Ester 6:10 - Bible in Tzeltal de Oxchuc y Tenejapa

¹⁰ Te muc' ajwalil jich la yalbey te Amán: —Suja me aba jiche, ich'a te najt'il c'u'il soc te caballo, jich te bit'il la awalixe. Mero jich me xba apasbey ta stojol te judio Mardoqueo, ja' te nacal ta yochibal jpalacio. Ts'acal me xawac' c'otuc ta pasel ta stojol spisil te bitic la awalixe —xi' sc'oplal.

Bible in Tzeltal Bachajón

¹⁰ Te ajwalil hich la yalbe te Amán: Suja aba, ich'a bahel te nahtil-c'u'ul soc te cawu, hich te bin ut'il la awalixe, hich me xapasbe te judio Mardoqueo te hucul ta yochibal sna ajwalil. Ma me ayuc bin xach'ay ta spisil te bintic la awalix, xchi sc'oblal.

Ester 6:10 Referans Kwoze

Apocalipsis 18:7

Te jich yipal la stoy sba soc te jich yipal la slajin sc'ulejal ta spasel te bila smulanej te sbaq'uetale, jich nix yipal ac'a c'axuc swocol ta uts'inel soc ta oq'uel. Melel jich ya yal ta yo'tan te muc'ul lume: ‘Jo'on muc' antsil-ajwalilon. Ma'yuc bi ora te ya xjilon ta me'ba antse. Ma xquil jwocol ta oq'uel jtuquel’, te xi' ta yo'tane.

San Lucas 14:11

Melel te mach'a ya yac' sba ta ich'el ta muq'ue, ma'yuc sc'oplal ya xc'ot. Yan te mach'a peq'uel ya yac' sbae, ja' me ya x'ich'ot ta muc' stuquel —xi' te Jesuse.

Daniel 4:37

“Yo'tic, jo'on te Nabucodonosor, ya calbey wocol, ya quich' ta muc' soc ya jtoyesbey yutsil sc'oplal te Muc' Ajwalil ta ch'ulchane. Melel spisil te bitic ya spase mero melel ya xc'ot, soc mero stojil ya spas. Ya yac'bey spejc'an sbaic te mach'atic bayal sc'oplal ya scuy sbaique”, xi' te Nabucodonosor ta sjun.

2 Reyes 10:10

Na'aic me ta lec te ma'yuc banti ma xc'ot ta pasel te bila yaloj Cajwaltic ta stojol te sts'umbal Acab. Ja' nix te Cajwaltic yacal spasel te bila yaloj ta swenta te Elías ja' te yabate —xi'.

Ester 6:9

Te najt'il c'u'il soc te caballo ya me yich' aq'uel ta sc'ab jtul winic te mero muc' sc'oplal yu'un te ajwalile, swenta yu'un ja' me ya yac'bey slap sc'u' te mach'a ya sc'an te ya awac' ta ich'el ta muc' te ja'at muc' ajwalilate, soc te ya yac' beenuc ta caballo ta plaza yu'un te lume, soc jich ya yal ta aw ta stojol te c'alal snitoj ta beel a te scaballoe: “¡Jich ya sc'an pasel te winic te la yac' ta ich'el ta muc' te muc' ajwalile!”, ac'a xiuc ta aw —xi' te Amán.

Ester 6:11

Te Amán la stsac te najt'il c'u'il soc te caballo, la yac'bey slap te Mardoqueo. La smojt'es bael ta caballo, la snit bael ta plaza yu'un te lume, jich yacal ta yalel ta aw ta stojol: “¡Jich ya sc'an pasel te winic te la yac' ta ich'el ta muc' te muc' ajwalile!” xi' ta aw te Amán.

Salmos 31:24

Pasaic me tulan, ayuc me yip awo'tanic ta apisilic ja'ex te smuc'ulinej awo'tanic te Cajwaltique.