Ester 7:7 - Bible in Tzeltal de Oxchuc y Tenejapa

⁷ Te Asuero mero bayal ilinem yo'tan a jajch' bael. La yijq'uitay jilel te yut na te banti yacal ta we'el swenta te q'uine, loc' bael ta nichimaltic te bay sti' spalacio. Pero te Amán la sna' te ayix ta yo'tan te muc' ajwalil te ya x'ac'ot ta lajel yu'une, ja' yu'un jil ta yutil na, yac ta yalel wocol ta stojol te antsil-ajwalil Ester te manchuc ya x'ac'ot ta lajele.

Bible in Tzeltal Bachajón

⁷ Hahch te ajwalil ta banti yaquic ta we'el, bayel ilinem a loc' bahel ta ts'umbil nichimetic ta sna ajwalil. Pero hil te Amán yu'un yalbeyel wocol yu'un scuxlejal ta stojol te ajwalil-ants Ester, como la yil te bin chopol ya xpasbot yu'un te ajwalil.

Ester 7:7 Referans Kwoze

Proverbios 19:12

Te yilimba te muc' ajwalil, jich bit'il yaw león-choj te ya xiwotic yu'une; yan te yutsil yo'tane, jich te bit'il ts'ujul ta aquiltique.

Ester 1:12

Pero te yiname, ma ba la sc'an xch'uunbey smandal te muc' ajwalil c'ot ta alel yu'un te winiquetique. Te muc' ajwalil bayal ilin yo'tan yu'un, mero bayal slab yo'tan yu'un.

Apocalipsis 3:9

Jich me ya cac' te ya xtal squejan sbaic ta atojol te mach'atic nainem ta yo'tanic te Satanase soc te mach'atic scuyoj sbaic ta judioe, ja'uc me to, ma ja'uquic, ja' nax jpas-lotetic. Jo'on me ya cac' taluc te ya squejan sbaic ta atojol, jich me ya sna'ic te bit'il c'uxat ta co'tane.

Daniel 3:19

Te c'alal la yaiy te Nabucodonosor te bila la yalique, tsajub yelaw yu'un slab yo'tan ta stojol te oxeb queremetique. Ja' yu'un la yal xan tulan mandal te ya yich' xan toyesel juqueb buelta yip te c'ajc' ta hornoe.

Isaías 60:14

Te snich'nab te mach'atic la stenex ta uts'inele, ya me xtalic ta bic'tajel ta atojol; soc spisil mach'atic la yilayat ta yo'tanic, ya me xtal squejan sbaic ta awacan. Ya me yalbeyex: “Lum yu'un te Cajwaltique”, xi' me ac'oplal, soc: “Sión yu'un te Ch'ul Dios yu'un Israel”, xiic me.

Proverbios 14:19

Te mach'atic amen yo'tanic, ya me stinan sbaic ta stojol te mach'atic lec yo'tanique; te mach'atic ma lecuc yo'tanique, ya xba yalbeyic wocol ta sna te mach'atic toj yo'tanique.

Salmos 112:10

Te mach'a amen yo'tan ya xc'ajc'ub yo'tan ta yilel; ya xc'ux ye, yu'un ma'yuc bi ya xju' yu'un. Te mach'atic amen yo'tanic ya xch'ayic soc te sbic'tal yo'tanique.

1 Samuel 25:17

Pero te amamlale jc'axel amen yo'tan, ja' yu'un ma sc'an yaiy stojol te bila ya calbeytique. Yo'tic nopa awaiy, ila awil teme ay bi ya xju' awu'un spasele, melel ora in to puersa ay bi amen ya xc'ot ta pasel ta swenta te cajwal soc spisil mach'atic ay yu'un —xi' c'oel.

1 Samuel 20:9

Pero la sjac' te Jonatán: —Ma me jichuc xawal. Teme ay la caiy te yac ta xchapel te ay bi amen ya spasbat te jtate, jo'on ni me ya calbat ta ora —xi'.

1 Samuel 20:7

“Lec ay jiche”, teme xie, tic' me ya jna' a te lec yo'tan cu'une, tey me ya senaj co'tan a. Pero teme toj ilinel yu'une, tic' me ya ana' a te yu'un xchapoj te ay bi amen ya spasbone.

Ester 1:5

C'alal c'ax te q'uine, te muc' ajwalil la spas xan juqueb c'aal q'uin. Tey la spas ta banti nichimaltic te ay ta yamaq'uil te spalacioe. Spisil la yich'ic iq'uel te mach'atic nainemic ta joyob ts'ajc'ubil centro yu'un te lum Susa, ja' te mach'atic bayal ich'bilic ta muq'ue, soc nix te mach'atic jteb nax ich'bilic ta muq'ue, c'ot spisilic.

Ester 7:10

Ja' yu'un te Amán, tey jijp'anot ta te' te la xchajban yu'un ja' c'an sjijp'an a te Mardoqueo. Tey lamaj a te slab yo'tan te muc' ajwalile.

Proverbios 14:35

Te abat ya sna' at'el, ya xc'uxtayot yu'un te muc' ajwalile; yan te mach'a ma sna' at'ele, ja' nax stojol ya xc'ot te ilintayel yu'une.

Proverbios 16:14

Te yilimba muc' ajwalil, ja' ya yalbey sc'oplal te lajele; pero te mach'a ay sp'ijile, ja' ya yac' puersa ta slamantesbeyel yo'tan.