Ester 6:3 - Bible in Tzeltal de Oxchuc y Tenejapa

³ Te muc' ajwalil la sjojc'obey: —¿Bi smajt'an staoj te Mardoqueo, soc bi seña yich'el ta muc' staoj yu'un te bila la spasbone? —xi'. —Mero ma'yuc, ni jxujt'uc —xiic te abatetic yu'une.

Bible in Tzeltal Bachajón

³ La yal te ajwalil: ¿Bin yich'el ta muc' la sta a, o bin smahtan la sta a te Mardoqueo te hich la spase? xchi. Mayuc bin pasbot yu'un, xchihic te a'batetic yu'une.

Ester 6:3 Referans Kwoze

Eclesiastés 9:15

Ta bay te ch'in jpam lume, ay nainem jtul winic buen me'ba, pero bayal sp'ijil. Ya xju' yu'un ya scoltay ta swenta sp'ijil te lume, pero ma'yuc mach'a ya xna'ot yu'un te me'ba winique.

Génesis 40:23

Ja'uc me to, te mach'a la xcha'yich' yat'el ta sc'asesel svaso te muc' ajwalile, ma la sna' te José, ch'ay ta yo'tan.

Daniel 5:29

Te muc' ajwalil Belsasar la yal mandal ta ora te ya yich' aq'uel slap púrpura c'u'il, soc te ya yich' xojel ta snuc' cadena pasbil ta oro te Daniel, soc la spuc ta alel spisilic te ja' nix yorail a te ya xc'ot ta yoxebal ajwalil te banti yac ta pasaw ta mandal te muc' ajwalile.

Daniel 5:16

La yalboniquix te ja'at ya xju' awu'un yalel te bitic wocol ta na'ele, soc te ya awal ta jamal te bitic chujc'ulic ta na'beyel swentaile. Teme ja'at ya xju' awu'un yalel te c'opetic ts'ibubile, soc teme ya awalbon caiy te bila ya sc'an ya yale, ya me cac'bat alap púrpura c'u'iletic, soc ya me cac'bat awuan cadena pasbil ta oro, soc ya me cac' te ya xc'oat ta yoxebal ajwalil ta banti yacon ta mandalteswaneje —xi'.

Daniel 5:7

Ora jajch' ta aw, ja' la yic' tel te mach'atic ay bila ya sna'ic syoljoltayele soc te mach'atic bayal bila sna'ojic, soc te mach'atic ay bila sna'ojic ta swenta c'aal, u, eq'uetic te ayic ta Babilonia, jich la yalbey: —Te mach'a ya sna' yilel te bila ts'ibubil ta pajq'ue, soc teme ya yalbon caiy te bila ya sc'an ya yale, ya me yich' ac'beyel slap púrpura c'u'il soc ya yich' ac'beyel yuan ta snuc' cadena pasbil ta oro, ja' me ya xc'ot ta yoxebal ajwalil ta banti yacon ta mandalteswaneje —xi'.

1 Crónicas 11:6

La yal te Davide: —Te mach'a neel ya smil jtul jebuseo-winic, muc' sc'oplal ya xc'ot, soc jtsobwanej me yu'un te soldadoetic cu'une —xi'. Te mach'a neel mo bael ta yac'beyel guerra, ja' te Joab te yal Sarvia, jich ac'ot ta jtsobwanej.

Ester 6:2

Tey la staic a te albil sc'oplal te Mardoqueo te la yaiy te bila la xchapic ta swenta smilel muc' ajwalil Asuero te Bigtán soc Teres, te ja'ic te jcananetic yu'un te muc' ajwalile.

Ester 6:4

Ja' yorail a och bael te Amán ta amac' te c'oem c'alal ta spalacio ta banti ay te muc' ajwalil, swenta yu'un ba sc'an te ya yich' jijp'anel te Mardoqueo ta te' te la yaq'uix ta pasele. —¿Mach'a ay ta amac'? —xi' ta sjojc'oyel te muc' ajwalile.