Ester 5:12 - Bible in Tzeltal de Oxchuc y Tenejapa

¹² Soc la yal xan: —Jo'on nax te ic'bilon yu'un te antsil-ajwalil Ester ta we'el, swenta q'uin te la xchajbanbey te muc' ajwalil te naxe. Soc la xcha'ic'on xan ta we'el swenta pajel, te chapal xan te ya yac'bey xan te muc' ajwalile.

Bible in Tzeltal Bachajón

¹² Soc la yal xan te Amán: Te ajwalil-ants Ester mayuc mach'a yan la yic' ta we'el soc te ajwalil, ha nax te ho'one. Soc ha nix hich te pajel ya yic'on ta we'el yan buelta soc te ajwalil.

Ester 5:12 Referans Kwoze

Proverbios 27:1

Ma me xatoy aba ta swenta pajel; melel ma x'ana' te bi ya xc'ot ta pasel te pajele.

1 Tesalonicenses 5:3

Yu'un te c'alal ay jich ya yalic te ants-winiquetique: “Lamal q'uinal, ma'yuc bi chican”, te xiic ta yalele, ja'uc me to, ajc' nax ora ya xtal lajel ta stojolic, jich te bit'il ajc' nax ora ya xjajch' swocol jtul ants yu'un te ya x'ayinix te yale. Jich ma xju' ya scoltay sbaic loq'uel tey a.

Ester 5:8

teme lecon ta asit, teme lecon ta awo'tan te ja'at te muc' ajwalilate, teme ya apasbon te bila ya smulan te co'tane, soc teme ya awac'bon te bila ya jc'anbate, ya me xcha'talat pajel soc te Amán ta we'el yan buelta te chapal cu'un swenta awich'el ta muq'ue. Tey me ora ya jc'anbatix a te bila la awalbone —xi' te Ester.

Ester 5:13

Pero spisil in to, ma'yuc sc'oplal ta co'tan te c'alal ya quil te judio Mardoqueo, te nacal ta yochibal spalacio te muc' ajwalile —xi'.

Eclesiastés 8:7

ja' te ma xju' yu'un sna'el bi ora ay bi ya xc'ot ta pasele, soc ma'yuc mach'a ya xju' ya x'albot yu'un.