Ester 6:11 - Bible in Tzeltal de Oxchuc y Tenejapa

¹¹ Te Amán la stsac te najt'il c'u'il soc te caballo, la yac'bey slap te Mardoqueo. La smojt'es bael ta caballo, la snit bael ta plaza yu'un te lume, jich yacal ta yalel ta aw ta stojol: “¡Jich ya sc'an pasel te winic te la yac' ta ich'el ta muc' te muc' ajwalile!” xi' ta aw te Amán.

Bible in Tzeltal Bachajón

¹¹ Hich te Amán la stsac te nahtil-c'u'ul soc te cawu, la ya'be slap te Mardoqueo, la snitbe bahel te cawu ta plaza yu'un te pueblo, hich yac yalbel ta aw ta stojol: Hich ya yich' pasbeyel te winic te ya x'ac'ot ta ich'el ta muc' yu'un te ajwalil, xchi ta aw.

Ester 6:11 Referans Kwoze

San Lucas 1:52

La sloq'ues ta smuc'ul nactijib te mach'atic tulanique; ja' la stoyesbey sc'oplal te mach'atic peq'uel ayique.

Apocalipsis 3:9

Jich me ya cac' te ya xtal squejan sbaic ta atojol te mach'atic nainem ta yo'tanic te Satanase soc te mach'atic scuyoj sbaic ta judioe, ja'uc me to, ma ja'uquic, ja' nax jpas-lotetic. Jo'on me ya cac' taluc te ya squejan sbaic ta atojol, jich me ya sna'ic te bit'il c'uxat ta co'tane.

Isaías 60:14

Te snich'nab te mach'atic la stenex ta uts'inele, ya me xtalic ta bic'tajel ta atojol; soc spisil mach'atic la yilayat ta yo'tanic, ya me xtal squejan sbaic ta awacan. Ya me yalbeyex: “Lum yu'un te Cajwaltique”, xi' me ac'oplal, soc: “Sión yu'un te Ch'ul Dios yu'un Israel”, xiic me.

Ester 9:3

Ta spisil te mach'atic yich'oj yat'elic ta juju-jpam q'uinal, ja' te ajwaliletic ta juju-jpam q'uinal soc ta juju-jpam lum, soc spisilic te mach'atic yich'oj tulan yat'elic yu'un te mandalteswaneje, ta spisilic ja' la yac' sbaic soc te judioetic, ta scaj te ja' la xi'ic te Mardoqueo.

Ester 8:15

Te Mardoqueo loc' jajch'el ta spalacio te muc' ajwalil, slapoj najt'il c'u'il te ay syaxal soc te ay saquil swenta sc'u' muc' ajwalil, soc jun muc'ul corona pasbil ta oro soc jun smeyil pac' pasbil ta lino soc púrpura. Spisil te yajwal te lum Susa jajch'ic ta aw swenta sbujts' q'uinal la yaiyic.

Esdras 6:13

Te ajwalil yu'un te q'uinal ay ta stojol smalib c'aal yu'un muc'ja' Eufrates, Tatnai sbiil, soc te Setar-boznai soc te sjo'taque, ts'acal la yaq'uic c'otuc ta pasel te bila ts'ibubil yu'un ta mandal la yal te muc' ajwalil Darío.

Ester 6:10

Te muc' ajwalil jich la yalbey te Amán: —Suja me aba jiche, ich'a te najt'il c'u'il soc te caballo, jich te bit'il la awalixe. Mero jich me xba apasbey ta stojol te judio Mardoqueo, ja' te nacal ta yochibal jpalacio. Ts'acal me xawac' c'otuc ta pasel ta stojol spisil te bitic la awalixe —xi' sc'oplal.

Ester 6:12

Te c'alal laj yo'tan ta aq'uel ta beentesel te Mardoqueo, cha'bajt' xan ta naclej ta yochibal spalacio te muc' ajwalile. Te Amán ora bajt' ta sna, ay bael ta mel-o'tan soc smacoj yelaw.

Proverbios 27:18

Te mach'a ya scanantay te higuera, ya slo'bey sit; te mach'a ya scanantay yajwal, ya x'ac'ot ta ich'el ta muc' yu'un.