Ester 7:10 - Bible in Tzeltal de Oxchuc y Tenejapa

¹⁰ Ja' yu'un te Amán, tey jijp'anot ta te' te la xchajban yu'un ja' c'an sjijp'an a te Mardoqueo. Tey lamaj a te slab yo'tan te muc' ajwalile.

Bible in Tzeltal Bachajón

¹⁰ Hich la sjihpanic te Amán ta ts'apbil te' te ha nix la schahpan te ha yu'un sc'oblal te Mardoqueo. Hich lahmaj yilimba te ajwalil.

Ester 7:10 Referans Kwoze

Salmos 7:16

Te smule soc te slab yo'tane ya me sujt' ta swenta.

Daniel 6:24

Ja' nix ta yorail a, te muc' ajwalil la sticun ta iq'uel te winiquetic la slebeyic smul te Daniel. Te winiquetic, ta spisil soc yinamic soc yal-snich'nabic, la yich'ic ch'ojel ochel ta xch'en león-chojetic. Ma to ba staojic c'oel a, wilic tel ta stojolic te león-chojetique, jich ti'otic ta ora yu'un.

Ezequiel 5:13

Ya me jt'omes bael ta atojolic te sc'ajc'al co'tane. Ya me cac' te ya xc'ot spisil tey a te quilimba, tic' me ya yaiyic. Teme la cac' bael ta stojolic te quilimbae, ya me sna'ic te jo'on Ajwalilon te ma smulan co'tan te q'uejel ayix te yo'tanique.

Jueces 15:7

Jich la yal yu'un te Sansón: —Ja' yu'un la quilix te bit'il ay te awat'elique, ya me cal ta jamal te ma ba jcom jba ja' to teme la quich'bey spacol ta atojolique —xi'.

Zacarías 6:8

Ta patil la yawtayon te ch'ul abate, jich la yalbon: —¡Ila awil, te caballoetic te bajt'ic ta lumq'uinal ta stojol norte, ya xba slamantesbey te yilimba Cajwaltic tey ta lumq'uinale! —xi'.

Ester 2:1

Te muc' ajwalil Asuero, c'alal c'axix jtebuc c'aal a, soc c'alal lamalix q'uinal la yaiy a, la sna' te Vasti soc te bi la spase, soc te bila mandalil la yich'ix pasel ta stojol ta swenta controinel.

Génesis 40:22

Yan te mach'a yat'elinej jpas-we'elile, la sticun ta lowel moel ta ni' te' jich nix bit'il albot yu'un José.

Ester 5:14

Jich te yinam soc ta spisil te yamigotac jich albot yu'un: —Ticuna ta pasel junuc te', te ay cheb xcha'winic (22) metro snajt'ile. Pajel ta sab ya ac'anbey te muc' ajwalil te ya yich' jijp'anel moel a te Mardoqueo. Jich me jun awo'tan ya xbaat ta we'el swenta q'uin soc a te muc' ajwalil —xiic. Te c'op in to la smulan te Amán, jich la sticun ta pasel te te'e.

Ester 7:7

Te Asuero mero bayal ilinem yo'tan a jajch' bael. La yijq'uitay jilel te yut na te banti yacal ta we'el swenta te q'uine, loc' bael ta nichimaltic te bay sti' spalacio. Pero te Amán la sna' te ayix ta yo'tan te muc' ajwalil te ya x'ac'ot ta lajel yu'une, ja' yu'un jil ta yutil na, yac ta yalel wocol ta stojol te antsil-ajwalil Ester te manchuc ya x'ac'ot ta lajele.

