Ester 5:4 - Bible in Tzeltal de Oxchuc y Tenejapa

⁴ —Teme lec ya awaiye, muc' ajwalil, ya calbat wocol te yacuc xbaat ta we'el yo'tic te jchajbanej ta swenta awich'el ta muq'ue, soc te yacuc awic' bael uuc te Amán —xi'. Te muc' ajwalil la sticun ta leel te Amán:

Bible in Tzeltal Bachajón

⁴ La sjac' te Ester: Teme lec ya ya'iy te ajwalil, ac'a taluc yo'tic te ajwalil soc te Amán ta we'el te chahpambil cu'un, xchi.

Ester 5:4 Referans Kwoze

Proverbios 29:11

Te mach'a ma sna' q'uinal, libre ay ya yaiy ta spasel te bitic ya sc'an yo'tane; yan te mach'a ay sp'ijile, ya scom sba stuquel.

Ester 5:8

teme lecon ta asit, teme lecon ta awo'tan te ja'at te muc' ajwalilate, teme ya apasbon te bila ya smulan te co'tane, soc teme ya awac'bon te bila ya jc'anbate, ya me xcha'talat pajel soc te Amán ta we'el yan buelta te chapal cu'un swenta awich'el ta muq'ue. Tey me ora ya jc'anbatix a te bila la awalbone —xi' te Ester.

1 Corintios 14:20

Quermanotac, ma me jichuquex te bit'il alaletic te ma to sna'ic q'uinale. Ja' lec teme jichex te bit'il alaletic te ma'yuc bila amen ay ta yo'tanique. Ja'uc me to, muc'ul ants-winicuquex me ta snopel te bila leque.

Salmos 112:5

Te mach'a lec yo'tan ma'yuc bi ya st'ut'iltay yaq'uel ta majanel, soc toj yo'tan ta xchonel te sp'olmale.

Ester 3:15

Te correoetic ora nax bajt'ic ta ticunel yu'un te muc' ajwalil, soc la yich' puquel ta alel ta joyob ts'ajc'ubil centro yu'un te lum Susa. Jich te muc' ajwalil soc te Amán jun yo'tan nacajtic ta uch'bajel, pero ta Susa jajch' ta woclajel te yo'tanique.

Génesis 32:20

soc albeyaic: “Patil yac ta talel te awabat Jacob”, utaic me —xi'. Yu'un la yal ta yo'tan: “Ya jlecubtesbey yo'tan soc a te majt'aniletic te ya jneeltesbey baele. Jich me ya quil a teme lecubenix yo'tan cu'une”, xi'.

Génesis 27:25

Jich yu'un la yalbey: —Ich'bon tel te ti'bal jiche, ya me jti'bat caiy ati'bal te jnich'anate, patil me ya jc'anbat bendición —xi'. Jich te Jacob la yac'bey ti'bal sti' te state, soc la yich'bey tel vino yuch'.

Ester 5:3

Jojc'obot yu'un te muc' ajwalile: —¿Bi ya apas, antsil-ajwalil Ester? ¿Bi ya ac'an? Manchuc me ya ac'anbon oliluc te lumetic bay c'alal jwentainej ta mandalteswaneje, ya me cac'bat —xi'. La sjac' te Ester:

Ester 5:5

—Baan leaic ta ora te Amán. Ac'a c'otuc ta pasel te bi ya smulan yo'tan te antsil-ajwalil Ester —xi'. Jich bajt'ic ta we'el-uch'el te muc' ajwalil soc te Amán te chapal yu'un te Estere.

Ester 1:9

Jich te yinam muc' ajwalil te Vasti sbiile, la stsob ta swenta q'uin uuc te yinamic te mach'atic ic'bilique, tey nix ta sna te muc' ajwalil Asuero.