18

Melel ta yoxlajunebal ajtal soc ta xchanlajunebal la stsob sbaic stuquelic te judioetic ayic ta Susa, la xcux yo'tanic ta yo'lajunebal ajtal stuquelic, ja' nix jichic uuc bin nax yo'tanic la spasic q'uin swenta we'el.