Ester 5:9 - Bible in Tzeltal de Oxchuc y Tenejapa

⁹ Te Amán loc' jajch'el tey ta banti we'-uch'ique, bin nax yo'tan soc buen nojel xch'ujt'. Pero c'alal la yil te Mardoqueo te ay ta yochibal spalacio te muc' ajwalile, soc te ma ba la stejc'an sba, soc ma ba la stij sba ta ilel yu'un te c'alal c'ax tey ae, mero ilin yo'tan yu'un.

Bible in Tzeltal Bachajón

⁹ Te Amán buen tse'el yo'tan a loc' bahel. Pero te c'alal la yil te Mardoqueo te ay ta yochibal sna te ajwalil, te ma ba la stehc'an sba ni lajuc snihc sba te banti ay, mero ilin ta stojol te Mardoqueo.

Ester 5:9 Referans Kwoze

Ester 3:5

Te c'alal la sna' ta lec te Amán te ma ba ya squejan sba soc ma ba ya stinan sba te Mardoqueo te c'alal ya xc'axe, mero ilin yo'tan yu'un.

San Mateo 2:16

Te Herodese la sna' ta yo'tan te laj ta lo'layel yu'un te p'ijil winiquetique. C'axem to xan ilin yu'un. La yal mandal te ya xba yich' milel spisil te alalqueremetic te che'cheb ja'wil ya'wilalique soc uuc te ma to xloc' cheb ja'wil yu'unic te ayic ta spamal lum Belén soc ta sjoylejal. Ja' la sna' te bi ora chicnaj te ec' te la yalic te p'ijil winiquetique.

Santiago 4:9

Mela awo'tanic soc oq'uetaya abaic. Te atse'ejique ac'a c'atp'ujuc ta oq'uel; te sbujts' awo'tanique ac'a c'atp'ujuc ta mel-o'tan.

San Juan 16:20

Jamal ya calbeyex, ya me x'oq'uex cu'un soc bayal me ya amel awo'tanic. Yan te mach'atic te ayic ta swenta te balumilale, ya xbujts'naj yo'tanic yu'un, ja'uc me to, te mel-o'tan ya awaiyique, ya me xc'atp'uj ta sbujts' awo'tanic.

San Lucas 6:25

“¡Ya me awil awocolic ja'ex te nojel ach'ujt'ic ta ora to, melel ya me awaiyic wi'nal! ¡Ya me awil awocolic ja'ex te ya stse'en awo'tanic ta ora to, melel ya me x'oq'uex yu'un te mel-o'tane!

Daniel 3:13

Te Nabucodonosor bayal jajch' slab yo'tan yu'un. La yal mandal te ya x'ic'ot tel ta stojol te Sadrac, Mesac soc Abed-nego. Te c'alal ayiquix ta stojol ae,

Salmos 27:3

Manchuc teme bayal soldadoetic ya sjoytayonic, ma me xiw co'tan yu'un; manchuc me ya xchajban sbaic yu'un yuts'inbelonic, jtalel jun nax co'tan ya xjilon.

Salmos 15:4

ja' te mach'a ya yilay te mach'a ay bila amen spasoje; ja' te ya yich' ta muc' te mach'a yich'oj ta muc' te Cajwaltique; ja' te mach'a ya xc'ot ta pasel yu'un te bila yaloj manchuc me ya sta swocol yu'un;

Job 31:31

Teme ja' te mach'atic jun jlumal soc te yo'tan ya yuts'inic te jyanlume,

Job 20:5

te yutsil q'uinal yaiy te j'amen-o'tane ma ba ya xjalaj bayal c'aal; te yutsil yo'tan ma ba najt'.

Ester 3:2

Spisil te abatetic yu'un muc' ajwalil te ayic ta spalacio, ya squejan sbaic soc ya stinan sbaic ta stojol Amán te c'alal ya xc'axe, o teme teq'uelic ta stojole, melel jich yaloj mandal te muc' ajwalile. Pero te Mardoqueo ma ba la sc'an la xch'uun stuquel te mandale.

Ester 2:19

Te jayeb c'aal yac ta iq'uel bael ta yan na yu'un antsetic a te ach'ixetique, te Mardoqueo spisil c'aal la snajc'an sba ta yochibal spalacio te muc' ajwalile.

1 Reyes 21:4

Te Acab bajt' ta sna, ay ta mel-o'tan soc boloben yo'tan ta swenta te bi albot yu'un te Nabot, ta scaj te albot te ma ba ya x'ac'bot te bila ac'bil jilel yu'un sme'-stat. C'alal c'ot ta sna, la smejts'an sba ta swayib, la sut bael sit ta pajc', soc ma ba we'.

Hechos 7:54

Te c'alal la yaiyic stojol te bila la yal te Estebane, mich'ot yo'tanic yu'un ta c'axem to xan. La xc'ux yeic yu'un ta scontroinel.

San Mateo 10:28

Ma me x'axi'ic te mach'atic ya smilbeyex abaq'uetalique, ja'uc me to, ma xju' yu'un ya smilbeyex stuquel te ach'ulelique. Ja' me x'axi'ic te Mach'a ya xju' yu'un ya yaq'uex ta lajel soc abaq'uetalic soc ach'ulelic ta bay infierno.

Ester 5:13

Pero spisil in to, ma'yuc sc'oplal ta co'tan te c'alal ya quil te judio Mardoqueo, te nacal ta yochibal spalacio te muc' ajwalile —xi'.

1 Reyes 21:6

Te Acab la sjac': —C'opojon soc Nabot te ay ta Jezreel, la jc'anbey te yacuc xchonbon te sts'usubile, o teme ya sc'ane, ya jeltaybey, ya cac'bey yan ts'usubil ta sjelol. Pero ma ba la sc'an la yac'bon —xi'.