Ester 5:13 - Bible in Tzeltal de Oxchuc y Tenejapa

¹³ Pero spisil in to, ma'yuc sc'oplal ta co'tan te c'alal ya quil te judio Mardoqueo, te nacal ta yochibal spalacio te muc' ajwalile —xi'.

Bible in Tzeltal Bachajón

¹³ Pero spisil ini, mayuc stuc c'ohem ya ca'iy te c'alal ya quil te judio Mardoqueo te hucul ta yochibal sna te ajwalil, xchi.

Ester 5:13 Referans Kwoze

Eclesiastés 1:14

Ju' cu'un sna'el ta lec spisil bitic ya yich' pasel ta balumilal, mero tojol ta jyalel, ja' pajal soc te ya jc'antic ya jtsactic te iq'ue.

Job 18:4

¿Yu'un bal awo'tanuc ya asesan aba yu'un slab awo'tan? ¿Yu'un bal acuyoj te ya xc'atp'uj ta jochol taquin q'uinal te lequil q'uinal? ¿O ya bal sjeltay yawil te niwac tonetique?

Job 15:20

“Te winic te spisil ora ya spas te bila ma stojiluque soc te bayal ya x'uts'inwan, mero com te xcuxlejale soc ya xc'ax bayal swocol.

Ester 5:9

Te Amán loc' jajch'el tey ta banti we'-uch'ique, bin nax yo'tan soc buen nojel xch'ujt'. Pero c'alal la yil te Mardoqueo te ay ta yochibal spalacio te muc' ajwalile, soc te ma ba la stejc'an sba, soc ma ba la stij sba ta ilel yu'un te c'alal c'ax tey ae, mero ilin yo'tan yu'un.

Esdras 2:2

Bajt'ic ta slumalic, chican banti lumiluc ta sq'uinal Judá. Ja' jtsobwanejetic bael te Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana:

Salmos 37:12

Te mach'a amen yo'tan ya xchap bi ya yut ya slebey swocol te mach'a lec yo'tane, ya xc'ux ye yu'un slab yo'tan ta stojol.