Ester 6:9 - Bible in Tzeltal de Oxchuc y Tenejapa

⁹ Te najt'il c'u'il soc te caballo ya me yich' aq'uel ta sc'ab jtul winic te mero muc' sc'oplal yu'un te ajwalile, swenta yu'un ja' me ya yac'bey slap sc'u' te mach'a ya sc'an te ya awac' ta ich'el ta muc' te ja'at muc' ajwalilate, soc te ya yac' beenuc ta caballo ta plaza yu'un te lume, soc jich ya yal ta aw ta stojol te c'alal snitoj ta beel a te scaballoe: “¡Jich ya sc'an pasel te winic te la yac' ta ich'el ta muc' te muc' ajwalile!”, ac'a xiuc ta aw —xi' te Amán.

Bible in Tzeltal Bachajón

⁹ patil ac'a ya'beyic te nahtil-c'u'ul soc te cawu ta sc'ab jtuhl príncipal te mero muc' sc'oblal yu'un te ajwalil, ac'a ya'beyic slap sc'u' te mach'a ya sc'an ya x'ac'ot ta ich'el ta muc' yu'un te ajwalil, ac'a yac' behenuc ta cawu ta plaza yu'un te pueblo soc hich ac'a yich' halel ta stojol: ¡Hich ya yich' pasbeyel te winic te ya x'ac'ot ta ich'el ta muc' yu'un te ajwalil! xchi te Amán.

Ester 6:9 Referans Kwoze

Génesis 41:43

La yac' mouc ta carreta te tiq'uil ya xbajt' ta spate. Soc la yal mandal te ya yalic ta aw te c'alal ya xbeen c'axele: “Jamaic te be”, xiic me ta yalel. Jich la yac'bey swentain spamal sq'uinal Egipto.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Ester 6:6

Och bael te Amán, jojc'obot yu'un te muc' ajwalile: —¿Bi ya sc'an ya yich' pasel te mach'a ya yac' ta ich'el ta muc' te muc' ajwalile? —la yut. Te Amán la yal ta yo'tan: “¿Mach'a yan te ya yac' ta ich'el ta muc'? Jo'on abi”, xi'.

Ester 6:10

Te muc' ajwalil jich la yalbey te Amán: —Suja me aba jiche, ich'a te najt'il c'u'il soc te caballo, jich te bit'il la awalixe. Mero jich me xba apasbey ta stojol te judio Mardoqueo, ja' te nacal ta yochibal jpalacio. Ts'acal me xawac' c'otuc ta pasel ta stojol spisil te bitic la awalixe —xi' sc'oplal.