Ester 7:6 - Bible in Tzeltal de Oxchuc y Tenejapa

⁶ —¡Te jcontrotique, te jlajinwanej cu'untique, ja' te bol-o'tan Amán in to! —xi' te Ester. C'alal la yaiy te Amán, nijc' yu'un xiwel ta stojol te muc' ajwalil, soc ta stojol uuc te antsil-ajwalile.

Bible in Tzeltal Bachajón

⁶ ¡Te jcontra soc te jlajinwanej ha te chopol Amán ini! xchi te Ester. Ha yu'un te Amán bayel xiw ta stojol te ajwalil soc te ajwalil-ants.

Ester 7:6 Referans Kwoze

2 Tesalonicenses 2:8

Teme ya yich' loq'uesele, ya me xchicnaj te mach'a mero jmulawil winique. Te Cajwaltic Jesuse ta sjab nax ye ya smil. Tic' ya sjinbey yu'el a te bit'il ya xchicnaj tel soc yip yu'el te Cajwaltique.

Proverbios 16:14

Te yilimba muc' ajwalil, ja' ya yalbey sc'oplal te lajele; pero te mach'a ay sp'ijile, ja' ya yac' puersa ta slamantesbeyel yo'tan.

Salmos 27:2

Te mach'atic amen yo'tanic, soc te jcontrotaque, ya stsob sbaic tel yu'un ya smilonic; ja'uc me to, ja'ic nix la sc'ojch'in sbaic, jich ya xyalic.

Ester 3:10

Jich te muc' ajwalil la sloq'ues ta sc'ab te xch'ocow swenta sello, la yac'bey te Amán, te scontro te judioetique.

Nehemías 6:16

Te jcontrotique la yaiyic te ju'ixe. Spisilic te lumetic ayic ta sjoyobal te jq'uinaltique, bayal xiw yo'tanic yu'un. Pejc'aj te stoybailique, melel c'ot ta yo'tanic te ja' ta swenta bit'il ja' la scoltayotic te Dios cu'untic te ju' ta pasel cu'untic te at'ele.

1 Samuel 24:13

Ay jun antiguo c'op te jich ya yal: “Ta yo'tan mach'atic amenic ya xloc' tel te bi amene”, te xie. Ja' yu'un te jo'on ma'yuc bi ora ya xyal jc'ab ta atojol.

Isaías 21:4

Soquemix q'uinal ya caiy yu'un, ya xnijc'on yu'un te xiwele. Te siquet nax q'uinal ta malc'aalile bayal la jmulan; ja'uc me to, ja' c'atp'ujix ta jtojol te bila xiweltic sbae.

Eclesiastés 5:8

Ma me jchajbuc q'uinal ya awaiy yu'un, teme ay ya awil ta yantic lum te banti yacalic ta uts'inel te me'baetique, soc te ya yixlanic ta pasel te bi stojil ay ta stojolique. Melel ay me yan mach'a cajal yu'un te mach'a toyole, in te mach'a toyole ay to xan mach'a cajal yu'un a, pero ta xchebalic ay to xan yan mach'a mero toyol xan yu'unic a.

Ester 7:5

Te Asuero la sjojc'o: —¿Mach'a a, soc banti ay te mach'a xchapoj ya spas in to? —xi'.

Ester 8:1

Ja' nix ta yorail a, te muc' ajwalil Asuero la sq'uebanbey te antsil-ajwalil Ester te sna Amán te scontro te judioetique. Te Mardoqueo ac'bot stejc'an sba ta stojol te muc' ajwalile, melel neel to yalojbey te Ester te snich'an stajun te Mardoqueo.