Ester 5:11 - Bible in Tzeltal de Oxchuc y Tenejapa

¹¹ La yalbey sc'oplal te bayal sc'ulejale, soc te snich'nab te mero bayalixe, soc te bit'il mero toyesbot sc'oplal yu'un te muc' ajwalile, te ma pajaluc sc'oplal soc te yantic j'at'eletic soc te yantic abatetique te bit'il ja' mero toyol yat'el c'ot ta stojol ta spisil te yantique.

Bible in Tzeltal Bachajón

¹¹ la yalbe ya'iyic sc'oblal te yutsil sc'ulejal, te bayel ta tuhl te snich'nab, soc spisil te bin ut'il tohytesbot sc'oblal yu'un te ajwalil, soc bin ut'il c'ax hich ac'ot ta ich'el ta muc' a yu'un te príncipaletic soc te a'batetic yu'un te ajwalil.

Ester 5:11 Referans Kwoze

Ester 3:1

C'ax c'aal ta patil, te muc' ajwalil Asuero la stoyesbey yat'el te Amán, te snich'an Hamedata, patil alnich'an yu'un Agag. La yac'bey yat'el ta sbabial jwolwanej yu'un te nacione.

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

Génesis 31:1

La yaiy stojol Jacob te bila yacalic ta yalel te snich'nab Labán: —La me spojbotic te bila ay yu'un jtatic te Jacob, melel yu'un jtatic spisil te jich yipal sc'ulejal staoj te Jacob —xiic la yaiy.

San Marcos 10:24

Te jnopojeletique bayal ayan yo'tanic yu'un te bila la yale, ja'uc me to, te Jesús la yalbey xan yaiyic: —Cal-jnich'nab, wocol ya x'och ta banti ay ta ajwalinel te Dios te mach'a yich'oj sba ta muc' soc te sc'ulejale.

Daniel 4:30

jich la yal: —¡Ila awilic bi yilel smuc'ul te Babilonia! Jo'on ta swenta smuc'ul quip, te ju' cu'un spasel swenta yu'un ja' muc'ul lum yu'un ajwalil ta spisil te q'uinal bay c'alal jwentaineje, swenta yu'un jich me ya quijq'uitaybey sna'jibal a te yutsil smuc'ul jc'oplale —xi'.

Isaías 10:8

Jich ya yal: “Spisil te muc' ajwaliletic, ja' jtsobwanejetic ya xc'ot ta spasel a te mandal cu'une.

Salmos 49:6

Melel ja' nax smuc'ulinej yo'tanic te sc'ulejalique; soc ja' nax ya stoy sbaic yu'un te ay bayal bitic ay yu'unique.

Ester 1:4

swenta yu'un ya yac'bey yilic te sc'ulejale, te smuc'ul yat'el ta muc' ajwalile, te jchajp yilel yutsilal soc te yip yat'el ta muc' ajwalile. Jalaj olil ja'wil te q'uine.

Ester 8:15

Te Mardoqueo loc' jajch'el ta spalacio te muc' ajwalil, slapoj najt'il c'u'il te ay syaxal soc te ay saquil swenta sc'u' muc' ajwalil, soc jun muc'ul corona pasbil ta oro soc jun smeyil pac' pasbil ta lino soc púrpura. Spisil te yajwal te lum Susa jajch'ic ta aw swenta sbujts' q'uinal la yaiyic.

Salmos 49:7

Pero ma'yuc mach'a ya scoltay sba ta swenta sc'ulejal; soc ni yacuc xju' ya stojic Dios yu'un ya xcol soc a te xcuxlejale.

Salmos 52:9

Dios cu'un, spisil me ora ya calbat wocol ta atojol yu'un te jich apasoje; ya me jmaliyat ta yolil te mach'atic jun yo'tanic ta atojole, melel mero lec awo'tan atuquel.