Ester 5:14 - Bible in Tzeltal de Oxchuc y Tenejapa

¹⁴ Jich te yinam soc ta spisil te yamigotac jich albot yu'un: —Ticuna ta pasel junuc te', te ay cheb xcha'winic (22) metro snajt'ile. Pajel ta sab ya ac'anbey te muc' ajwalil te ya yich' jijp'anel moel a te Mardoqueo. Jich me jun awo'tan ya xbaat ta we'el swenta q'uin soc a te muc' ajwalil —xiic. Te c'op in to la smulan te Amán, jich la sticun ta pasel te te'e.

Bible in Tzeltal Bachajón

¹⁴ Te Zeres te yihnam soc spisil te yamigotac hich la yalbeyic: Ac'a yich' pasel ts'apbil te' te ha lajuneb yoxwinic (50) xuhc'ubil stoyolil, pajel yac ac'ambe te ajwalil te ya yich' jihpanel tey a te Mardoqueo. Hich me tse'el awo'tan ya x'ochat ta we'el soc a te ajwalil, xchihic. Lec la ya'iy te Amán, hich la yac' ta chahpanel.

Ester 5:14 Referans Kwoze

Ester 6:4

Ja' yorail a och bael te Amán ta amac' te c'oem c'alal ta spalacio ta banti ay te muc' ajwalil, swenta yu'un ba sc'an te ya yich' jijp'anel te Mardoqueo ta te' te la yaq'uix ta pasele. —¿Mach'a ay ta amac'? —xi' ta sjojc'oyel te muc' ajwalile.

Salmos 37:32

Te mach'a amen yo'tane ya snac' sba ta smacliyel te mach'a lec yo'tane, yu'un snopoj ta yo'tan te ya smile;

Salmos 37:14

Te mach'atic amen yo'tanic ya sloq'ues spuñalic yu'un slajinel te mach'atic me'baetic, soc ya snitic te st'imalte'ic yu'un slajinel te mach'atic te pejc'ajtic; melel ya smilic ta sc'opic a te mach'atic lec yat'elique.

1 Reyes 21:7

Te Jezabel, ja' te yiname, jich la yal: —¡Pero ja'at ay ta awenta pasaw ta mandal ta stojol Israel! Baan ta we'el, binuc nax me awo'tan. Jo'on me ya jchajban te sts'usubil Nabot —xi'.

Apocalipsis 11:10

Te mach'atic nainemic ta balumilale, ya xbujts'naj yo'tanic ta lec yu'un te lajemic ya yilique, soc ya spasic q'uin yu'un, soc ya yac'bey sbaic smajt'anic yu'un. Melel bayal c'ax swocolic ta swenta te cheb j'alwanejetic yu'un te Diose.

Romanos 3:15

Xtananet nax yacanic ta milaw ta smalel ch'ich'.

Romanos 1:32

Te mach'atic jich yat'elique, sna'ojic stojol ta lec te bit'il ay ich'el ta c'op yu'un te mulile. Soc sna'ojic stojol teme ya spasic in mulil to, ja' ya stojic ta lajel yu'un. Ja'uc me to, jich yacalic ta spasel spisil ora, soc bin nax yo'tanic yu'un te jich nix yacalic spasel uuc te yantique.

Proverbios 4:16

Melel ma sc'an slaman sbaic ja' to teme la spasic te bila amen ta pasele; asta ma ba ya xtal swayelic, teme ma'yuc mach'a ya yaq'uic yaluque.

Proverbios 1:18

Yan te mach'atic jich ya spasique, ja'ic nix ya spas spejts'ulic stuquelic; jich quechel ta lajinel xcuxlejalic yu'un.

Salmos 9:15

Te mach'atic ma'yuc ta stojol Dios ja' nix ya x'ochic a ta bay te syaquique; ja' nix ya xyacbot yacanic yu'un te ch'ajan te muquen ay yu'unique.

1 Reyes 21:25

(Ma'yuc mach'a yan jich te bit'il Acab, te sujot yu'un yinam, ja' te Jezabel, te la spas te bila amen ta pasel ta sit te Cajwaltique.

2 Samuel 16:21

Te Ahitofel la sjac': —Wayan soc te antsetic yu'un atat, te yijq'uitayej yu'un ya scanantaybeyic sna, swenta yu'un jich me ya sna' spisil Israel te jc'axel la awac' aba ta ilayel yu'un te atate. Jich me ya yich' xan yip yo'tanic te jayeb mach'atic ayic ta atojole —xi'.