Ester 6:12 - Bible in Tzeltal de Oxchuc y Tenejapa

¹² Te c'alal laj yo'tan ta aq'uel ta beentesel te Mardoqueo, cha'bajt' xan ta naclej ta yochibal spalacio te muc' ajwalile. Te Amán ora bajt' ta sna, ay bael ta mel-o'tan soc smacoj yelaw.

Bible in Tzeltal Bachajón

¹² Ta patil te Mardoqueo suht bahel ta yochibal sna te ajwalil, te Amán ora baht ta sna, yac ta mel-o'tan soc smacoj bahel sjol.

Ester 6:12 Referans Kwoze

2 Samuel 15:30

Te David mo bael ta Wits Olivailtic. T'axal yacan, ma'yuc step, yac ta oq'uel, soc smacoj sjol seña xc'uxul wocol. Spisil te mach'atic joinbil yu'une, smacoj sjolic uuc, soc yacalic ta oq'uel ta moel.

Job 20:5

te yutsil q'uinal yaiy te j'amen-o'tane ma ba ya xjalaj bayal c'aal; te yutsil yo'tan ma ba najt'.

1 Reyes 21:4

Te Acab bajt' ta sna, ay ta mel-o'tan soc boloben yo'tan ta swenta te bi albot yu'un te Nabot, ta scaj te albot te ma ba ya x'ac'bot te bila ac'bil jilel yu'un sme'-stat. C'alal c'ot ta sna, la smejts'an sba ta swayib, la sut bael sit ta pajc', soc ma ba we'.

Job 9:24

Te balumilal ya yac'bey ta sc'ab te mach'atic amen yo'tanique; te juecetique, ya xmacbot sitic yu'un. Teme ma ja'uc te Diose, ¿mach'a ix a jiche?

Ester 7:8

Te c'alal sujt' tel ta nichimaltic te muc' ajwalile, och bael ta yut na ta banti yacalic ta we'el swenta te q'uine, la yil te Amán, quejel ta stojol te Ester ta banti metsele. Jich la yal: —¡A! ¿Yu'un bal ya ac'an ya awuts'inbon ta jsit te antsil-ajwalil li' ta jna jiche? —xi'. Te bi ora jich la yal te muc' ajwalile, te jcananetic yu'un la smacbeyic sit te Amán. Te jtul yabat te ajwalil te Harbona sbiile, jich la yal: —Ta sna te Amán ay chapalix jun te', ay wan cheb xcha'winic (22) metro snajt'il, te ja' nix te Amán la yac' ta pasel yu'un ya yac' ta jijp'anel sc'oplal a te Mardoqueo, ja' te winic te mero lec bila la spas ta atojol te ja'at te muc' ajwalilate —xi'. —Jijp'anaic tey a jiche —xi' smandal te muc' ajwalile.

Ester 2:19

Te jayeb c'aal yac ta iq'uel bael ta yan na yu'un antsetic a te ach'ixetique, te Mardoqueo spisil c'aal la snajc'an sba ta yochibal spalacio te muc' ajwalile.

2 Crónicas 26:20

C'alal la yil te muc' sacerdote Azarías, soc spisil te yantic sacerdoteetic, te ayix c'a'el-chamel ta sti'bae, ora la sloq'uesic bael. Soc la nix sc'an yo'tan te ya xloc' bael ta ora, melel te Cajwaltic ja' la yac'beyix te castigoe.

1 Reyes 20:43

Jich yu'un te muc' ajwalil yu'un Israel bajt' ta Samaria, yac ta mel-o'tan soc boloben yo'tan och bael ta sna.

2 Samuel 17:23

Te Ahitofel c'alal la yil te ma ba la yich' ch'uunel te bila la yale, la xchajban sburro, bajt' ta sna ta slumal ta banti ainem. C'alal laj yo'tan ta sc'oponel te mach'atic ay yu'une, la sut' snuc', la sjojc'an sba, jich laj. C'ot ta muquel ta banti mucul te state.

1 Samuel 3:15

C'alal quejch'aj ta c'op te Diose, way xan te Samuel, ja' to c'alal sacub q'uinal. La sjam te sti'nailul templo yu'un Cajwaltic. Te Samuel la xi' yalbeyel Elí te bitic albot yu'un te Cajwaltique,

Ester 6:11

Te Amán la stsac te najt'il c'u'il soc te caballo, la yac'bey slap te Mardoqueo. La smojt'es bael ta caballo, la snit bael ta plaza yu'un te lume, jich yacal ta yalel ta aw ta stojol: “¡Jich ya sc'an pasel te winic te la yac' ta ich'el ta muc' te muc' ajwalile!” xi' ta aw te Amán.

1 Reyes 21:6

Te Acab la sjac': —C'opojon soc Nabot te ay ta Jezreel, la jc'anbey te yacuc xchonbon te sts'usubile, o teme ya sc'ane, ya jeltaybey, ya cac'bey yan ts'usubil ta sjelol. Pero ma ba la sc'an la yac'bon —xi'.