Ester 7:8

Te c'alal sujt' tel ta nichimaltic te muc' ajwalile, och bael ta yut na ta banti yacalic ta we'el swenta te q'uine, la yil te Amán, quejel ta stojol te Ester ta banti metsele. Jich la yal: —¡A! ¿Yu'un bal ya ac'an ya awuts'inbon ta jsit te antsil-ajwalil li' ta jna jiche? —xi'. Te bi ora jich la yal te muc' ajwalile, te jcananetic yu'un la smacbeyic sit te Amán. Te jtul yabat te ajwalil te Harbona sbiile, jich la yal: —Ta sna te Amán ay chapalix jun te', ay wan cheb xcha'winic (22) metro snajt'il, te ja' nix te Amán la yac' ta pasel yu'un ya yac' ta jijp'anel sc'oplal a te Mardoqueo, ja' te winic te mero lec bila la spas ta atojol te ja'at te muc' ajwalilate —xi'. —Jijp'anaic tey a jiche —xi' smandal te muc' ajwalile.

Salmos 94:23

Te Cajwal ya me sjin ta jc'axel te mach'atic amenic ta scaj te ma lecuc te bitic ya spasique; te Dios cu'un ya me sjin ta jc'axel.

Proverbios 11:27

Te mach'a ya yac' puersa ta spasel te bila leque, lec ya x'ilot; yan te mach'a ma xyac' puersa ta spasel te bila leque, ma lecuc ya xc'ot ta loq'uel stuquel.

Proverbios 26:27

Te mach'a ya sjoc' muquenal, ja' ni me ya xch'ay coel a; te mach'a ya stij te ton, ja' ni me ya xnet'ot yu'un.

Jeremías 34:17

Ja' yu'un yo'tic, jo'on Ajwalilon ya cal: Ja'ex ma la ach'uunbonic jc'op, ma la awaq'uic ta libre te alumalic te ayic ta mosoile. Ta ora yo'tic, ja' ya caq'uex ta libre te ja' ya x'at'ej ta atojolic te guerra, chamel soc wi'nal, swenta yu'un ya me spas ta atojolic bila te ya xjajch' ta nijq'uel yo'tanic yu'un spisilic te mach'atic ya xmandalajic ta balumilal. Jo'on Ajwalilon, jich ya cal.

Ester 8:7

Te muc' ajwalil Asuero, la sutbey te sc'op te antsil-ajwalil Ester, soc te Mardoqueo te judio-winique, jich la yal: —Te jo'one la cac'beyix Ester te sna Amán, melel la yich'ix jijp'anel ta te' ta scaj te ya sc'an yac' ta lajel te judioetique.

Ester 9:14

Te muc' ajwalil la yal mandal te jich ya yich' pasele. La yich' puquel ta alel smandal ta lum Susa, soc te sbaq'uetalic te snich'nab Amán slajunebalic la yich'ic jijp'anel ta te'.

Ester 9:25

Pero c'alal c'ot ta stojol muc' ajwalil te Ester, te muc' ajwalil la yal mandal ta jun te spisil te bila chapal yu'un te Amán ta swenta swocol te judioetic, ja' nix ac'a sujt'uc ta stojol stuquel. Jich nix c'ot a. Te Amán soc te snich'nabe la yich'iquix jijp'anel ta te'.

Job 18:8

Ya me sjal jilel syac ta banti ya xc'ax, ja' ni me ya xpotsot yu'un.

Job 20:8

Jich me ya xch'ay bael ta q'uinal te bit'il waichil, ja' me pajal soc te ay bila ya yil ta sit ta ajc'ubale, ma'yuc mach'a ya xtaot ta leel yu'un.

Salmos 37:15

Pero ja' ni me ya yich' lowbeyel yo'tanic a te spuñalique, soc ya yich' c'astilayel te st'imalte'ique.

Proverbios 11:8

Dios ya yac' ta libre yu'un swocol te mach'a toj yo'tane; ja' ya yac'bey sjelolin ta wocol te mach'a amen yo'tane.

Daniel 6:25

Jich te muc' ajwalil Darío la sts'ibubey jun ta stojolic te ants-winiquetic ta spisil nacionetic soc ta spisil c'opiletic ta q'uinal, jich la yalbey: “Ac'a lamajuc q'uinal awaiyic soc ac'a toyuc xan yutsil awo'tanic.